Bib sou entènèt

Matìù 23:15 - Mundani

¹⁵ “Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ̀ wu àghɨa kà wu yùà la! Bɨ̀a ngɨ̀ bɨ ntu̧ mèdzî, ntsè èlaꞋ mbɨ̀Ꞌɨ̀ bɨ̀ wuê e ghɨ̌ ka wuê wòt wemɔ̀Ꞌ naa kùŋe a Mbɔ̧ɔ̧mà ane wɨ̧ ne alu̧. Bɨ̀ bɔ bɨ̀ ghɨ̀ ale, bɨ tsoke a ŋut kwat tè tà mè mbɨɨ tê ntsiꞋi èwe tàa bɨ̌ nyi a èwet Satàn a mbì lɨ̧ la.

Gade chapit la Kopi

tounen moute ⬆

Matìù 23:15
17 Referans Kwoze

Efesɔ̀s 2:3

Bàa gème e li ngu mbɨ̀Ꞌɨ̀ bɔ̀ɔ̀ba wàa, me tseke mbɨꞋɨ̀ mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ba li ngua ngɨ̀à àghɨ àgème a kɔꞋɔ a ètsə ba la, nè àyea mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ale, ntsǒ Mbɔ̧ɔ̧mà li mbɔ̌ ndɨ nàa nɔ̀ŋke a ètsə ba wuê mbɨ̀Ꞌɨ̀ nàa nɔ̀ŋke àtsəa wɔ̀bȩ̂ ègème la.

ÀfaꞋa 13:43

Bɔ̀ taate abot bòt e me ghǎ, Bèjuê nyaŋ nè bòt kà wu Bèjuê bɔ kubtè me wùꞋte a Mbɔ̧ɔ̧mà kùŋè a Pɔ̂l bɔ̂ Bànabasì. Bɔntu̧ bu e laꞋ abua yɔb nê, bɔ̀ me baãaã èngǎ̧ Mbɔ̧ɔ̧mà ngà wuê nè mbì ngȩ̀ȩ̀ne a èten ntsɔ̧̀ tò.

ÀfaꞋa 13:10

mbɔ̂ nê, “À wu waã Satàn. À wu wɔ̀mbù̧ àghɨ a ntsɔ̧̀ àgème. Èbɨ̀Ꞌte èŋɔꞋte mènəè e lu̧u̧ a èbèm lê. Àa ntsèka nyɔ̀Ꞌtà mènəè Mbɔ̧ɔ̧mà mu è wu nkûŋ la ezi ane àfɨte.

ÀfaꞋa 14:2

Ka Bèjuê bu bɔ tu̧ ezə èngǎ̧ Mbɔ̧ɔ̧mà la e lute bòt kà wu Bèjuê tè ntsòkè ètsə bɔb bɔ tsiꞋi me pààbe bɔnyɨ ba bu.

Jɔ̌n 8:44

Satàn wu tǎt wɨ̧, àfàꞋ àyɨ̧ wu ndɨ bɨ̀a me ghɨ̀ wuê àghɨa tàa nkɨà la. Tà lè yaŋe wu wòt tàa mbùŋà bòt la, tà kà wua nkɨà nkûŋ, nkàà nê tà bakà li me làꞋa nkûŋ. Tàa ngɨ̀ tà me làꞋà mèfà̧, tà wua ndàꞋà mbɨ̀Ꞌɨ̀ tàa ndzìà ngɨ̀a àfɨ̀Ꞌ àgème la, nkàà nê, tà wu wòt mèfà̧, mè ngu tǎt mèfà̧ ègème.

Gàlashìà 6:12

Wu bòt bu bɔ̀ɔ nɨ̀a èghɨ nàbȩ̂ nkɨ enyɨꞋte nê bɔ ghe la ka nkɨ eŋwèèlè àwɨ̧ nê bɔ̀ naŋe awɨ̧ la. NdàꞋ lə bɔ ghɨ ale la wu mbɨ̀Ꞌɨ̀ bòt e me kɨ àtsə ayɔb enɨ nê bɔɔ̀ ndàꞋà ndɨ Yesò Klistò li mpfə a mbɨ̧̀ mbasa la.

Gàlashìà 4:17

Bòt ko bu aà ndzìà èntɨ̧ɨ̧ ane yɨ̧ ka è kà lem ngu ane ntsɔ̧̀. Àghɨa bɔ kɨà la wu a mà ntsì àwɨ̧ ane yaã mbɨ̀Ꞌɨ̀ bɨa tsiꞋi me zì àwɨ̧ ane yɔb.

Matìù 5:22

Ka e ngua shu awɨ̧ nê wòt tsoa ane wanyɨ vi, ko bɔɔ li saꞋa atò wuê a èlɨ mbɔŋ, èwe tà tsɔ̧̀ wanyɨ vi la bɔ nɨ atò ngà a mbì sàꞋàmèkěm, èwu ewe tà tɔ wanyɨ vi ane àkèghɨ̧̀ la, tà ko nê yea li ghǎ a èwet Satàn.

ÀfaꞋa 17:13

Ka àfɨꞋa Bèjuê bu a Tèsàlonikà la e zə nê Pɔ̂l wua Belìà ndàꞋà èngǎ̧ Mbɔ̧ɔ̧mà la, bɔ kɨꞋɨ abot mbùꞋ me tsòkè àtsəa ndzɔ̀ŋ bòt yu.

ÀfaꞋa 14:19

Bèjuê ko e li ndɔ̀Ꞌ a Antìɔ̀k wu a Pìsidìà la, nè Èkonìòm nkɨ̀Ꞌɨ̂ ntsòkè àtsəa bòt bu, bɔ temte a Pɔ̂l ane àti, səŋne atò nɨŋ ndzə àpfəèà nɨ̧ yu ntanda nê tà pfə tê ndɔ̀Ꞌ.

ÀfaꞋa 2:10

nè bòt bɔ ndzəè fɔ̀ɔ̀le a Fligìà nè Pàmfilìà, ka ŋè èbe Ejìb, nè Libìà a ngèt àpfəèa Silenè, mè nè èbe be dzəè a Luêm la,

ÀfaꞋa 6:5

Bɔ làꞋ ale bòt Yesò bu bàgème e kɔ̀ŋkè ànəê yu bɔntu̧ tò bu e shu la. Bɔ lȩ̀ a Stifèn wu tà li ntaꞋa zǐ èntɨ̧ɨ̧ vi ane Yesò, Fo Kèfə mè ntaꞋa wu ane tò la, mè ndȩ̀ a Filìb bɔ̂ Plòkolùs nè Nikanɔ̀, bɔ̂ Timɔ̀n, nè Pàmenàs, ndɔ̀Ꞌ nè Nikòlâs, wòt Antìɔ̀k, tà kubtè ntsìꞋi wòt Juê la.

Matìù 5:29

Èghɨ àbâ àbualu̧ ayê e ghɨ̀ à fà̧ ànəê, à tsɔꞋ ngwaꞋ. A bɔ̂ŋ nê àdziꞋa ènyit ayê àko à buŋ tè ntsè ndɨ bɔ̀ɔ màꞋà wê nènkèm a èbem èwet Satàn la.

Matìù 3:7

Ka àfɨꞋa tà ye Bèfalèsiì nyaŋ nè Bèsadùsiì nkɨ̀Ꞌa taa zǐ àwɔb a èdzî mɨ̧̂ la, tà bììte awɔb nê, “KwàꞋ bɨ̀a àndǎ̧ nyaãtekàbɔ̀ŋ, waa kɨɨte awɨ̧ nê bɨ̀ lùùla ntsǒ Mbɔ̧ɔ̧mà yu tàa ngà ètsàà la à?

Matìù 23:13

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la, nkàà nê bɨa nkèla bòt mbɨ̀Ꞌɨ̀ bɔ nyi a Kèfɔ̧̀ Mbɔ̧ɔ̧mà. Bɨ̀a mbɔŋ aà kà kɨ nyi, mbɔ̂ nkèle bòt nkɨ enyi la, mbɨ̀Ꞌɨ̀ bɔ nyi. [

Swiv nou:

Lyen patwone

Piblisite

Piblisite