Bib sou entènèt

Matìù 5:30 - Mundani

³⁰ Àbualu̧ ayê a ghɨ̀ à ghɨa kàbɔ̀ŋ à lo ngwaꞋ. A bɔ̂ŋ nê àdziꞋa ènyit ayê àko a buŋ tè ntsè ndɨ bɔ̀ɔ màꞋà wê nènkèm a èbem èwet Satàn la.”

Gade chapit la Kopi

tounen moute ⬆

Matìù 5:30
19 Referans Kwoze

Ntu̧ Ntsɔ̧̀ MAK 9:43

Ale, àbu ayê à ghɨ̀ à tsì èntɨ̧ɨ̧ wê ane Mbɔ̧ɔ̧mà, a lo ngwaꞋ. A bɔ̂ŋ nê à bɔ àbu yeamɔꞋ mbɔ̀ mèmpème kàlìà, tè ntsè ndɨ àa bɔ èbu bebe bɔɔ màꞋà wê a èbem èwet Satàn wu kà wu li lema la.

Matìù 5:29

Èghɨ àbâ àbualu̧ ayê e ghɨ̀ à fà̧ ànəê, à tsɔꞋ ngwaꞋ. A bɔ̂ŋ nê àdziꞋa ènyit ayê àko à buŋ tè ntsè ndɨ bɔ̀ɔ màꞋà wê nènkèm a èbem èwet Satàn la.

1 Pità 2:8

Mè nê, “Eyaa wu èti lu àa ghɨ̌ bòt aa sèmne la, mè ngu èwu lu àa ghɨ̌ bɔɔ sèmne ekwene la.” Bòt bu bɔ tu̧u̧ ebɨ̧ɨ̧ne èngǎ̧ Mbɔ̧ɔ̧mà la, àa sèmnà nkwèna a èlɨ̀ waa. A bê ngu wuê mbɨ̀Ꞌɨ̀ Mbɔ̧ɔ̧mà li nê aa li ewu ane èwuu bòt mbɔŋ la.

1 Kɔlìn 8:13

Ale, è wu nê e njɨ̀a èghɨjɨ ko aa ghɨ̌ wanɔ̧ naa ghɨ̌ a kàbɔ̀ŋ, ko è nka tsi lɔ̀Ꞌɔ̀ àlia e kwele nyà̧ a, mbɨ̀Ꞌɨ̀ ka e ngɨ̀ wanɔ̧ ghɨ a kàbɔ̀ŋ.

Lûk 17:2

Tà tsiꞋi te ghɨ̌ è weko ane ebe techɨɨle bàa naa ghɨa kàbɔ̀ŋ, a bɔ̂ŋ nê bɔ sèlè taꞋa èti àmî a tò, màꞋa atò a èbem *èdzî.

Matìù 13:21

ka bɔ̀ ka zi èntɨ̧ɨ̧ wɔb adù̧, è ka tseke ane àfɨ̀Ꞌ à seè la. ÀfɨꞋa ngoꞋ kɨꞋɨ̀, kò bòt e me kɨ àtsəa yɔb enɨ ambo èngǎ̧ mbɔŋ la leꞋ, bɔ bê ntû̧ wùà.

Lûk 12:5

Maa nyɨꞋte awɨ̧ wòt bɨ̀a me bɔa atò la. Bɨ̀ me bɔa wuê a Mbɔ̧ɔ̧mà. Tà wu wòt tà bùŋà wòt, tà bɔ̀ mètàŋ etsàa atò èwet Satàn la. Ane nkûŋ, bɨ̀ me bɔa wuê atò.

Gàlashìà 5:11

Bɔnyɨ bɔ̧, mâ ghɨ̀ ale mbèla ndàꞋà shua nê, bɔ̀ me naŋe bòt ko bɔɔ̀ kà tsi nkɨ àtsə am enɨ. Mâ ghɨ̀ ale mbèla ndaꞋa a èlɨ mbɔŋ, ko èngà̧ waa màa ndàꞋà ndɨ bɔ li ngù̧ù̧te a Yesò a mbɨ̧̀ mbasa la aà kà tsi sɔ̀ɔ̀bè èntɨ̧ɨ̧ wòt.

Lûm 9:33

Àyaa a wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Bɨ̀ ye, e ngua nɔ̀ŋa èti a Zayɔ̀n, èti àa ghɨ̌ bòt aa sèmne adù̧ la, èwu àa ghɨ̌ bòt aa kwene la. Wòt tà zi èntɨ̧ɨ̧ vi ane tò la ka bɔ àtsəa kɔꞋɔ.”

Matìù 26:31

Yesò shu abua bɔkatè bi nê, “Bɨa lùùla am bàgème kwaꞋa nyèmtèsi wàa, nkàà nê Àkata Mbɔ̧ɔ̧mà a shu nê, ‘Mbɔ̧ɔ̧mà naa bùŋe a mbaabà njɨ̀, njɨ̀ tu tea taate’,

Matìù 22:13

“Ale, fɔ̧̀ wu shu abua bètsoêꞋ bi nê, ‘Bɨ̀ kuule èbu tò nè èka tò, maꞋa tò àbȩ a èbem kèbìꞋà, àdziꞋa bòt àa me dɨ̀a nkwèla àsɔŋ yɔb ane ntso la.’

Matìù 25:20

WafàꞋ wu bɔ yaã ŋǎ tò bètɔsì batà̧â̧ la kɨꞋɨ nè beko batà̧â̧ be kwèꞋne a ègwet la nê, ‘Tê, à li ŋà bètɔsì batà̧â̧ abua am, mâ ta èwen tè beko batà̧â̧ be nyi a ègwet.’

Matìù 16:23

Ka Yesò ghèble avi shu abua Pità nê, “LɔꞋ a ngèt yaã à Satàn! Àà nkèla alu̧ am. Mènəè maà à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Matìù 11:6

Ntsɔ̧̀ wu wòt wu tàa ka màkè àghɨa è ngu yùà la.”

Matìù 5:22

Ka e ngua shu awɨ̧ nê wòt tsoa ane wanyɨ vi, ko bɔɔ li saꞋa atò wuê a èlɨ mbɔŋ, èwe tà tsɔ̧̀ wanyɨ vi la bɔ nɨ atò ngà a mbì sàꞋàmèkěm, èwu ewe tà tɔ wanyɨ vi ane àkèghɨ̧̀ la, tà ko nê yea li ghǎ a èwet Satàn.

Matìù 17:27

Ka la, baa ka kɨ etsòkè mèntɨ̧ɨ̧ bòt bu bɔɔ fèta èkab wàà la. È wu ale, ghǎ *èdzî, màꞋà fȩ, asəâ mbì è kɔꞋɔ la, à ghaꞋa ètsəê tò, ko aa ye àkwȩkab a kùꞋu awa ba nè la, enɨ ghǎ eŋa abua yɔb.”

Matìù 18:8

Àbu ayê, kò àka yê leꞋ à ghɨ̀ à tsì èntɨ̧ɨ̧ wê ane Mbɔ̧ɔ̧mà, a lo ngwa. A bɔ̂ŋ nê bɔ àbu yeamɔꞋ kò àka yeamɔꞋ leꞋ, mbɔ̀ mèmpème kàlìà, tè ntsè ndɨ àa bɔ èbu bê nè èka bè ègème bɔɔ màꞋà wê a èbem èwet Satàn wu kà wu li lema la.

Swiv nou:

Lyen patwone

Piblisite

Piblisite