Matìù 25:41 - Mundani

⁴¹ “Taa shu ale, e gheble avi è shu abua bòt bu àbâ àbuantoŋ zi la nê ‘Bɨ̀ lɔꞋɔ a ngèt yaã, bɨ̀a wu Mbɔ̧ɔ̧mà zi ndɔ̀ àtsəa yɨ̧ la ngà a èbem èwet kà wu li elìa Mbɔ̧ɔ̧mà taŋke abua Satàn bɔ̂ bɔntu̧ bi la.

Matìù 25:41 Referans Kwoze

2 Pità 2:4

Mbɔ̧ɔ̧mà li tà kà sa bɔntu̧ bi bu bɔ li ngɨa kàbɔ̀ŋ la bɔɔ gha àku. Tà li màꞋà wɔb a èbem nkɨ̀Ꞌnè ngoꞋ, àdziꞋa bɔ kuule awɔb ane fȩtsə nɔ̀ŋè a èbem kèbìꞋà me chɨ̀Ꞌɨ̀ Àlia èsaꞋa Mbɔ̧ɔ̧mà la.

2 Tèsàlonikà 1:9

Mbɔ̧ɔ̧mà nàà li ghɨ̌ bɔɔ ye ngoꞋ kèkweelè kà wu li e lìa. NgoꞋ yaa wu nê taa lo awɔb etsǐ ane Yesò, e ghɨ̌ bɔɔ baka ye ènɨ̧ tò wu e ghe la.

Matìù 13:42

E tsǐ emàꞋà wɔb a èbem èwet kekweelè àdziꞋa bòt àa me dɨ̀a nkwèla àsɔŋ yɔb ane ntso la.

Matìù 13:40

“Èlɨ bɔ̀ɔ fèta afəèꞋ kàbɔ̀ŋ wu ntò̧à a èbem èwet la, wu èlɨ bɔ̀ɔ li ghɨ̀ ane bòt kàbɔ̀ŋ àfɨꞋa ngɔ̀ŋ nàa li lìà la.

Jɔ̌n 8:44

Satàn wu tǎt wɨ̧, àfàꞋ àyɨ̧ wu ndɨ bɨ̀a me ghɨ̀ wuê àghɨa tàa nkɨà la. Tà lè yaŋe wu wòt tàa mbùŋà bòt la, tà kà wua nkɨà nkûŋ, nkàà nê tà bakà li me làꞋa nkûŋ. Tàa ngɨ̀ tà me làꞋà mèfà̧, tà wua ndàꞋà mbɨ̀Ꞌɨ̀ tàa ndzìà ngɨ̀a àfɨ̀Ꞌ àgème la, nkàà nê, tà wu wòt mèfà̧, mè ngu tǎt mèfà̧ ègème.

Matìù 7:23

Mbə maa shu abua yɔb nê, ‘E mbakà ko awɨ̧, bɨ̀ lɔ̀Ꞌɔ a ngèt yaã, bɨ̀a bòt kàbɔ̀ŋ’.

Matìù 3:12

Ankì tò wu àbu atò, tàa nɨ foa ntsəè ti la. Taa foa ntsəè tu, efete nɔ̀ŋe a ète li, ka è me wu èfaa, tà maꞋa a èbem èwet kà wu li elema.”

Ebùlù 6:8

Ka è wu nê, èghɨ ntsəa adù̧ la tsiꞋi njiŋtsə bɔ̂ mèfəèꞋ ko si mbɔŋ tsiꞋi àku, ntsìꞋi è ye betsiꞋa Mbɔ̧ɔ̧mà tsò̧ a me lìa bɔ tò̧ la.

Matìù 13:50

màꞋà wɔb a èbem èwet kekweelè àdziꞋa bɔ̀ɔ li me dɨ̀a nkwèla àsɔŋ yɔb ane ntso la.”

1 Jɔ̌n 3:10

Ngule àghɨa àa ghɨ̌ bòt aa lȩ̀ bɔ̧ Mbɔ̧ɔ̧mà ane bɔ̧ Satàn wòt kàbɔ̀ŋ la wu nê, waa waa tàa ka ghɨ àghɨa Mbɔ̧ɔ̧mà nàa nkɨà la, nè waa waa tàa ka kɔ̀ŋkè wanyɨ vi la, ntsě Waã Mbɔ̧ɔ̧mà.

Lûk 16:24

Tà tɔ nê, ‘Tǎt wa Abàlàghâm, ku tèsȩ taã, ntsàà a Lazalɔ̀s tà chɨꞋɨ̀ wakèti vi a èbem mèleb nɨŋ nkɨ̀Ꞌɨ̂ èfìî èlɨ̧ laã, na e ndâ ngu a èbem ngoꞋ a èbem èwet waa la’.

Lûk 13:27

“Ko taa mě tse a lob e shu nê, ‘E mbakà ko awɨ̧, bɨ̀ lɔ̀Ꞌɔ a mbì ètsələèꞋ am, bɨ̀a wu bɨ̀a ngɨ̀à mènəè kàbɔ̀ŋ la.’

Matìù 25:46

“ÀfɨꞋa mbɔŋ ko bòt kàbɔ̀ŋ bu aa gha àdziꞋa kà ngoꞋ wu li elìa, èbe ntsɔ̧̀ bu e egha àdziꞋa mèmpème kàlìà.”

Matìù 18:8

Àbu ayê, kò àka yê leꞋ à ghɨ̀ à tsì èntɨ̧ɨ̧ wê ane Mbɔ̧ɔ̧mà, a lo ngwa. A bɔ̂ŋ nê bɔ àbu yeamɔꞋ kò àka yeamɔꞋ leꞋ, mbɔ̀ mèmpème kàlìà, tè ntsè ndɨ àa bɔ èbu bê nè èka bè ègème bɔɔ màꞋà wê a èbem èwet Satàn wu kà wu li lema la.

Matìù 5:22

Ka e ngua shu awɨ̧ nê wòt tsoa ane wanyɨ vi, ko bɔɔ li saꞋa atò wuê a èlɨ mbɔŋ, èwe tà tsɔ̧̀ wanyɨ vi la bɔ nɨ atò ngà a mbì sàꞋàmèkěm, èwu ewe tà tɔ wanyɨ vi ane àkèghɨ̧̀ la, tà ko nê yea li ghǎ a èwet Satàn.

Matìù 4:10

Ale, Yesò bɨ̀ɨ̀lè nê, “Lɔ̀Ꞌɔ a ngèt yaã à Satàn! Nkàà nê, Àkata Mbɔ̧ɔ̧mà a laꞋnê, ‘À bɔ ndɨ àa me wùꞋte wua Tǎt wè Mbɔ̧ɔ̧mà, mè ndzə wuê atò la’.”

Matìù 25:42

Bɨ̀ gha nkàà nê ndzìtsə te li me ku am, bɨ̀ ka ŋa èghɨjɨ maa jɨ, àtɔŋ am a yu̧, bɨ̀ ka ŋa mèleb maa nu,

2 Tèsàlonikà 1:7

e bɔ̂ ghɨ bɨ̀a wu ndzea ngoꞋ la aa yète, fɔ̀ɔ̀lè awa mɨ̧̂. Aa li ewu anè, ane àli yu Yesò Lefɨ̀Ꞌ nàa saꞋa a ègwet a èbem èwet ngòꞋà la, nè bɔntu̧ bi bu mètàŋ mɔb è ghe la.