Matìù 5:22 - Mundani

²² Ka e ngua shu awɨ̧ nê wòt tsoa ane wanyɨ vi, ko bɔɔ li saꞋa atò wuê a èlɨ mbɔŋ, èwe tà tsɔ̧̀ wanyɨ vi la bɔ nɨ atò ngà a mbì sàꞋàmèkěm, èwu ewe tà tɔ wanyɨ vi ane àkèghɨ̧̀ la, tà ko nê yea li ghǎ a èwet Satàn.

Matìù 5:22 Referans Kwoze

1 Jɔ̌n 2:9

Waa waa tà laꞋnê ye wu a èbem èkaꞋà, mbɔ̂ me pààbè wanyɨ vi la, bele a èbem ndzěm mbɨ̀Ꞌɨ̀ tà li ngu la.

Jimsì 3:6

Èlɨ̧ aa mbɨ̀Ꞌɨ̀ èwet. E wu àdziꞋa ènyit yaa ko, mbɔ̂ ŋèꞋa kàbɔ̀ŋ wu a ngɔ̀ŋ ŋaa la me sàŋe wua a mbɨ̧̀ ènyit ya. Àa ngɨ̀ e tsəꞋtè èwet betsiꞋa e tò̧ò̧ mènəè ma a ngɔ̀ŋ ŋaa la. Èwet waa ane èlɨ̧ la mbɔŋ la e dzəa adzìꞋa èwet Satàn.

Tȩtɔ̀s 3:2

Shu abua yɔb nê, wòt ka ndàꞋa kàbɔ̀ŋ adù̧ wòt kǒ, wòt ka nkɨ̀ àyɔ̀ŋ, bɔ̀ nɨ a waa waa mbɨ̀Ꞌɨ̀ shu̧, mè me ghɨ a ntsɔ̧̀ abua wòt ègème.

Matìù 10:28

Bɨ̀ ka mbɔ̀ɔ bòt bu bɔ̀ɔ bùŋe wòt, ka bɔ̀ ka wu ko ebùŋe àlɨ̀ŋkè tò la; bɨ̀ bɔɔ wuê wòt tàa ko tsàà mbɨ̧̀ ènyit nè àlɨ̀ŋkè a èbem èwet Satàn la.

Matìù 18:35

“Yesò ghɨ̀ ale, ndìà nê, eyaa wu èlɨ Tǎt am a ègwet nàa ghɨ̌ ane wòt ègème ane yɨ̧, na tà bakà waꞋa a kàbɔ̀ŋ wanyɨ vi nè èntɨ̧ɨ̧ vi ègème la.”

1 Pità 3:9

Wòt ghɨa kàbɔ̀ŋ ane yê, à ka mvəèəè ane kàbɔ̀ŋ. Wòt tsɔ̧̀ɔ̧̀ àwê, à ka mvəèəè ane kèntsɔ̧̀ɔ̧̀mè. Ka wòt ghɨ̀ ànəa kàbɔ̀ŋ ane yê, à tsàꞋtè nê Mbɔ̧ɔ̧mà nyɨ̀Ꞌte a ntsɔ̧̀ vi abua tò. Bɨ̀ ko nê, Mbɔ̧ɔ̧mà li ngua ntɔ awɨ̧ mbɨ̀Ꞌɨ̀ e ghɨ̌ bɨa zə a ntsɔ̧̀.

Lûm 12:10

Bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème, mè ngu bòt mbì a mànkukta bɔnyɨ bɨ̧.

1 Pità 2:23

Bɔ li bɔ ghɨ̀ bɔ̀ tsò̧ò̧te atò, tà kà vəə ane kèntsɔ̧̀ɔ̧̀mè. Bɔ̀ me ghɨ̧̀ɨ̧̀ne atò tà kà kaà wòt. Mbɔ̂ tà li nɔ̀ŋè ntɨ̀ zi wuê ane Mbɔ̧ɔ̧mà wu tàa saꞋa ànəa wòt wuê mbɨ̀Ꞌɨ̀ àa la.

Matìù 18:21

ÀfɨꞋa mbɔŋ Pità kɨꞋɨ̀ mbììte a Yesò nê “Tê, wanɔ̧ me tseka fà̧ ànəê a mbì laã e me waꞋa a kàbɔ̀ŋ tò wuê waꞋa tè ngà ngu a ka fɨ̀Ꞌà? Tè nga ndzə ane ngò̧ tesà̧à̧mbe?”

Jûd 1:9

Ka wuê Mȩkèl wu tà wu àtsəa bɔntu̧ Mbɔ̧ɔ̧mà la li tà ka ghɨ̂ èwuu ànəê ale. È li ngu àfɨꞋa bɔ Satàn àa ndzɔ̀ ane ànəa àpfəꞋta Musì la, tà kà laꞋa kàbɔ̀ŋ adù̧ Satàn wu. Tà li shu wuê nê, “Mbɔ̧ɔ̧mà è ŋȩte awê.”

1 Jɔ̌n 3:10

Ngule àghɨa àa ghɨ̌ bòt aa lȩ̀ bɔ̧ Mbɔ̧ɔ̧mà ane bɔ̧ Satàn wòt kàbɔ̀ŋ la wu nê, waa waa tàa ka ghɨ àghɨa Mbɔ̧ɔ̧mà nàa nkɨà la, nè waa waa tàa ka kɔ̀ŋkè wanyɨ vi la, ntsě Waã Mbɔ̧ɔ̧mà.

ÀfaꞋa 17:18

BènyɨꞋtà Èpikulìa nè èbe Stoik ane àliabȩ. ko e me kàànè bɔ̂ tò ba shua nê, “Àkèghɨ̧̀ mbê waa à shua anè nê ghàà.” Èbeko e nê, “A fəə ngaa mbɨ̀Ꞌɨ̀ tà làꞋ ànəa bènàmbəa ètu̧ ko tsa.” Bɔ̀ me làꞋà mènəè ale ngu ndɨ Pɔ̂l nàa ndàꞋà mèngà̧ ane Yesò mè nè ndɨ bòt àa pfə e mě yu̧u̧me la.

1 Tèsàlonikà 4:6

Wòt ane yɨ̧ ka fìble wanyɨ vi ngɨ a kàbɔ̀ŋ ane tò, nkàà nê bòt bu bɔ̀ɔ ngɨa kàbɔ̀ŋ la aa li ye ngoꞋ a tèkitebu Mbɔ̧ɔ̧mà mbɨ̀Ꞌɨ̀ ba li ndzaŋe shu awɨ̧ la.

Ntu̧ Ntsɔ̧̀ MAK 14:55

ÀfɨꞋa mbɔŋ, bètǎt bèntsìà mèpɨ̧̀ Mbɔ̧ɔ̧mà nè bòt lob saꞋa yu bàgème, e me kɨ èlu̧ bɔ̀ɔ zǐ ànəê àtsəa Yesò mbɨ̀Ꞌɨ̀ ebùŋe atò la. Ka bɔ̀ ka ye ayea bɔ̀ɔ baãaã tò adù̧ la.

Matìù 26:59

ÀfɨꞋa mbɔŋ, bètǎt bèntsìà mèpɨ̧̀ Mbɔ̧ɔ̧mà nè bòt lob saꞋa yu bàgème, e me kɨ èlu̧ bɔ̀ɔ zǐ ànəê àtsəa Yesò mbɨ̀Ꞌɨ̀ ebùŋe atò la.

Jɔ̌n 11:47

Ale, bètǎt bèntsìà mèpɨ̧̀ Mbɔ̧ɔ̧mà, nè Bèfalèsiì e tɔ èfete bɔɔjuŋ. Mbììte nê, “Bà wu anè e ghɨ̀ na à? Mbê waa nàà ngɨ̀à tèwuute ènəê kà ye fɨ̀Ꞌ kwàꞋ ànyaꞋne.

Ètsə 20:14

Bɔ ghɨ̀ ale, màꞋà èvə nè àlaꞋ a bèmpfəà a èbem èwet ko àa mbɨ̀Ꞌɨ̀ èlemè nkòòla nè èkem adù̧ la. Èlemè waa èwet àa nkòòla adù̧ la wu èvə lu wòt nàa mpfəa mè mpfəa la.

ÀfaꞋa 7:37

“Musì wu wòt wu tà li shu abua bòt Izəèlȩê nê, Mbɔ̧ɔ̧mà naa li tsàà àwɔb a ndàꞋàtɔŋ kǒ wuê mbɨ̀Ꞌɨ̀ tà li ntsàà avi la. Tà li nê, ŋut naa li wu wòt tà dzəè ayɔɔ ayɔb la.

Lûk 12:5

Maa nyɨꞋte awɨ̧ wòt bɨ̀a me bɔa atò la. Bɨ̀ me bɔa wuê a Mbɔ̧ɔ̧mà. Tà wu wòt tà bùŋà wòt, tà bɔ̀ mètàŋ etsàa atò èwet Satàn la. Ane nkûŋ, bɨ̀ me bɔa wuê atò.

Matìù 5:44

Ka e ngua shua wɨ̧ nê ‘Bɨ̀ me kɔ̀ŋkè bɔmbù̧ bɨ̧, mè tsaꞋta a Mbɔ̧ɔ̧mà ane bòt bu bɔ̀ɔ nkɨà ètsə bɨ̧ enɨ la.’

Matìù 5:34

Ka e ngua shua wɨ̧ nê, ko mbɨ̀Ꞌɨ̀ wòt bê ndi ndɔ̀Ꞌ ndzì nkà̧. Wòt ka nkà̧ ègwet nkàà nê wu àdziꞋa atɨ̧ Mbɔ̧ɔ̧mà wù la,

Matìù 3:17

Bɔ̀ ghɨ̀ ale, bɔ̀ me zə, àtɔŋ a tsè a ègwet nê “Eyaa wu waã èkɔŋ am; èntɨ̧ɨ̧ am e taꞋa wua mbɔ̀ ane tò.”

1 Jɔ̌n 5:16

Wòt yea wanyɨ vi ngɨa kàbɔ̀ŋ kà wu ewe betsiꞋa è ghɨ̀ tà pfə la, tà tsaꞋte a Mbɔ̧ɔ̧mà àtsəa tò, ko Mbɔ̧ɔ̧mà naa ŋa atò mèmpème. E shua bòt bu bɔ̀ bakà ghɨ mènəè kàbɔ̀ŋ è wu me betsiꞋa è ghɨ̀ bɔ pfəꞋtè la. Ka mènəè kàbɔ̀ŋ kǒ nàà və betsiꞋa è ghɨ̀ wòt pfə la. E ntsea shua nê bɨ̀ tsaꞋte a Mbɔ̧ɔ̧mà ane èwuu kàbɔ̀ŋ mbɔŋ.

Jimsì 2:20

Àkèghɨ̧̀a wɔ̀bȩ̂, àà nkɨà nè è nyɨꞋte awê nê wòt zìà èntɨ̧ɨ̧ vi ane Mbɔ̧ɔ̧mà tè àfaꞋa tò a bakà wua nyɨ̀Ꞌta, èntɨ̧ɨ̧ mbɔŋ wu àku?

Ebùlù 12:25

Bɨ̀ ko mbɨ̀Ꞌɨ̀ ka bɨ tu̧u̧ eyute wòt wu ndàꞋà la. Bòt bu bɔ li ntù̧u̧ eyute wòt wu a sitsǎꞋ tà li ndàꞋà èngǎ̧ Mbɔ̧ɔ̧mà la e li bɔ̀ ka ko ndùùlà. A wu wu anè ane bòt baà, ko bàa wu ba tu̧u̧ eyute wòt wu tà dzə a ègwet la è ka li ko elùùlà a.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

1 Kɔlìn 6:10

Ka wuê bètsɔŋ nè bòt aghàbà, nè bòt bɔ̀ɔ nua mèlùꞋ mbea la, nè bòt bɔ̀ɔ ndaꞋa kàbɔ̀ŋ adù̧ tèlente bòt la, ndɔ̀Ꞌ nè bòt bu bɔ̀ɔ nɨa mètàŋ ntsɔa èghɨ bòt la è ka li bɔ àdziꞋ a kèfɔ̧̀ Mbɔ̧ɔ̧mà və mɨ̧̂ a.

1 Kɔlìn 6:6

Wòt Mbɔ̧ɔ̧mà tsiꞋa nɨa wanyɨ vi nga a mbì bòt kà ko a Mbɔ̧ɔ̧mà bɔɔ saꞋa wɔb.

ÀfaꞋa 5:27

Bèmbaabà bu e ghɨ̀ ale, nɨ bɔntu̧ bu nkɨ̀Ꞌɨ̂ ntsia awɔb a mbì èsaꞋa wu, àtsəa bèntsìà mèpɨ̧̀ Mbɔ̧ɔ̧mà a ŋȩte awɔb.

Jɔ̌n 15:25

Mènəè maà tsè anè mbɨ̀Ꞌɨ̀ e ghɨ̌ ànəa bɔ li shɨ a èbem Àkata Mbɔ̧ɔ̧mà yu bɔ̀ɔmbɔŋ àa ntɔ la aa wu nkûŋ nê, ‘Bɔ li mpààbe am kà ye lə’.

Jɔ̌n 8:48

Mbɨ̀Ꞌɨ̀ Yesò làꞋ ale la, Bèjuê bu e bɨ̀ɨ̀le nê, “Tè bà ka shua nkûŋ nê, à wu wòt Sàmalìà, mè mbɔ̂ fo kàbɔ̀ŋ ane yê?”

Jɔ̌n 7:20

Ènɔ̧̂ bòt bu e bɨ̀ɨ̀lè nê “À bɔ fo kàbɔ̀ŋ ane yê! Wǎ nàa nkɨ ebuŋe awê à?”

Ntu̧ Ntsɔ̧̀ MAK 15:1

ÈtsəꞋ è tsi kwàꞋ a ntɔtetsɔ̌Ꞌ bètǎt bèntsìà mèpɨ̧̀ Mbɔ̧ɔ̧mà bàgème nè bɔɔjuŋ Bèjuê e tseke a si tàŋke ndɨ bɔ̀ɔ ghɨ̌ ka ebuŋe a Yesò la. Bɔ kuule atò ane fȩtsə nɨŋ ngà ndzì a tèkitebu Pȩlèt.

Matìù 25:41

“Taa shu ale, e gheble avi è shu abua bòt bu àbâ àbuantoŋ zi la nê ‘Bɨ̀ lɔꞋɔ a ngèt yaã, bɨ̀a wu Mbɔ̧ɔ̧mà zi ndɔ̀ àtsəa yɨ̧ la ngà a èbem èwet kà wu li elìa Mbɔ̧ɔ̧mà taŋke abua Satàn bɔ̂ bɔntu̧ bi la.

Matìù 23:33

“Bɨ̀a nyà̧tekàbɔ̀ŋ, nè bɔ̧ nyà̧tekàbɔ̀ŋ! Bɨ̀a ghɨ̀ na te lùùla te bɔɔ bakà maꞋa wɨ̧ a èbem èwet Satàn à?

Matìù 23:15

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ̀ wu àghɨa kà wu yùà la! Bɨ̀a ngɨ̀ bɨ ntu̧ mèdzî, ntsè èlaꞋ mbɨ̀Ꞌɨ̀ bɨ̀ wuê e ghɨ̌ ka wuê wòt wemɔ̀Ꞌ naa kùŋe a Mbɔ̧ɔ̧mà ane wɨ̧ ne alu̧. Bɨ̀ bɔ bɨ̀ ghɨ̀ ale, bɨ tsoke a ŋut kwat tè tà mè mbɨɨ tê ntsiꞋi èwe tàa bɨ̌ nyi a èwet Satàn a mbì lɨ̧ la.

Matìù 17:5

Tà bela ndàꞋà ale, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ a tse a èbem mbàꞋ yu nê, “Eyaa wu waã èkɔŋ am, èntɨ̧ɨ̧ am e taꞋa wua mbɔ̀ ane tò, bɨ yute èngǎ̧ tò.”

Matìù 12:24

Ka Bèfalèsiì e zə ale, nê “Wu Belzebùl, fɔ̧̀ fote kàbɔ̀ŋ ka tàa ŋǎ tò mètàŋ tà nɨa fəèà fote kàbɔ̀ŋ ko la.”

Matìù 10:17

Bɨ̀ me ko awɨ̧ ane bɔbȩ na bɔ̀ɔ baãaã awɨ̧ enɨ ghǎ a lobte èsaꞋa, e mě shu̧ awɨ̧ a èbem lobte Mbɔ̧ɔ̧mà tɔb la.

Lûk 22:66

ÈtsəꞋ e me tsi, bɔɔjuŋ Bèjuê, nè bètǎt bèntsìà mèpɨ̧̀ Mbɔ̧ɔ̧mà nè bènyɨꞋtà mbɨ̧te Musì, e nyi a lob, bɔ nɨ a Yesò nkɨ̀Ꞌɨ̂ bɔɔ saꞋa atò.

ÀfaꞋa 4:15

Bɔ tsiꞋi shu abua yɔb nê, bɔ̀ dzəa à lob èsaꞋa yu nga àbȩ. Bɔ dzəè tê bɔ ghǎ, bòt èsaꞋa bu e bùꞋ me kwàꞋte ànəa ngaa a kètsìà wɔb.

ÀfaꞋa 5:21

Bɔntu̧ bu e zə ànəa wantu̧ Mbɔ̧ɔ̧mà wu è shu la, ètsəꞋ e tsi, bɔ ghà a èbem lob nɨ̧ Mbɔ̧ɔ̧mà a Jèlusalèm, mbùꞋ me làꞋa èngǎ̧ tò wu. Àtsəa bèntsìà mèpɨ̧̀ Mbɔ̧ɔ̧mà bɔ̂ bòt bi e tɔ bɔɔjuŋ Bèjuê nê bɔ̀ kɨꞋɨ, bɔ̀ɔ wu bɔ̀ wu bòt èsaꞋa la è tseke a si, nkwàꞋtè àghɨa bɔ̀ɔ ghɨ̌ ane bɔntu̧ bu la. Bɔ kɨꞋɨ tê bɔ tseke a si, bɔ tsàà bòt ko nê bɔ̀ gha ngɨ̀ bɔ̀ tsì bɔntu̧ bu a lob fȩ̀ nɨŋ nkɨ̀Ꞌɨ̂.

ÀfaꞋa 6:12

Ale, mèfà̧ mbɔŋ sɔ̀ɔ̀bè mèntɨ̧ɨ̧ banɔ̧̀ bɔ̂ bɔɔjuŋ nè bènyɨꞋtà mbɨ̧te Musì bɔ ghà mbà̧aã a Stifèn nɨa tò nga a mbì bòt lob èsaꞋa.

ÀfaꞋa 6:15

AfɨꞋa mbɔŋ, bòt bu a lob èsaꞋa yu la, e tsitè àghɨ a yɔb ane Stifèn me ko, èsi tò e kubtè ntsìꞋi mbɨ̀Ꞌɨ̀ èsi wantu̧ Mbɔ̧ɔ̧mà.

ÀfaꞋa 22:30

Tǎt banyà̧ wu li ngua nkɨ eko àghɨ yu a chɨɨmè ngɨ̀ ka Bèjuê e me kɨ a Pɔ̂l ebùŋè la. ÈtsəꞋ e tsi, tà ghɨ̀ bɔ yaa a Pɔ̂l, mbɔ̂ ntɔ bèntsìà mèpɨ̧̀ Mbɔ̧ɔ̧mà nè bòt èsaꞋa ko bu bàgème nê bɔ bu̧u̧ta. Tà nɨ a Pɔ̂l ngà ngɨ̀ tà tɨ̧ɨ̧ a mbì lɔb.

ÀfaꞋa 23:1

Pɔ̂l bê ntsìte àghɨ azi adù̧ bòt èsaꞋa bu mbɔ̂ nê, “Bɔnyɨ bɔ̧ bòt Izəèlȩê, èntɨ̧ɨ̧ am aà kà feele am ngu nê, ekɨꞋɨ ŋa laane waa, mâ ghɨ̂ wuê mènəè mu Mbɔ̧ɔ̧mà nàa nkɨà la.”

ÀfaꞋa 24:20

A bakà wu ale, bòt baa a si ŋàa la e shu ngule ànəê yu a li ndia àtsə am àfɨ̀Ꞌ yu e ndi ntɨ̧ɨ̧ a mbì bòt èsaꞋa la.