Matìù 4:17 - Mundani

¹⁷ E bùꞋu àfɨꞋa mbɔŋ, Yesò bùꞋ me làꞋa èngǎ̧ Mbɔ̧ɔ̧mà shua nê, “Bɨ̀ waꞋa mènəè kàbɔ̀ŋ mɨ̧, Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.”

Matìù 4:17 Referans Kwoze

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

Lûk 5:32

È nka kɨꞋa etɔ bòt bɔ mɨɨtè nê bɔ tɨ̧ɨ̧ ndɨŋndɨ̀ŋ la, e nkɨ̀Ꞌa etɔ bòt kàbɔ̀ŋ.”

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

ÀfaꞋa 17:30

Mbɔ̧ɔ̧mà è waꞋ mè ndèènè èfɨ̀Ꞌ bu bɔbȩ e li bɔ̀ ka ko atò la. Ka nè àfɨ̀Ꞌ yaa, tàa nkɨà nê waa waa adzìꞋ àgème waꞋa èwuu mènəè kàbɔ̀ŋ maa.

Matìù 9:13

Bɨ̀ ghǎ nkɨ lə èngà̧ waa e shua la, ‘Maà nkɨà wuê bèmǎnkua tèsȩ, è nka kɨa banyà̧ bɔ kɨ̧ɨ̧me la.’ È nka kɨꞋa etɔ bòt bɔ mɨɨtè nê bɔ tɨ̧ɨ̧ ndɨŋndɨ̀ŋ la, e nkɨ̀Ꞌa etɔ bòt kàbɔ̀ŋ.”

ÀfaꞋa 26:20

E ndi mbɨ̀ ndàꞋ èngǎ̧ Yesò a Dàmaskɔ̀s, me tsɔꞋɔ ndaꞋa a Jèlusalèm, mè ndaꞋa àlaꞋ a Bèjuê àgème, ka mbɔ̂ ndaꞋa abua bòt kà wu Bèjuê. E ndi ngua ndaꞋa shua nê, bɔ̀ ghɨ̀ mènəè mu è nyɨꞋtè nê, bɔ waꞋa mènəè kàbɔ̀ŋ mɔb la, mbɨ̀Ꞌɨ̀ etsiꞋi bòt bɔ̀ɔ nkuŋa a Mbɔ̧ɔ̧mà la.

Lûk 15:7

Ale, kwàꞋ ane nkûŋ tsiꞋ è shu awɨ̧ nê wu wuê èlɨ mèngùꞋte nàa wu a ègwet ane wòt kàbɔ̀ŋ wemɔ̀Ꞌ tà kubte èntɨ̧ɨ̧ vi, ngwàꞋà mènəè kàbɔ̀ŋ mi la, tè ntsè me nàa ane bòt èghem yebəèꞋa ntsɔ̀b babəèꞋa bɔ̀ wu bòt ntsɔ̧̀ kà tsi mbɔ̌ ndɨ bɔ̀ɔ kubte mèntɨ̧ɨ̧ mɔb la.”

ÀfaꞋa 3:19

È wu ale, bɨ̀ waꞋa mènəè kàbɔ̀ŋ mɨ̧, nkuŋe a Mbɔ̧ɔ̧mà mbɨ̀Ꞌɨ̀ taa waꞋa a kàbɔ̀ŋ wɨ̧,

Lûk 15:10

Yesò ghɨ̀ ale, mè nê, “E ngu a si è shu awɨ̧ nê, ndɨ àvi wàa le lɔ̂Ꞌ ngùꞋtè àvi la, wu wuê èlɨ mbɔŋ bɔntu̧ Mbɔ̧ɔ̧mà àa ngùꞋtà àwɔb ane wòt kàbɔ̀ŋ wemɔ̀Ꞌ tà kubtè èntɨ̧ɨ̧ vi èsà mènəè kàbɔ̀ŋ mi la.”

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

Ebùlù 6:1

Bà me ghɨ èghɨ bu e kùꞋu abua bòt bu bɔ tsə ane mènəè Yesò la. Bà ka ntèꞋà wuê ane ànəa èghɨ leyu bu bɔ li mbɨ̀ nyɨ̀Ꞌte awa ane ànəa Yesò Klistò la. Bà ka tsi me làꞋà wuê mènəè mbì mu nàà shua nê bòt è waꞋa mènəè mu nàa ngɨ̀à bɔ tsiꞋi èpfəꞋte bòt a mbì Mbɔ̧ɔ̧mà la. Bà ka tsi me làꞋà wuê ndɨ wòt nàa zǐ èntɨ̧ɨ̧ vi ane Mbɔ̧ɔ̧mà la.

ÀfaꞋa 11:18

ÀfɨꞋa bɔ zə èngǎ̧ waa la, bɔ̀ ka tsi feele a Pità. Bɔ bùꞋ ntsiꞋi me wùꞋte a Mbɔ̧ɔ̧mà shua nê, “Ale Mbɔ̧ɔ̧mà ghɨ̀ ndɨ bòt kà wu Bèjuê àa waꞋa mènəè kàbɔ̀ŋ mɔb ebɔ mèmpème mɨ̧̂ la.”

Matìù 25:1

“Àlia mbɔŋ aa li nkùꞋ, ànəa kèfɔ̧̀ Mbɔ̧ɔ̧mà a wu mbɨ̀Ꞌɨ̀ àyea bɔɔ̀zi ko èghem bɔ li nɨ mèkàꞋà mɔb nga esèè lu̧ ndzà la.

Matìù 13:47

“Kèfɔ̧̀ Mbɔ̧ɔ̧mà mè ngu mbɨ̀Ꞌɨ̀ ànəa bòt bɔ maꞋa tasat a èbem *èdzî nɨa mbà̧ tèwuute basə tègème la.

Matìù 10:7

Bɨa me ghȩ̀ȩ̀ne, bɨ me làꞋa èngǎ̧ Mbɔ̧ɔ̧mà shua nê, ‘Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.’

Lûk 9:2

Tà tsàà àwɔb nê bɔ̀ gha ntsɔ̀tè mènəè Kèfɔ̧̀ Mbɔ̧ɔ̧mà mè mbəâ bòt àghɔ̧.

Matìù 11:12

E buꞋu afɨꞋa Jɔ̌n ndzìà èdzî li mbùꞋ me làꞋa èngǎ̧ Mbɔ̧ɔ̧mà la, ekɨꞋɨ dzə àfɨ̀Ꞌ yaa, kèfɔ̧̀ Mbɔ̧ɔ̧mà nàà nkɨ̀Ꞌa nè ètɨ̧̂, bòt mètàŋ bɔ̂ ngu bòt bɔ̀ɔ fàa ane ètɨ̧̂ la.

Matìù 13:24

“Yesò ghɨ̀ ale, mè nê betsiꞋa bɔ fɨ̀Ꞌne a Kèfɔ̧̀ Mbɔ̧ɔ̧mà ane èngà̧teme wàà. Wòt kǒ lè lɔꞋ sà èsaãaãme ntsɔ̧̀ a mbȩ zi,

Matìù 13:9

Yesò me lìà nê, wòt bɔ̌ ètû̧, tà yute èngà̧ waa.”

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

Matìù 6:10

Ghɨa kèfɔ̧̀ wê kɨꞋɨ, bòt è me ghɨ̀ àghɨa àa nkɨà la a sitsǎꞋ mbɨ̀Ꞌɨ̀ àa ègwet la.

Lûk 3:23

Yesò lè wu mbɔ̀ŋè èngùꞋ èghem yetat àfɨꞋa tà bùꞋ me nyɨꞋte banɔ̧̀ mènəè Mbɔ̧ɔ̧mà la. Yesò li ngu waã Jòsêb mbɨ̀Ꞌɨ̀ bòt e li nko la. Jòsêb wu li ngu waã Eli.