Matìù 4:8 - Mundani

⁸ Satàn mè nɨa Yesò nkɔꞋ ngà a ègwet taꞋà èbȩ ko, nyɨ̀Ꞌte atò èlaꞋ sitsǎꞋ ègème nè ènɨ̧ awɔb.

Matìù 4:8 Referans Kwoze

Matìù 16:26

Wòt wua ane njɨ̀a èghɨ sitsǎꞋ ègème, mbɔ̂ nyɔ̂ zìambɔŋ tà ko nê ye vi ghàà? Kò àghɨa ko aà və betsiꞋa wòt ŋa nɨŋ nchùꞋ àtsəa zi la à?

Ètsə 11:15

ÀfɨꞋa mbɔŋ we basà̧à̧mbe ane bɔntu̧ Mbɔ̧ɔ̧mà bu è tɔ è li ne èsɔŋ, ètɔŋ e ŋȩ a ègwet me shu nê, “Mbɔ̧ɔ̧mà Lefɨ̀Ꞌ wa bɔ̂ Fɔ̧̀ tò wu tà li ndzɔꞋ ntsà la, e tsiꞋa mbà̧aã bèlèfɔ̧̀ sitsǎꞋ àfɨ̀Ꞌ yaa. Tàa li wu fɔ̧̀ ane àlia nè àlia.”

1 Pità 1:24

Aa ale mbɨ̀Ꞌɨ̀ Àkata Mbɔ̧ɔ̧mà a shu la, nê, “Bòt bàgème aa mbɨ̀Ꞌɨ̀ mèfəèꞋ, ènɨ̧ wɔb e wu mbɨ̀Ꞌɨ̀ ètesɔɔ mèfəèꞋ. MèfəèꞋ mbɔŋ nàa ngɨ̀ è yu̧, ètesɔɔ bu e kwente a si,

Matìù 4:5

Ndɔ̀Ꞌ abot, Satàn nɨa tò ngà a Jèlusalèm, ntsia atò a ntsɔ̀Ꞌ lob nɨ̧ Mbɔ̧ɔ̧mà.

Jɔ̌n 5:20

A wu anè nkàà nê, tǎt è kɔ̀ŋkè waã tè nyɨ̀Ꞌte atò, àghɨ àgème tòà zìambɔŋ nàa ngɨa la. Tàà nyɨꞋte atò fɔ̀ɔ̀le èghɨ e taꞋa tsè è baa la taa ghɨ̌, tê ànəa mbɔŋ aa taꞋa tsè àwɨ̧ bɨ̀agème.