Biblia Todo Logo
Bib sou entènèt

- Piblisite -




Matìù 5:11 - Mundani

11 “Ntsɔ̧̀ wu bɨ̀a wu bòt àa ntsɔ̧̀ɔ̧̀tà wɨ̧ mè nkɨà àtsəa yɨ̧ enɨ, mè ndàꞋà tèwuute mènəè kàbɔ̀ŋ fɨte ègème àtsəa yɨ̧, ambo yaã la.

Gade chapit la Kopi




Matìù 5:11
32 Referans Kwoze  

Bɔ tsɔ̧̀ɔ̧̀tè àwɨ̧ nkàà nê bɨ wu bòt Yesò Klistò, ko ntsɔ̧̀ wu bɨ̀a nkàà nê Fo Mbɔ̧ɔ̧mà yu è ghe la, wu nè nɨ̧̀.


Bòt bàgème aa li me pààbè àwɨ̧ ambo yaã.


Bòt bàgème aa li me pààbè àwɨ̧ ambo yaã, ka wòt tà baãaã èntɨ̧ɨ̧ vi tè ngà ndià la, naa li bɔ mèmpème.


Bɔɔ li baãaã wɨ̧ àfɨꞋa mbɔŋ e ŋa bɔɔ zì àwɨ̧ a ngoꞋ ebɔ bùŋè àwɨ̧. Bòt èlaꞋ ègème aa li me pààbè awɨ̧ ambo yaã.


Ntsɔ̧̀ wu bɨ̀a wu bòt aa mpààbà àwɨ̧, ntsìà àwɨ̧ ayɔɔ, ntsɔ̧̀ɔ̧̀tà àwɨ̧, mè shua nê bɨ wu bòt kàbɔ̀ŋ, nkàà ndɨ̀ wu bɨ̀a nkùŋà Waã Wòt la.


Bɔ li bɔ ghɨ̀ bɔ̀ tsò̧ò̧te atò, tà kà vəə ane kèntsɔ̧̀ɔ̧̀mè. Bɔ̀ me ghɨ̧̀ɨ̧̀ne atò tà kà kaà wòt. Mbɔ̂ tà li nɔ̀ŋè ntɨ̀ zi wuê ane Mbɔ̧ɔ̧mà wu tàa saꞋa ànəa wòt wuê mbɨ̀Ꞌɨ̀ àa la.


Ka bɔ̀ɔ ghɨ̧̀ɨ̧̀nè àwɨ̧ anè ndɨ̀ wu bɨ̀ wu bòt bɔ̧ la, nkàà nê, bɔ bakà ko wòt tà tsàà am la.


Bòt bàgème aa li me pààbè àwɨ̧ ambo yaã, ka wòt tà baãaã èntɨ̧ɨ̧ vi tè ngà ndìà la, wu li e peme.


Wòt me kɨ ebɔ wuê mèmpème mi ko taa bi mèmpème mbɔŋ, ka wòt tà ŋà àtsəa zi ambo yaã la naa bɔ mèmpème.


Bɨ batè ntaꞋa ye ngoꞋ ane èlen laã ale, ka mbɔ̀ nkùùle mèntɨ̧ɨ̧ mɨ̧, bɨ̀ ka kaã.


Wòt ègème tà waꞋa lob ti, nè bɔnyɨ bi, (mbâ̧ nè àvi), nè tǎt vi, nè nyɨ̌ vi, nè vi vi, nè bɔ̧ bi kò tèbaꞋa ti ambo yaã la, nàa bɔ èghɨ ngaa èdziꞋ ènkɨ̀, te tsě ndɨ e li nguê la, fɔ̀ɔ̀le nè mèmpème kàlìà.


Èvə aa ntsèka àfɨ̀Ꞌ àgème nəèꞋa a tèdzi ta mbɨ̀Ꞌɨ̀ bà bela a ngɔ̀ŋ la nkàà ànəa Yesò, mbɨ̀Ꞌɨ̀ bòt aa ye Yesò è faꞋa ane mbɨ̧te ènyit ta bàa bɔbȩ.


Bòt aa nɨa wa ane èkèghɨ̧̀ nkàà ndɨ bà wu bɔfàꞋ Yesò Klistò la, ka bɨ bɔ̂ me mɨ̀ɨ̀te nè bɨ bɔ èyì, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la. Baà njùa àghɨ a bɔbȩ, ka è me wu awɨ̧ bɨ me kweele. Bòt e me kukte awɨ̧, ka è wu awa, bɔ me waa.


A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Baa nùka èvə àli àgème ambo yè, bɔ nɨa awa wuê mbɨ̀Ꞌɨ̀ njɨ̀te bɔ̀ɔ bùŋè la.”


“Ka èghɨ ngaa aa li me laꞋ nê aa ngɨ̀à, bɔ baãaã awɨ̧, ngɨ̧̀ɨ̧̀nè àwɨ̧, ntsàà àwɨ̧ a lobte Mbɔ̧ɔ̧mà Bèjuê bɔ saꞋa awɨ̧, màꞋà àwɨ̧ a tèfȩ. Bɔɔ li esəèŋnè àwɨ̧ enɨ kɨꞋɨ a mbì bèfɔ̧̀ nè bɔɔjuŋ àlaꞋ, ambo yaã.


Wòt me baabe àtsəa zi ko taa pfə, ka wòt tà ŋà àtsəa zi ambo yaã la, naa peme.


Wòt me baabe àtsə azi ko taa pfə, ka wòt tà ŋà àtsəa zi ambo yaã nè Ntu̧ Ntsɔ̧̀ la, naa peme.


Ale, wakatè è tsìꞋa mbɨ̀Ꞌɨ̀ nyɨꞋta vi, tà wùꞋtè àvi. WafàꞋ è tsìꞋa mbɨ̀Ꞌɨ̀ tǎt àfàꞋ vi, tà wùꞋtè àvi mɨ̧̂. Bɔ wu tsì èlen tǎt lob ane Belzebùl, ko bɔɔ tɔ bòt lob tò ane tèlente kàbɔ̀ŋ te tsě.


Mmɔ̌ mbɔŋ, maa nyɨꞋte atò ngoꞋ tàa ye mbɨ̀Ꞌɨ̀ e ghɨ̌ bòt àa ko am la.”


“Bɨ bɔ ndɨ bɨ̀a nɨ àfɨ̀Ꞌ à yɨ̧ ntsɔ̧̀ la. Bɔɔ li baãaã awɨ̧ e ghǎ saꞋa, e lɔ̀Ꞌɔ shu̧u̧ awɨ̧ a èbem lobte Mbɔ̧ɔ̧mà. Bɨa li tɨ̧ɨ̧ a mbì bèfɔ̧̀ nè bɔɔjuŋ àlaꞋ ambo yaã, e tsɔ̀tè Ntu̧ Ntsɔ̧̀ yu abua yɔb.


Bòt bɔɔ ntsèà la e me nyiꞋi ètsə bɔb ngwȩ̀ȩ̀tà atò,


ka bɔ̀ ka zi èntɨ̧ɨ̧ wɔb adù̧, ale è ka tseke ane àfɨ̀Ꞌ a seè. ÀfɨꞋa ngoꞋ kɨꞋɨ̀, kò bòt e me kɨ àtsəa yɔb enɨ ambo èngǎ̧ mbɔŋ la leꞋ, bɔ bê màꞋà a si.


Bɔɔ li esəèŋnè àwɨ̧ enɨ ghǎ a mbì bègɔvanɔ̀, nè bèfɔ̧̀ ambo yaã, bɨa shu ànəa bɨ ye mè ko ane yaã la a mbì lɔb bɔ̂ bòt kà wu Bèjuê.


Tà làꞋ ale, bɔ tsɔ̧ɔ̧te atò shu nê, “Wu àwɔ̀ ka à wu wakatè mbê waa la, è me wu awa ko ba wu bɔkatè Musì.


Aa ale nkàà nê, Mbɔ̧ɔ̧mà è ŋa awɨ̧ èlu̧ a màfaꞋa abua Yesò Klistò nê bɨ̀ ka me zì wuê ndàꞋ mèntɨ̧ɨ̧ mɨ̧ ane tò, tà ŋǎ nê bɨ̀ me ye ngoꞋ ambo ànəa tò mɨ̧̂.


Swiv nou:

Piblisite


Piblisite