Matìù 27:42 - Mundani

⁴² “Tà li ntɨ̀ŋe bòt ko, ka tà kà wu ko etɨŋe avi zìambɔŋ. Tà ntsě Fɔ̧̀ bòt Izəèlȩê? Tà chu a si a mbɨ̧̀ mbasa wàà àfɨ̀Ꞌ yaa ko baa bɨ̧ɨ̧ne mènəè tò.

Matìù 27:42 Referans Kwoze

Jɔ̌n 1:49

Nàtanìà nê, “NyɨꞋtà, à wu Waã Mbɔ̧ɔ̧mà! À wu Fɔ̧̀ bòt Izəèlȩê!”

Matìù 27:37

Bɔ shɨ èngà̧ wu bɔ nɨŋ fèèlè atò la ngù̧ù̧te àtsəa tò a mbɨ̧̀ àyɨt nê, “Eyaa wu Yesò Fɔ̧̀ Bèjuê.”

ÀfaꞋa 4:14

Ka bɔ̀ ghɨ̀ ale, bɔ̀ ka tsi mbɔ ànəa bɔ̀ɔ mèe shu la, nkàà nê mbê wu bɔ bə atò la wu abot tà tɨ̧̂ bɔ̂ Pità nè Jɔ̌n la.

Jɔ̌n 12:47

“Wòt zəa mèngǎ̧ mɔ̧ mbakà ghɨ mbɨ̀Ꞌɨ̀ nàa shua la ko è nka saꞋa tò a, nkàà nê e ndi è nka wua nkɨ̀Ꞌa saꞋa bòt ngɔ̀ŋ, e ndi ngua nkɨ̀Ꞌa ŋa wɔb mèmpème.

Jɔ̌n 12:13

Ale, bɔ nɨ ètsə maŋ ngà alu̧ ekwene ane tò. Me ghǎ ŋȩ̀a shua nê “MèngùꞋte wu abua Mbɔ̧ɔ̧mà; Mbɔ̧ɔ̧mà lɔ̀ɔ̀le a wòt wu nkɨ̀Ꞌa ane èlen tò la; Mbɔ̧ɔ̧mà lɔ̀ɔ̀la Fɔ̧̀ bòt Izəèlȩê.”

Jɔ̌n 9:24

Bɔ ghɨ̀ ale mè ntɔ wòt wu àghɨ a tò a li ndzaã ndem la, shu abua tò nê, “WùꞋte a Mbɔ̧ɔ̧mà, ba ko nê mbê waa tà bə awê la wu wòt kàbɔ̀ŋ.”

Lûk 19:38

“TsiꞋ Mbɔ̧ɔ̧mà lɔ̀ɔ̀le a fɔ̧̀ wu nkɨ̀Ꞌa ane èlen tò la; Àlàŋkè a wu a kèfɔ̧̀ Mbɔ̧ɔ̧mà, mèngùꞋte wu abua Mbɔ̧ɔ̧mà wu a ègwet la.”

Matìù 2:2

Bɔ kɨꞋɨ ale, me biite nê, “Waã wu bɔ bi, tàa wu Fɔ̧̀ Bèjuê la nàa wa à? Baa ye kěnto̧ tò àbâ yu nyèm nàa sàꞋa la ka nkɨ̀Ꞌɨ̂ ewùꞋte atò.”

Matìù 27:40

shua nê “Àwɔ̀ wu à li nê yea bùù lob nɨ̧ Mbɔ̧ɔ̧mà e mě bɔ̧ɔ̧ ane èlibȩ betat la, tɨŋe awê àwɔ̀ mbɔŋ. À wu Waã Mbɔ̧ɔ̧mà, à lɔ̀Ꞌ a ègwet mbasa wu nchu a si.”

Matìù 27:41

Bètǎt bèntsìà mèpɨ̧̀ Mbɔ̧ɔ̧mà nè bènyɨꞋtà mbɨ̧te Musì nè bɔɔjuŋ Bèjuê e wȩ̀ȩ̀te atò wuê a èlɨ mbɔŋ nê,

Ntu̧ Ntsɔ̧̀ MAK 15:31

Bètǎt bèntsìà mèpɨ̧̀ Mbɔ̧ɔ̧mà nè bènyɨꞋtà mbɨ̧tsə e me wȩ̀ȩ̀te atò wuê a èlɨ mbɔŋ mɨ̧̂ shua nê, “Tà li ntɨ̀ŋe bòt ko, ka tà kà wu ko etɨŋe avi zìambɔŋ.

Ntu̧ Ntsɔ̧̀ MAK 15:32

Tà ntsè Fɔ̧̀ bòt Izəèlȩê, tà nchɨɨmâ nchu a ègwet mbasa àfɨ̀Ꞌ yaa ko baa bɨ̧ɨ̧ne nê Tà wu Fɔ̧̀ wu Mbɔ̧ɔ̧mà li ndzɔꞋ etsàà la.” Bòt bu babe bɔ wu̧u̧te awɔb a ngèt tò la e wȩ̀ȩ̀tè atò mɨ̧̂.

Lûk 23:35

Ènɔ̧̂ bòt e tɨ̧ɨ̧ me ye, bɔɔjuŋ Bèjuê e me wȩ̀ȩ̀te atò shuà nê, “Tà li ngɨ̀ bòt ko e pem, tà tɨŋe avi zìambɔŋ àfɨ̀Ꞌ yaa mɨ̧̂, na tà wu Fɔ̧̀ wu Mbɔ̧ɔ̧mà yɔꞋ ntsà la.”

Lûk 23:37

Mbɔ̂ shu abua tò nê, “À wu Fɔ̧̀ Bèjuê à tɨ̀ŋe awê àwɔ̀ mbɔŋ.”