Matìù 4:3 - Mundani

³ Satàn kɨ̀Ꞌɨ̂ shu abua tò nê, “À wu Waã Mbɔ̧ɔ̧mà, à ghɨ̀ àti yàa a gheblè ntsìꞋi èghɨjɨ.”

Matìù 4:3 Referans Kwoze

1 Tèsàlonikà 3:5

Mbɨ̀Ꞌɨ̀ à yaa a ghɨ̀ e ntsiꞋa mbà̧aã èntɨ̧ɨ̧ am kekaŋ la, e tsàa a Tɔ̀màtià nê tà kɨꞋɨ ndzě ndɨ bɨ̀a mbà̧aã ànəa Yesò la. Me ghɨ̀ ale ngua mbɔ̀ɔ̂ mbɨ̀Ꞌɨ̀ ateko Satàn è kubte mèntɨ̧ɨ̧ mɨ̧ tè ngɨ̀ àfàꞋa ya yu ba li nkɨ̀Ꞌɨ̂ abàꞋ ŋu ngɨ̀ la a tsè àku.

Ètsə 2:10

Bɨ̀ ka mbɔ̀â nkàà ngoꞋ tu bɨ̀a ye tùà la. Bɨ̀ ye, Satàn nàà zǐ àbəèꞋ àyɨ̧ a tèfȩ, mbɨ̀Ꞌɨ̀ bɔɔ nyɔ̀Ꞌta awɨ̧ e ye ndɨ bɨ zì mèntɨ̧ɨ̧ mɨ̧ ane Yesò la. Bɨ gha ye ngoꞋ mbɔŋ wuê ane èli èghem. Bɨ̀ tsiꞋ mèntɨ̧ɨ̧ mɨ̧ ane yaã me kweele, ka è màà ngu wuê èvə. Bɨ ghɨ̀ ale, ko bɨa bɔ àbȩ̀, è wu mèmpème kàlìà la.

Matìù 3:17

Bɔ̀ ghɨ̀ ale, bɔ̀ me zə, àtɔŋ a tsè a ègwet nê “Eyaa wu waã èkɔŋ am; èntɨ̧ɨ̧ am e taꞋa wua mbɔ̀ ane tò.”

Ebùlù 12:16

Bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ me jɨ ngò̧ò̧tètsə, kò ntsìà èntɨ̧ɨ̧ vi ane mènəè Mbɔ̧ɔ̧mà leꞋ. Wòt ghɨ̀ ale, ko taa tsiꞋi mbɨ̀Ꞌɨ̀ Esaɔ̀ wu tà li ŋà àdziꞋa zi mbɨ̀Ꞌɨ̀ waã mbì abua wanyɨ vi ambo apfəèꞋ èghɨjɨ la.

ÀfaꞋa 9:20

Tà li ndɔ̀Ꞌɔ abot mbê ngà nè lob Mbɔ̧ɔ̧mà Bèjuê mbùꞋ me làꞋà mènəè Yesò, shua nê, “Tà wu Waã Mbɔ̧ɔ̧mà.”

Lûk 4:9

Satàn nɨ atò ngà a Jèlusalèm, ntsìa atò a ègwet ntsɔ̀Ꞌ lob nɨ̧ Mbɔ̧ɔ̧mà mbɔ̂ shu abua tò nê, “À wu Waã Mbɔ̧ɔ̧mà, à lɔ̀Ꞌɔ a si ŋaà nkȩ ntem a si.”

Lûk 4:3

Satàn shu abua tò nê, “À wu Waã Mbɔ̧ɔ̧mà, à ghɨ̀ èti làa e gheblè ntsìꞋi èghɨjɨ.”

Matìù 14:33

bòt bu a èbem ànkànuꞋ yu la e wùꞋte atò me shu nê, “Ane nkûŋ, à wu Waã Mbɔ̧ɔ̧mà.”

Matìù 16:16

Simùn Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la, Waã Mbɔ̧ɔ̧mà yû̧.”

Matìù 26:63

Ka Yesò kà lâꞋ. Àtsəa bèntsìà mèpɨ̧̀ yu a shu abua tò nê, “Zi nkà̧ ane èlen Mbɔ̧ɔ̧mà yû̧. À wu Fɔ̧̀ wu Mbɔ̧ɔ̧mà yɔꞋ ntsà, tà wù Waã Mbɔ̧ɔ̧mà la, à shu awa.”

Ntu̧ Ntsɔ̧̀ MAK 1:1

Eyaa wu Ntu̧ Ntsɔ̧̀ ane ànəa Yesò Klistò Waã Mbɔ̧ɔ̧mà.

Ntu̧ Ntsɔ̧̀ MAK 3:11

Àfɨ̀Ꞌ àgème bòt bu fote kàbɔ̀ŋ tèa ane yɔb la e ye atò la, bɔ kwene a si a mbì tò ŋȩ nê “À wu Waã Mbɔ̧ɔ̧mà!”

Ntu̧ Ntsɔ̧̀ MAK 5:7

mbɔ̂ ŋȩ ane àtɔŋ ànɨ̧ nê, “Yesò, Waã Mbɔ̧ɔ̧mà Àtsèàngɔ̀ŋ, à kɨa ghà abua am à? Ane èlen Mbɔ̧ɔ̧mà, mâ shu̧u̧te awê nê à ka ngɨ̧̀ɨ̧̀nè am.”

Lûk 1:35

Wantu̧ wu bɨ̀ɨ̀lè nê, “Fo Kèfə naa wu ne nè, aa kɔɔle waã ane mètàŋ Mbɔ̧ɔ̧mà, ebi. Bɔɔ li tɔ waã wu ane waã tà dzəè abua Mbɔ̧ɔ̧mà la, e mě tɔ atò ane Waã Mbɔ̧ɔ̧mà.

Lûk 4:41

Fote kàbɔ̀ŋ te sà bòt nyaŋ mɨ̧̂, me ŋȩa shua nê, “À wu Waã Mbɔ̧ɔ̧mà.” Yesò ŋȩ àwɔb, tà kà bɨ̧ɨ̧nè nê tè laꞋa, nkàà nê te ko nê, tà wu Fɔ̧̀ wu Mbɔ̧ɔ̧mà li ndzɔꞋ etsàà a sitsǎꞋ la.

Lûk 22:70

Bɔ mè ntsìꞋi biite atò nê, “Nko nê à wu Waã Mbɔ̧ɔ̧mà à?” Tà shu abua yɔb nê, “Bɨ shuê nê e ngu wùà.”

Jɔ̌n 1:34

Mâ ye, mè me kɨ e shu awɨ̧ nê eyaa wu Waã Mbɔ̧ɔ̧mà.”

Jɔ̌n 1:49

Nàtanìà nê, “NyɨꞋtà, à wu Waã Mbɔ̧ɔ̧mà! À wu Fɔ̧̀ bòt Izəèlȩê!”

Jɔ̌n 9:35

ÀfɨꞋa Yesò zə nê bɔ fəa tò la, tà kɨ atò mbììte atò nê, “À zǐ èntɨ̧ɨ̧ wê ane Waã Wòt?”

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

2 Kɔlìn 1:19

Yesò Klistò Waã Mbɔ̧ɔ̧mà wu ba Tɔ̀màtià nè Silvanùs àa ndàꞋà ànəa tò a kètsìà wɨ̧ la nàà kà laꞋa èngà̧ yebe, e bɨ̧ɨ̧ne ànəê e mě tu̧u̧. Tàa ngɨ̀ tà shu ànəê tà bê ngɨ̀ wuê mbɨ̀Ꞌɨ̀ tà shu la.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Ebùlù 4:14

Yesò Waã Mbɔ̧ɔ̧mà wu àtsəa bèntsìà mèpɨ̧̀ a Mbɔ̧ɔ̧mà àya, tà kɔꞋ ngà tè ntsè ègwet la. È wu ale, bà baãaã ànəa mèntɨ̧ɨ̧ ma mu ba zi ane Yesò la ntsɔ̧̀ me nɨa ngà nè mbì.

Ebùlù 7:3

Mèkizedèk waa li tà kà bɔ a tàt, tà kà bɔ nyɨ̌, bɔ̀ ka meè nko ka wuê bètǎt nyaꞋ tò. Bɔ bakà ko àlia bɔ li mbi atò la, bɔ̀ ka ko àyea tà li mpfə la. Tàà mbɨ̀Ꞌɨ̀ Waã Mbɔ̧ɔ̧mà. Tà wu ntsìà mèpɨ̧̀ Mbɔ̧ɔ̧mà ane àlia nè àlia.

1 Jɔ̌n 3:8

Ka waa waa tàa ngɨa kàbɔ̀ŋ la wu waã Satàn wòt kàbɔ̀ŋ, nkàà nê Satàn lè yaŋe wua ngɨa a kàbɔ̀ŋ ka ngɔ̀ŋ naa li lɔ̀Ꞌɔ ebùꞋu. Waã Mbɔ̧ɔ̧mà li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsòke àfaꞋa Satàn wòt kàbɔ̀ŋ.