Matìù 6:23 - Mundani

²³ Ka àghɨ a wòt a bakà wua mbɔ̀ ko taa wu wuê a èbem ndzěm. Ale, àghɨa àa a èntɨ̧ɨ̧ wòt la wu ndzěm, ko mèntsèke tò ègème naa me fene mbɨꞋɨ̀ ndzěm mbɔŋ.

Matìù 6:23 Referans Kwoze

1 Jɔ̌n 2:11

Ka wòt tàa mpààbà wanyɨ vi la wu a èbem ndzěm mbɔŋ. Ŋut wua ngȩȩna a èbem ndzěm, tà kà ko àdziꞋa ye ghà la, nkàà nê ndzěm mbɔŋ ghɨ̂ tà kà wua ndzea èdziꞋ.

Matìù 6:22

“Àghɨ a wu mbɨ̀Ꞌɨ̀ èkaꞋà a mbɨ̧̀ ènyit. È wu ale, àghɨ a wòt a me bɔ̌ ko mbɨ̧̀ ènyit tò ègème naa lu̧u̧ nè èkaꞋà.

Efesɔ̀s 4:18

ÀkwàꞋte àyɔb a kwene ndzěm. Bɔ bakà bɔ mèntsèke fi mu Mbɔ̧ɔ̧mà nàa ŋǎ abua bòt la, nkàà nê bɔɔ ngɨ̀à mèntɨ̧ɨ̧ mɔb kweelà, bɔ̀ ka ko àghɨ, bɔ̀ ka mê ngua nkɨ eyute ànəa Mbɔ̧ɔ̧mà shua la.

1 Kɔlìn 2:14

Wòt kà bɔ Fo Mbɔ̧ɔ̧mà nàà kà bɔ èghɨ bu Fo Mbɔ̧ɔ̧mà nàa ŋǎ la, nkàà nê èghɨ mbɔŋ abua tò wu èghɨ àkèghɨ̧̀, tà kà mê ngu ko eko àghɨ adù̧ nkàà nê, wòt baka bɔ Fo Mbɔ̧ɔ̧mà, tà kà ko àghɨa èghɨ mbɔŋ wu bùà la.

Lûm 1:22

Bɔ batè me tseka shua nê bɔ wu bòt èyì, ka mbɔ̂ ntsìꞋi èkèghɨ̧̀.

Efesɔ̀s 5:8

Bɨ̀a mbɔŋ bɨ li ngu mbɨ̀Ꞌɨ̀ ndzěm, ka àfɨ̀Ꞌ yaa bɨ̀ tsiꞋi bòt Tè Yesò la, bɨ tsiꞋi mbɨ̀Ꞌɨ̀ èkaꞋà. Ale, bɨ̀ me tseke mbɨ̀Ꞌɨ̀ bòt bɔ̀ wu a èbem èkaꞋà la.

Lûk 8:10

Tà shu nê, “Bɔ ŋa wɨ̧ èyì a mànkoa ènəê ndò̧ Kèfɔ̧̀ Mbɔ̧ɔ̧mà, ka è me wu bòt ko, ko bɔɔ̀ ndzəèa mènəè ègème ane mèngà̧teme, ‘Mbɨ̀Ꞌɨ̀ bɔ̀ lâ bɔ̀ lɨŋka, bɔ̀ ka ye, bɔ̀ yute, bɔ̀ ka zə.’

Matìù 20:15

Tè e mbakà bɔ mètàŋ e nɨ èkab am e ghɨ̀ àghɨa mâ kɔ̀ŋkè la à? Mâ ghaꞋa àbu am abua bòt baa ale, a ghɨ̀ na ka me saa àwê à?’ ”

Ntu̧ Ntsɔ̧̀ MAK 7:22

mànjɨa àbȩ, nè èghoꞋ nè mènəè kàbɔ̀ŋ ègème la. NdàꞋà mèfà̧, ngɨ̀à èbɨꞋte mènəè, ngòꞋnà bòt, ntsòkà tèlente bòt tsa, ŋèꞋa tèkwȩtsə a ègwet, mè ngɨ̧̀ɨ̧̀nà la.

Lûk 11:34

Àghɨ a yê a wu mbɨ̀Ꞌɨ̀ èkaꞋà mbɨ̧̀ ènyit. Àghɨ a yê àa ngɨ̀ à wu ntsɔ̧̀, mbɨ̧̀ ènyit ye ègème è lu̧u̧ nè èkaꞋà. Mbə àghɨ a yê a bakà wu ntsɔ̧̀, mbɨ̧̀ ènyit ye ègème è lu̧u̧ nè kèbìꞋà.