Bib sou entènèt

Matìù 3:9 - Mundani

⁹ Bɨ̀ ka me ŋeꞋe awɨ̧ a ègwet è shua nê, Abàlàghâm wu tǎt nyaꞋ wɨ̧. TsiꞋ e shua wɨ̧, Mbɔ̧ɔ̧mà è bɔ ètɨ̧̂ egheble àti yaa e ghɨ̌ aa tsiꞋi bòt àndǎ̧ Abàlàghâm.

Gade chapit la Kopi

tounen moute ⬆

Matìù 3:9
22 Referans Kwoze

Lûk 3:8

Bɨ̀ ghɨ èghɨ bu àa nyɨ̀Ꞌta nê, bɨ waꞋa mènəè kàbɔ̀ŋ mɨ̧ la. Bɨ̀ ka mbùꞋ me ŋeꞋe awɨ̧ a ègwet è shua nê, bɨ̀ ka ghɨ̀à èlɨ waa nkàà ndɨ Abàlàghâm wu tǎt nyaꞋ wɨ̧ la a. TsiꞋ e shua wɨ̧, Mbɔ̧ɔ̧mà è bɔ ètɨ̧̂ egheble àti yàa e ghɨ̌ aa tsiꞋi bòt àndǎ̧ Abàlàghâm.

Jɔ̌n 8:33

Tà làꞋ ale bɔ bɨ̀ɨ̀lè nê, “Ba wu bòt àndǎ̧ Abàlàghâm, ba bakà li mè wu àbùꞋ a wòt kǒ. Àa shua nê, bɔɔ yàà wa esà ale nko nê, à shua ne ghà à?”

Lûm 4:1

Bàà wu ane laꞋ nê ghàà? Nê Abàlàghâm wu tà wû tǎt nyaꞋ bòt ba la li ndze ànəê yaa zìambɔŋ naa?

ÀfaꞋa 13:26

“Bɔnyɨ bɔ̧, bòt àndǎ̧ Abàlàghâm, nè bòt kà wu Bèjuê a si ŋàa bɔ̀ɔ nguꞋta a Mbɔ̧ɔ̧mà la, bɨ̀ zə. Ntu̧ mèmpème kàlìà yaa wu abua ya.

Lûk 16:24

Tà tɔ nê, ‘Tǎt wa Abàlàghâm, ku tèsȩ taã, ntsàà a Lazalɔ̀s tà chɨꞋɨ̀ wakèti vi a èbem mèleb nɨŋ nkɨ̀Ꞌɨ̂ èfìî èlɨ̧ laã, na e ndâ ngu a èbem ngoꞋ a èbem èwet waa la’.

Jɔ̌n 8:53

Aà ale ngu nê, à tsea tǎt wa Abàlàghâm, bɔ̂ bèndàꞋàtɔŋ Mbɔ̧ɔ̧mà bu be li mpfəèꞋte la à? Àa mɨ̀ɨ̀tà nê à wu wà à?”

Lûk 5:22

Mbɨ̀Ꞌɨ̀ Yesò ko àghɨa bɔ mɨ̀ɨ̀tà la, tà tsɔꞋ nê, “Bɨ ghɨ̀ na ka me kwàꞋtè èwuu maa nè mènəè a mèntɨ̧ɨ̧ mɨ̧ à?

Ntu̧ Ntsɔ̧̀ MAK 7:21

Ngu nê àghɨa àa ndzəa nè èbem a èntɨ̧ɨ̧ wòt la ka àa ngɨ̀à tà bɔ mèmɨ̀ɨ̀te kàbɔ̀ŋ, a màpaꞋte wòt kà bɔ̂ tò eyɔꞋ, nè ètsɔŋ, màmbuŋa wɔ̀bȩ̂,

ÀfaꞋa 15:14

Simùn bê nyɨ̀Ꞌte awɨ̧ ndɨ Mbɔ̧ɔ̧mà li mbɨ̀ ndȩ̀ bòt ayɔɔ bòt kà wu Bèjuê ane bòt bi, nɨŋ nyɨ̀Ꞌte nê, yeà nkɔ̀ŋkà àwɔb bàgème la.

Lûk 19:40

Yesò bɨ̀ɨ̀lè nê, “Ane nkûŋ, tsiꞋ è shu awɨ̧ nê bɔ bua, ko àti yaa aa me ŋȩȩ.”

Lûk 7:39

Wòt Falèsiì wu ye, ndèmtè nê, “Mbê waa ghɨ̀ ale, ngu ngule ndàꞋàtɔŋ Mbɔ̧ɔ̧mà, mbə tà ko àghɨa àvi waa mbà̧à̧ta tò la wu yùà la. Ko tà ko èwuu kàbɔ̀ŋ tàa ngɨ̀à la.”

Lûk 12:17

Tà bùꞋ me mɨ̀ɨ̀te a èntɨ̧ɨ̧ vi nê, ‘E mbakà bɔ àdziꞋa màa paŋe èghɨjɨ bɔ̧ bàà la. Màa ghɨ̌ na à?’

Jɔ̌n 8:37

Mâ ko nê bɨ wu bòt àndǎ̧ Abàlàghâm, ka bɨ bɔ̂ me kɨ wuê èlu̧ ebùŋè am nkàà nê, bɨa kà bɨ̧ɨ̧ne èngǎ̧ am.

Swiv nou:

Lyen patwone

Piblisite

Piblisite