Matìù 5:29 - Mundani

²⁹ Èghɨ àbâ àbualu̧ ayê e ghɨ̀ à fà̧ ànəê, à tsɔꞋ ngwaꞋ. A bɔ̂ŋ nê àdziꞋa ènyit ayê àko à buŋ tè ntsè ndɨ bɔ̀ɔ màꞋà wê nènkèm a èbem èwet Satàn la.

Matìù 5:29 Referans Kwoze

Lûm 8:13

Wòt me tseke mbɨ̀Ꞌɨ̀ mbɨ̧̀ ènyit kɨa la, ko tàa pfə. Ka wòt nɨa mètàŋ Fo Mbɔ̧ɔ̧mà ndììma èghɨ kàbɔ̀ŋ bu mbɨ̧̀ ènyit tò nàa nkɨà la, ko taa bɔ mèmpème.

Kɔ̀losìà 3:5

Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.

1 Kɔlìn 9:27

Ka màa ngɨ̀ e me kuule mbɨ̧̀ ènyit yaã, ŋwèèlà èghɨ èntɨ̧ɨ̧ am e kɨa la ndzia a si, màa ngɨa ale mbɨ̀Ꞌɨ̀ ka e ndàꞋà èngǎ̧ Mbɔ̧ɔ̧mà abua bòt ko, a ghà me lìa Mbɔ̧ɔ̧mà nê e mbakà kùꞋ la.

Lûm 6:6

Baa ko nê mènəè nyaꞋ ma è pfə nè Yesò Klistò a mbɨ̧̀ mbasa, mbɨ̀Ꞌɨ̀ tsòke àghɨ yu àa ŋwèèlà mbɨ̧̀ ta te ghɨa kàbɔ̀ŋ la, mbɨ̀Ꞌɨ̀ baa baka tsi ngu èbùꞋ abua kàbɔ̀ŋ.

Gàlashìà 5:24

Bòt bu bɔ zì mèntɨ̧ɨ̧ mɔb ane Yesò Klistò la e tu̧u̧ e me ghɨ̌ èghɨ bu mbɨ̧te ènyit tèa nkɨà la.

Ntu̧ Ntsɔ̧̀ MAK 8:36

Wòt wua ane mbɔ̀ èghɨ sitsǎꞋ ègème, mbɔ̂ nyɔ zìambɔŋ tà ko nê àbȩ̀ àzi wu ghà à?

Matìù 19:12

Ane bòt bu kà yɔꞋ la èbeko àa ngɨ̀ bɔ me lɔ̀Ꞌɔ a si bɔ̀ ka bɔ ntɨ̀ a màndzɔꞋɔ, èbeko e me bakà yɔꞋ è ghɨ̀à bɔbȩ, ka nê èbe bɔ gha ambo kèfɔ̧̀ Mbɔ̧ɔ̧mà ntû̧ eyɔꞋɔ la. Wòt tàa ko ebɨ̧ɨ̧ne èngà̧ waa la tà bɨ̧ɨ̧ne.”

Matìù 10:28

Bɨ̀ ka mbɔ̀ɔ bòt bu bɔ̀ɔ bùŋe wòt, ka bɔ̀ ka wu ko ebùŋe àlɨ̀ŋkè tò la; bɨ̀ bɔɔ wuê wòt tàa ko tsàà mbɨ̧̀ ènyit nè àlɨ̀ŋkè a èbem èwet Satàn la.

Matìù 23:15

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ̀ wu àghɨa kà wu yùà la! Bɨ̀a ngɨ̀ bɨ ntu̧ mèdzî, ntsè èlaꞋ mbɨ̀Ꞌɨ̀ bɨ̀ wuê e ghɨ̌ ka wuê wòt wemɔ̀Ꞌ naa kùŋe a Mbɔ̧ɔ̧mà ane wɨ̧ ne alu̧. Bɨ̀ bɔ bɨ̀ ghɨ̀ ale, bɨ tsoke a ŋut kwat tè tà mè mbɨɨ tê ntsiꞋi èwe tàa bɨ̌ nyi a èwet Satàn a mbì lɨ̧ la.

Matìù 16:26

Wòt wua ane njɨ̀a èghɨ sitsǎꞋ ègème, mbɔ̂ nyɔ̂ zìambɔŋ tà ko nê ye vi ghàà? Kò àghɨa ko aà və betsiꞋa wòt ŋa nɨŋ nchùꞋ àtsəa zi la à?

Matìù 5:22

Ka e ngua shu awɨ̧ nê wòt tsoa ane wanyɨ vi, ko bɔɔ li saꞋa atò wuê a èlɨ mbɔŋ, èwe tà tsɔ̧̀ wanyɨ vi la bɔ nɨ atò ngà a mbì sàꞋàmèkěm, èwu ewe tà tɔ wanyɨ vi ane àkèghɨ̧̀ la, tà ko nê yea li ghǎ a èwet Satàn.

Matìù 23:33

“Bɨ̀a nyà̧tekàbɔ̀ŋ, nè bɔ̧ nyà̧tekàbɔ̀ŋ! Bɨ̀a ghɨ̀ na te lùùla te bɔɔ bakà maꞋa wɨ̧ a èbem èwet Satàn à?

Lûk 12:5

Maa nyɨꞋte awɨ̧ wòt bɨ̀a me bɔa atò la. Bɨ̀ me bɔa wuê a Mbɔ̧ɔ̧mà. Tà wu wòt tà bùŋà wòt, tà bɔ̀ mètàŋ etsàa atò èwet Satàn la. Ane nkûŋ, bɨ̀ me bɔa wuê atò.

Matìù 5:30

Àbualu̧ ayê a ghɨ̀ à ghɨa kàbɔ̀ŋ à lo ngwaꞋ. A bɔ̂ŋ nê àdziꞋa ènyit ayê àko a buŋ tè ntsè ndɨ bɔ̀ɔ màꞋà wê nènkèm a èbem èwet Satàn la.”

Matìù 11:6

Ntsɔ̧̀ wu wòt wu tàa ka màkè àghɨa è ngu yùà la.”

Matìù 17:27

Ka la, baa ka kɨ etsòkè mèntɨ̧ɨ̧ bòt bu bɔɔ fèta èkab wàà la. È wu ale, ghǎ *èdzî, màꞋà fȩ, asəâ mbì è kɔꞋɔ la, à ghaꞋa ètsəê tò, ko aa ye àkwȩkab a kùꞋu awa ba nè la, enɨ ghǎ eŋa abua yɔb.”