Bib sou entènèt

Matìù 4:23 - Mundani

²³ Tà me ghȩȩne a èdziꞋ ègème a Galìlî nyɨ̀Ꞌta èngǎ̧ Mbɔ̧ɔ̧mà a èbem lobte Mbɔ̧ɔ̧mà, mè ntsɔ̀tà Ntu̧ Ntsɔ̧̀ kèfɔ̧̀ Mbɔ̧ɔ̧mà, mè mbəèa tèwuute èghɔ̧ tègème, nè èlɔꞋ ègème ane bòt.

Gade chapit la Kopi

tounen moute ⬆

Matìù 4:23
46 Referans Kwoze

Matìù 9:35

Yesò li ngua ngȩ̀ȩ̀nà a èpfəè ènɨ̧ bu nè bɔbɔ èpfəè nyɨ̀Ꞌta a lobte Mbɔ̧ɔ̧mà tɔb, mè ntsɔ̀tà Ntu̧ Ntsɔ̧̀ Kèfɔ̧̀ Mbɔ̧ɔ̧mà, ndɔ̀Ꞌ mbəèa èghɔ̧ nè èlɔ̀Ꞌ ègème.

Ntu̧ Ntsɔ̧̀ MAK 1:39

Tà me ghȩȩne a èdziꞋ ègème a Galìlî nyɨ̀Ꞌta èngǎ̧ Mbɔ̧ɔ̧mà a èbem lobte Mbɔ̧ɔ̧mà tɔb mè fəèà fote kàbɔ̀ŋ adù̧ bòt.

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

Lûk 7:22

Tà bɨ̀ɨ̀lè èngǎ̧ bɔkatè Jɔ̌n bu nê, “Bɨ̀ kua akwèn ngà shu a Jɔ̌n àghɨa bɨ zə la nè àyea bɨ ye la: Bòt àghɨ àleme e ye èdziꞋ, bòt èka bɔb e ŋɔꞋte la, e lɔꞋ tè ntsiꞋa ngȩ̀ȩ̀nà ndɨŋndɨ̀ŋ, bòt àghɔ̧atsɔꞋɔ e pem, mbûꞋtsə te zə èdziꞋ, bèmpfəà be yu̧u̧mè, bɔ mè tsɔ̀tè Ntu̧ Ntsɔ̧̀ Mbɔ̧ɔ̧mà abua bòt ngoꞋ.

Matìù 11:5

Bòt àghɨ àleme e ye èdziꞋ, bòt èka bɔb e ŋɔꞋte la, e lɔ̀Ꞌ tè ntsìꞋa ngȩ̀ȩ̀nà ndɨŋndɨ̀ŋ, bòt àghɔ̧atsɔꞋɔ e pem, mbûꞋtsə te zə èdziꞋ, bèmpfəà be yu̧u̧mè, bɔ mè tsɔ̀tè Ntu̧ Ntsɔ̧̀ Mbɔ̧ɔ̧mà abua bòt ngoꞋ.

Matìù 13:54

ngwènè àlaꞋ azi. Tà ghà ale, me nyɨꞋte awɔb a èbem lob Mbɔ̧ɔ̧mà yɔb. A taꞋa tsě bòt bu njùtâ la, tè bɔ tsiꞋa mbììta nê “Mbê waa li nchɨɨme nɨ̀ èwuu èyì waà, nè èwuu mènəè kà ye fɨ̀Ꞌ màà nèŋàà?

Ntu̧ Ntsɔ̧̀ MAK 1:21

Bɔ li ngà Kàpenàwuêm. Àliapfəèa Bèjuê a kɨꞋɨ̀, Yesò ghà a lob Mbɔ̧ɔ̧mà yɔb me nyɨꞋte èngǎ̧ Mbɔ̧ɔ̧mà.

Lûm 10:15

Wòt nàa mě tsɔ̀te èngǎ̧ Mbɔ̧ɔ̧mà na kà bɔ tu̧u̧ atò à? A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Wu kwàꞋ ànəa ntsɔ̧̀ e ye bòt bu bɔ̀ɔ nɨa Ntu̧ Ntsɔ̧̀ nkɨ̀Ꞌa la.”

Lûk 8:1

Àfɨ̀Ꞌ a li ntsèke tè me wu, Yesò me ghȩ̀ȩ̀na ntsea a èpfəè nɨ̧ nè èbe techɨɨle ntsɔ̀tà Ntu̧ Ntsɔ̧̀ Kèfɔ̧̀ Mbɔ̧ɔ̧mà. Bɔkatè tò bu ntsɔ̀b babe la e wu bɔ̂ tò ba nɔ̂,

Ntu̧ Ntsɔ̧̀ MAK 6:2

Tà lɔ̀Ꞌɔ àliapfəèa Bèjuê, ngà me nyɨꞋte a lob Mbɔ̧ɔ̧mà yɔb. A taꞋa tsě bòt bu njùtâ la, tè bɔ tsiꞋa mbììta nê: “Mbê waa nɨ̀ mèngà̧ maa ègème nèŋàà? Tà nchɨɨme nɨ̀ èwuu èyì waa nèŋàà? Ye èwuu mènəè kà ye fɨ̀Ꞌ kǒ tàa ngɨ̀à la!

Matìù 24:14

Bɔɔ li tsɔ̀te Ntu̧ Ntsɔ̧̀ kèfɔ̧̀ Mbɔ̧ɔ̧mà yaa a èlaꞋ ègème a sitsǎꞋ mbɨ̀Ꞌɨ̀ waa waa naa zə, ka ngɔ̀ŋ naa lìa.

Matìù 12:9

Yesò ghɨ̀ ale, ndɔ̀Ꞌ abot ngà nyi a èbem lob Mbɔ̧ɔ̧mà yɔb kǒ.

Jɔ̌n 18:20

Yesò tsɔꞋ èngǎ̧ tò nê, “Maà wua ndaꞋa àfɨ̀Ꞌ àgème a kètsìà bòt bàgème, mè nyɨ̀Ꞌta a èbem lobte Mbɔ̧ɔ̧mà fɔ̀ɔ̀le a èbem lob nɨ̧ Mbɔ̧ɔ̧mà, adzìꞋa Bèjuê bàgème àa mbù̧ù̧ta la. E mbakà li me làꞋa ànəa ko a ntsèm.

Lûk 13:10

È li ngu ane àliapfəèa Bèjuê àko, Yesò me nyɨꞋte èngǎ̧ Mbɔ̧ɔ̧mà a lob Mbɔ̧ɔ̧mà yɔb kǒ.

Lûk 9:11

Mbɨ̀Ꞌɨ̀ bòt e zə la, bɔ nkùŋè atò. Tà sèè àwɔb mè shu awɔb mènəè kèfɔ̧̀ Mbɔ̧ɔ̧mà mbəâ bòt bɔ̀ɔ ngò̧ò̧nà la.

Lûk 5:17

È li ngu ane àli ako Yesò me nyɨꞋte èngǎ̧ Mbɔ̧ɔ̧mà, Bèfalèsiì bɔ̂ bènyɨꞋtà mbɨ̧te Musì, bɔ dzə a tèpfəte àlaꞋ Galìlî nè Jùdià bɔ̂ Jèlusalèm la e wu abot; mètàŋ Mbɔ̧ɔ̧mà wu ane Yesò tà nɨ̀a mbəa bòt àghɔ̧.

Ntu̧ Ntsɔ̧̀ MAK 6:6

A li ntàꞋa tsě atò ndɨ̀ wu bɔ li bɔ̀ ka zi èntɨ̧ɨ̧ wɔb ane tò la. Ale, Yesò me ghȩ̀ȩ̀ne a èbem èpfəè nyɨ̀Ꞌta bòt èngǎ̧ Mbɔ̧ɔ̧mà.

Ntu̧ Ntsɔ̧̀ MAK 3:10

Tà li mbəâ bòt nyaŋ tè bòt àghɔ̧ e me ŋwèèla nkɨ ebaãaãte atò.

Ntu̧ Ntsɔ̧̀ MAK 1:14

Àfɨ̀Ꞌ yu bɔ baãaã Jɔ̌n màꞋa a tèfȩ la, Yesò kɨ̀Ꞌɨ̂ a Galìlî me tsɔ̀te Ntu̧ Ntsɔ̧̀ Mbɔ̧ɔ̧mà,

ÀfaꞋa 20:25

“Mâ ghȩ̀ȩ̀ne a kètsìà wɨ̧ bɨ̀agème ndàꞋà ndɨ Kèfɔ̧̀ Mbɔ̧ɔ̧mà nàa la. Ka nè àfɨ̀Ꞌ yaa, mâ ko nê wòt ane yɨ̧ ka li me pfə e mě ye am a.

ÀfaꞋa 18:4

È ghɨ̀ è wu àliapfəèa àgème tà gha a lob Mbɔ̧ɔ̧mà me mù mènəè tò, nê ye kɨ e ghɨ̌ Bèjuê nè bòt kà wu Bèjuê aa zì mèntɨ̧ɨ̧ mɔb ane Yesò.

Jɔ̌n 6:59

Yesò nàà ndàꞋà mènəè maa ale ngu a èbem lob Mbɔ̧ɔ̧mà a Kàpenàwuêm nyɨ̀Ꞌta èngǎ̧ Mbɔ̧ɔ̧mà.

Lûk 10:9

mbəâ bòt àghɔ̧ àpfəè və, è shu abua bòt nê, ‘Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧’.

Lûk 6:17

Yesò chu a ègwet èku̧u̧nè nè bɔntu̧ bu ntɨ̧ɨ̧ àdzìꞋa si tètoêꞋ, nè taꞋà ènɔ̧̂ bɔkatè bi nè taꞋà ènɔ̧̂ bòt bɔ dzəè a èdziꞋ ègème a Jùdià nè Jèlusalèm fɔɔle nè bòt bɔ dzəa Tȩê bɔ̂ Sidɔ̀n, è wu èpfəè nɨ̧ a ngèt *èdzî la.

Matìù 14:14

Yesò me dzəâ a èbem ànkànuꞋ yu, ndzè taꞋà ènɔ̧̂ bòt bu, tèsȩ tɔb te kua tò, tà bùꞋ me bə bòt àghɔ̧ bèa a kètsìà wɔb la.

Matìù 13:19

Wòt nàa ngɨ̀ tà zə èngǎ̧ kèfɔ̧̀ Mbɔ̧ɔ̧mà, è bakà nyi èntɨ̧ɨ̧ tò ntsɔ̧̀, Satàn wòt kàbɔ̀ŋ kɨ̀Ꞌɨ̂ ntsì wùà. Eyaa wu mbɨ̀Ꞌɨ̀ èsaãaãme wu e kwente èbuꞋ èlu̧ la.

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

Jɔ̌n 7:1

Mbɨ̀Ꞌɨ̀ mènəè maa ègème tsè la, Yesò me ghȩȩne àdziꞋ èdziꞋ a èbem àlaꞋ a Galìlî. Tà ghɨ̀ ale tà kà gha a Jùdià nkàà nê bɔɔjuŋ Bèjuê bu abot la e li ngua nkɨà èlu̧ ebùŋe atò.

Lûk 20:1

È li ngu ane àli ako Yesò wu a èbem lob nɨ̧ Mbɔ̧ɔ̧mà nyɨ̀Ꞌta bòt mè ntsɔ̀tà Ntu̧ Ntsɔ̧̀ Mbɔ̧ɔ̧mà. Bètǎt bèntsìà mèpɨ̧̀ Mbɔ̧ɔ̧mà, nè bènyɨꞋtà mbɨ̧te Musì nè bɔɔjuŋ Bèjuê, e kɨꞋɨ̀

Lûk 4:14

Yesò wènè a Galìlî ane mètàŋ Fo Mbɔ̧ɔ̧mà. Àndǎ mènəè tò a li ngà àdzìꞋ àgème a èpfəè àlaꞋ a mbɔŋ.

Lûk 6:6

È li ngu ane àliapfəèa Bèjuê ako, Yesò gha a lob Mbɔ̧ɔ̧mà me nyɨꞋte èngǎ̧ Mbɔ̧ɔ̧mà. Wòt kǒ wu abot àbualu̧ atò a pfə la.

Lûk 7:21

ÀfɨꞋa mbɔŋ Yesò bə èwuu èghɔ̧ nyaŋ, mè fəè fote kàbɔ̀ŋ ane bòt, ngɨ̀à bòt àghɨ àleme e yea èdziꞋ.

Lûk 9:60

Yesò shu abua tò nê, “TsiꞋ èpfəꞋte bòt è tu bèmpfəà bɔb. Ka è me wu awê, à ghà me tsɔ̀te ntu̧ Kèfɔ̧̀ Mbɔ̧ɔ̧mà.”

Lûk 16:16

“Bòt e li ngua ndzəa wuê mènəè mbɨ̧te Musì nè mèngǎ̧ bèndàꞋàtɔŋ Mbɔ̧ɔ̧mà eghǎ edzəâ ane àfɨ̀Ꞌ Jɔ̌n ndzìà èdzî. E bùꞋu àfɨꞋa mbɔŋ Ntu̧ Ntsɔ̧̀ kèfɔ̧̀ Mbɔ̧ɔ̧mà wu a mètsəê bòt bɔ̀ tsɔ̀tà, tè waa waa tà zə la tsiꞋa nùà ane ètɨ̧̂ nkɨ enyi a èbem.

ÀfaꞋa 28:31

Tà li ngua ndàꞋà ànəa kèfɔ̧̀ Mbɔ̧ɔ̧mà nè mènəè Yesò Klistò Lefɨ̀Ꞌ kà bɔ̀â, wòt kà mê nkèle atò.

Swiv nou:

Lyen patwone

Piblisite

Piblisite