Matìù 27:4 - Mundani

⁴ nê “Mâ fâ̧ ndɨ̀ wu ma fɨ̧̀ɨ̧̀ne wòt kà ghɨ ànəê la.” Tà shu ale, bɔ nê “È ntsě ànəa yaa, à yu a yea wê.”

Matìù 27:4 Referans Kwoze

1 Jɔ̌n 3:12

Bà ka ngu mbɨ̀Ꞌɨ̀ Kên, tà li ngu wòt Satàn wòt kàbɔ̀ŋ, mbùŋè wanyɨ vi Abèl la. Bɨ ko àghɨ yu a li ngɨ̀ ka tà buŋè wanyɨ vi la à? Wu nê, tà li ngua ngɨ̀à mènəè kà kùꞋ, wanyɨ tò me ghɨ̀ mènəè e kùꞋù la.

1 Pità 1:19

È li ngu àlo̧ a Yesò Klistò yu a tse àghɨ àgème la. Ale, Yesò wu mbɨ̀Ꞌɨ̀ wanjɨ̀ kà ye àlɔꞋ bɔ li nkɨ̧̀ɨ̧̀me àtsəa bòt la.

Ebùlù 7:26

Èwuu àtsəa bèntsìà mèpɨ̧̀ Mbɔ̧ɔ̧mà yaa a kùꞋu abua ya. Tà wu wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la, àghɨ à ka wu ane tò betsiꞋa wòt feele atò adù̧ la, tà kà wua ngɨa kàbɔ̀ŋ. Mbɔ̧ɔ̧mà è tsì atò ayɔɔ bòt kàbɔ̀ŋ, mè nɨ atò nkɔꞋ ngà tè ntsè tègwetsə.

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

1 Tɔ̀màtià 4:2

Bòt bu bɔ̀ɔ me nyɨꞋte èwuu mènəè maa la, wu bòt bu bɔ̀ɔ fɨta nê bɔ wu bòt Mbɔ̧ɔ̧mà la. Bɔ bakà tsi nko a ntsɔ̧̀, ngu nê Satàn ghɨ̂ mèntɨ̧ɨ̧ mɔb fene tê è kà tsi ngua fèèlè àwɔb.

Lûm 3:19

Baà ko nê àghɨ àgème bɔ shɨ a èbem mbɨ̧ Musì la a wua ndàꞋa abua bòt bu bɔ ŋa mbɨ̧ mbɔŋ abua yɔb la. Aà anè mbɨ̀Ꞌɨ̀ wòt è ka li bɔ ànəê àko tàà làꞋa ane àli yu bòt bàgème àa tɨ̧ɨ̧ e mbì Mbɔ̧ɔ̧mà tàa saꞋa awɔb la.

ÀfaꞋa 13:28

Bɔ li bɔ̀ ka lem mbɔ̀ ngule lə bɔ̀ɔ nɨ ghɨ̌ bɔɔ bùŋe a Yesò la, mbɔ̂ ŋwèèlè wuê a Pȩlèt nê tà bùŋe atò.

Jɔ̌n 19:7

Bèjuê bu e mè shu abua tò nê, “Baa bɔ mbɨ̧ kǒ nàa nyɨ̀Ꞌta nê, bɔ bɔ ndɨ bɔ̀ɔ bùŋe atò nkàà nê, tàa shua nê, ye wu Waã Mbɔ̧ɔ̧mà la.”

Lûk 23:47

Tǎt bèshujà wu tà wu abot la ye àghɨa a ghɨ̀ la, ŋà mèngùꞋte abua Mbɔ̧ɔ̧mà shu nê, “KwàꞋ ane nkûŋ, mbê waa li tà kà ghɨ̂ ànəa kàbɔ̀ŋ.”

Lûk 23:41

È me wu awa ko ba wua ndzèa ngoꞋ ane ànəa ba ghɨ̀ la, ka mbê waa bakà ghɨ ànəa kàbɔ̀ŋ àko.”

Lûk 23:22

Pȩlèt mè mbììte awɔb è wu ngò̧ tetat la nê, “Tà ghɨ̀ ka ànəa kàbɔ̀ŋ à? E mbakà ye a kàbɔ̀ŋ kǒ tà ghɨ̀ tê bɔɔ bùŋe atò la. Maa ghɨ̌ bɔɔ shu̧u̧ atò, ebɔ sǎ atò.”

Matìù 27:54

Mbɨ̀Ꞌɨ̀ tǎt bèshujà bu, nè bèshujà bu be li ngu bɔ̂ tò ba mbààba Yesò la, e ye ndɨ sitsǎꞋ nyìꞋnè la, nè àghɨa a ghɨ̀ la, bɔ taꞋa bɔa tè nê, “Ane nkûŋ, mbê waa li ngu Waã Mbɔ̧ɔ̧mà.”

Matìù 27:19

Mbɨ̀Ꞌɨ̀ Pȩlèt è tseke a ègwet atɨ̧ kèfɔ̧̀ vi la, vi tò tsà ntu̧ abua tò nê, “Mbê wu bakà ko ànəê, è wu ale à ka ngɨ̀ àghɨa ko ane tò. Mâ me li ndzě ndzò̧ ko ane tò è taꞋa saa am.”

Ètsə 11:10

Bòt sitsǎꞋ e mě ngu taꞋa wùꞋte àwɔb nkàà èvə bòt baa babe la. Bɔɔ me wùꞋtè àwɔb e ŋa èghɨ abua waa waa, nkàà nê bèndàꞋàtɔŋ Mbɔ̧ɔ̧mà bu babe la be taꞋa ghɨ̧̀ɨ̧̀ne bòt sitsǎꞋ.