46 Bɨ me kɔ̀ŋkè wuê bòt bu bɔ̀ɔ nkɔ̀ŋkà àwɨ̧ la, ko àbȩ̀ yɨ̧ wu ghà à? Ka wuê bòt bu bɔ̀ɔ nɨ̀a èkab taksì la a ngɨ̀à wuê a èlɨ mbɔŋ à?
“È me wu a fetà èkab taksì wu, tà tɨ̧ɨ̧ a endɨ̌, tà kà lem ndɔ̀kè àtsə azi a ègwet, mbɔ̂ màꞋà èbu bi a tèkwȩ ti shuê nê, ‘Mbɔ̧ɔ̧mà, ku tèsȩ taã, e ngu wòt kàbɔ̀ŋ.’ ”
“Bɨ̀ me ko mbɨ̀Ꞌɨ̀ ka bɨ me ghɨ̀ èghɨ bɨ̀a ngɨa ane èlen Mbɔ̧ɔ̧mà la a kètsìà banɔ̧̀ mbɨ̀Ꞌɨ̀ bɔɔ ye. Bɨ me ghɨ̀ ale, ko bɨ̀ ka bɔ àbȩ̀ abua tǎt wɨ̧ wu a ègwet la a.
Mbɨ̀Ꞌɨ̀ Yesò tsekè me jɨ èghɨ a lob Levì la, bòt nyaŋ bɔ̀ɔ nɨ̀a èkab taksì la nè bòt kàbɔ̀ŋ e tsekè a si bɔ̂ Yesò ba nè bɔkatè tò me jɨ èghɨjɨ. A li ngu anè nkàà nê èwuu bòt bàa e li ntàꞋa wua nkuŋa tò.
BènyɨꞋtà mbɨ̧te Musì ko è wu Bèfalèsiì la e ye ndɨ tà fɔta èghɨjɨ bɔ̂ bènɨa èkab taksì nè bòt kàbɔ̀ŋ la, mbììtè bɔkatè Yesò bu nê, “Tà ghɨ̀ na ka me fɔte èghɨjɨ bɔ̂ èwuu bòt ba à?”