Matìù 4:11 - Mundani

¹¹ AfɨꞋa mbɔŋ, Satàn sa atò, bɔntu̧ Mbɔ̧ɔ̧mà e kɨꞋɨ̀, me taŋke atò.

Matìù 4:11 Referans Kwoze

Matìù 26:53

À bakà ko laꞋ nê betsiꞋa e ntɔ Tǎt am a ègwet, tà bê ntsàà èlaã bèshujà e tsè èghem ntsɔ̀b bebe, è wu bɔntu̧ tò bu a ègwet la à?

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

Lûk 22:43

[Wantu̧ Mbɔ̧ɔ̧mà kǒ chu a ègwet ndzì èntɨ̧ɨ̧ tò.

Lûk 4:13

Satàn kɨ̀ke a Yesò ane balu̧ bàgème tè tà paa, tà sa atò ngà me chɨ̀Ꞌɨ àfɨ̀Ꞌ àko tsa.

Ebùlù 1:6

AfɨꞋa Mbɔ̧ɔ̧mà li ngua nkɨ tsàà Waã mbì vi a sitsǎꞋ la, tà mè nê, “Bɔntu̧ Mbɔ̧ɔ̧mà bàgème e bɔ ndɨ bɔ̀ɔ me wùꞋte atò la.”

Jɔ̌n 14:30

È nka tsi làꞋà ba nɨ̧̀ ba ane àfɨ̀Ꞌ à seè à, nkàà nê Satàn wu, tà wu àtsəa ngɔ̀ŋ yaa la nàà nkɨ̀Ꞌa. Tà bakà bɔ mètàŋ a ègwet laã.

Lûk 22:53

Maà wu ba nɨ̧̀ ba a èbem lob nɨ̧ Mbɔ̧ɔ̧mà àli àgème, ka bɨ̀ ka mbà̧aã am. Ka eyaa wu àfɨ̀Ꞌ àyɨ̧ nè àfɨꞋa Satàn bɔ mètàŋ mi ègème la.”

Ntu̧ Ntsɔ̧̀ MAK 1:13

ntsèke abàꞋ və èli èghem yekwì, Satàn me taãaãte atò. BanyaãbàꞋ e li ngu abot, bɔntu̧ Mbɔ̧ɔ̧mà e taŋka tò.

Matìù 4:6

Mbɔ̂ shu abua tò nê, “A wu Waã Mbɔ̧ɔ̧mà, à kȩ ntem a si. Àkata Mbɔ̧ɔ̧mà a laꞋnê, ‘Taa tsàà bɔntu̧ bi bɔɔ baabe awê, eŋeꞋe awê a èbu bɔb, mbɨ̀Ꞌɨ̀ à wù̧ àka yè ane èti’.”

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.