Matìù 26:53 - Mundani

⁵³ À bakà ko laꞋ nê betsiꞋa e ntɔ Tǎt am a ègwet, tà bê ntsàà èlaã bèshujà e tsè èghem ntsɔ̀b bebe, è wu bɔntu̧ tò bu a ègwet la à?

Matìù 26:53 Referans Kwoze

Matìù 4:11

AfɨꞋa mbɔŋ, Satàn sa atò, bɔntu̧ Mbɔ̧ɔ̧mà e kɨꞋɨ̀, me taŋke atò.

Lûk 8:30

Yesò bììte atò nê, “Èlen lê wu wà à?” Tà bɨ̀ɨ̀lè nê, “Èlen laã wu ‘Àlaã’ - nkàà nê fote kàbɔ̀ŋ te nyi ane tò nyaŋ.”

Jûd 1:14

Enɔ̀k wu ngute bòt te li ntse akwene Adàm tentùa ka bɔ bi atò la li shu ànəa Mbɔ̧ɔ̧mà nyɨꞋte atò ane ànəa àa li lɔ̀Ꞌɔ eye bòt baa la. Tà li nê, “Bɨ̀ ye a Mbɔ̧ɔ̧mà nkɨ̀Ꞌa nè bɔntu̧ bi ànyaꞋne ànyaꞋne.

2 Tèsàlonikà 1:7

e bɔ̂ ghɨ bɨ̀a wu ndzea ngoꞋ la aa yète, fɔ̀ɔ̀lè awa mɨ̧̂. Aa li ewu anè, ane àli yu Yesò Lefɨ̀Ꞌ nàa saꞋa a ègwet a èbem èwet ngòꞋà la, nè bɔntu̧ bi bu mètàŋ mɔb è ghe la.

Matìù 25:31

“Naa li ngu àfɨꞋa Waã Wòt kɨꞋɨ ane ènɨ̧ tǎt vi, nè bɔntu̧ Mbɔ̧ɔ̧mà bàgème la, tà tseke a ègwet àtɨ̧a Kèfɔ̧̀ Mbɔ̧ɔ̧mà.

Ntu̧ Ntsɔ̧̀ MAK 5:9

Yesò bììte atò nê, “Èlen lê wu wà à?” Mbê wu bɨ̀ɨ̀lè nê, “Èlen laã wu ‘Àlaã’ - nkàà nê baa ndzǎ̧ nyaŋ.”

Ntu̧ Ntsɔ̧̀ MAK 5:15

Bɔ kɨꞋɨ ndzèa Yesò bɔ̂ mbê wu fote kàbɔ̀ŋ tèa wu ane tò la. Bɔ me ye tà kwaã ndǐ ti ntsèke a si, èyì tò e kuà, kèbɔɔ ke baãaã wòt ègème.

Jɔ̌n 10:18

Wòt kǒ tàa bùŋè am kà e shu nê à wu ale la ntsě. Mâ ŋa àtsə am ane mɔ̧ nè mènkɔ̀ŋke. Mâ bɔ mètàŋ ndɨ betsiꞋa e ŋà àtsəa am mpfə la, mè mbɔ̀ mètàŋ ndɨ betsiꞋa e nju̧u̧mè la. Eyaa wu àghɨa Tǎt am Mbɔ̧ɔ̧mà laꞋnê e ngɨa la.”

Jɔ̌n 18:36

Yesò bɨ̀ɨ̀lè nê, “Kèfɔ̧̀ am è ntsě we sitsǎꞋ. Kèfɔ̧̀ am è ghɨ̀ ale, ngu we sitsǎꞋ, ko bɔfàꞋ bɔ̧ aa nû ekele nê mbɨ̀Ꞌɨ̀ bɔ zì am a tèkitebu Bèjuê. Ka Kèfɔ̧̀ am è ntsě we sitsǎꞋ ŋàa.”