Matìù 23:14 - Mundani

¹⁴ Aa li bɨ̀a wɨ̧ bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la. Bɨ̀a ngɨ̀ bɨ fɨte bènempfə njɨ̀ lob tɔb mbɔ̂ ndɔ̀Ꞌ me tsàꞋta Mbɔ̧ɔ̧mà ndà̧à̧nà mbɨ̀Ꞌɨ̀ enɨ evəèəèlè àghɨ a bòt. Bɨ̀a li bɔ ngoꞋ è tsě ye bòt bàgème la.]

Matìù 23:14 Referans Kwoze

Matìù 23:13

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la, nkàà nê bɨa nkèla bòt mbɨ̀Ꞌɨ̀ bɔ nyi a Kèfɔ̧̀ Mbɔ̧ɔ̧mà. Bɨ̀a mbɔŋ aà kà kɨ nyi, mbɔ̂ nkèle bòt nkɨ enyi la, mbɨ̀Ꞌɨ̀ bɔ nyi. [

Ntu̧ Ntsɔ̧̀ MAK 12:40

Wu bɔ̀ɔ̀ba wàa bɔ̀ɔ̀ ngɨ̀ɨ̀la bènempfə fàà èghɨ bɔb, mbɔ̂ bɔ chu a màntsaꞋta Mbɔ̧ɔ̧mà, bɔ là̧à̧nè èngà̧ mbɨ̀Ꞌɨ̀ enɨ vəèəèlè àghɨ a bòt la. Mbɔ̧ɔ̧mà naa li ŋa wɔb ngoꞋ è tsě ye bòt ko la.”

Lûk 20:47

Mbɔ̂ ngu bɔ̀ɔ̀ba bɔ̀ɔ ngɨ̀ɨ̀la bènempfə fàà èghɨ bɔb, mbɔ̂ ndɔ̀Ꞌ me tsàꞋta Mbɔ̧ɔ̧mà ndà̧à̧nà mbɨ̀Ꞌɨ̀ enɨ èvəèəèlè àghɨ a bòt la. Bɨ̀a li bɔ ngoꞋ è tsě ye bòt bàgème la.”

Matìù 11:24

Ka tsiꞋ e shu awɨ̧ nê naa li ngu ane àli yu Mbɔ̧ɔ̧mà nàa saꞋa bòt ngɔ̀ŋ la, ta kù tèsȩte bòt Sodòm tè ntsè è tɨ̧.”

Matìù 23:33

“Bɨ̀a nyà̧tekàbɔ̀ŋ, nè bɔ̧ nyà̧tekàbɔ̀ŋ! Bɨ̀a ghɨ̀ na te lùùla te bɔɔ bakà maꞋa wɨ̧ a èbem èwet Satàn à?

Lûk 12:48

Ka è me wu wafàꞋ wu kà ko àghɨa tǎt vi nàa nkɨ̀a la, mbɔ̂ me ghɨ̀ àghɨa bɔ bɔ̂ ndɨ bɔ̀ɔ shu̧u̧ atò kwàꞋ ànyaꞋne la, ko bɔɔ li shu̧u̧ atò mpiꞋa. Bɨ̀ ko nê wòt ègème bɔ zǐ atò àtsəa èghɨ nyaŋ la, bɔɔ biite atò mènəè nyaŋ, è we bɔ ŋa nyaŋ nɨŋ fu atò la, bɔ mè ngu me kɨ nyaŋ abua tò.”

2 Tɔ̀màtià 3:6

Bòt ko ane yɔb aa ngèèba nyaꞋa nyia èpfəè bòt, fɨ̀ta bèzi bɔ bɔ mèntɨ̧ɨ̧ lèyu la, mbɨ̀Ꞌɨ̀ bɔɔ bɨ̧ɨ̧ne ànəa bɔ shuà la. Eyaa wu èwuu bèzi bu kàbɔ̀ŋ kuule awɔb tè bɔ tsiꞋa ngɨ̀à àghɨ àgème a kɨꞋɨ àtsəa yɔb la.

Tȩtɔ̀s 1:10

Bòt ko nyaŋ aà və bɔ̀ɔ ŋàa àtsə àsaa, bɔ̀ ka bê ngùa ndzəèa ànəê, mè me nɨ mèngǎ̧ àkû èfɨ̀ta bòt ko la. Bɔɔ̀ ndzea àya nyaŋ ane Bèjuê bu ayɔɔ yɔb bɔ̀ɔ ŋwèèlà shua wuê nê bɔ naŋe wòt ka tà wu wòt Mbɔ̧ɔ̧mà la.

Jimsì 3:1

Bɔnyɨ bɔ̧, ko mbɨ̀Ꞌɨ̀ waa waa ane yɨ̧ me kɨ ewu nyɨꞋtà nkàà nê, bɔɔ li saꞋa awa wu bà wu bènyɨꞋtà la te tsě ndɨ bɔ̀ɔ saꞋa bòt ko la.

2 Pità 2:3

BènyɨꞋtà fɨte bàa aa gha ambo èlɨ̀ wu bɔ̀ɔ nkɨ me nɨ nɨ la, me dèbè mètaã mɔb mènəè kɔ̀Ꞌa bɔ shua mbɨ̀Ꞌɨ̀ enɨ èghɨ àku abua yɨ̧. Bɔ li mbê ndzaŋe saꞋa awɔb tè ndɔ̀Ꞌ, tè Mbɔ̧ɔ̧mà wu tàa eliime awɔb la tsiꞋì àtatsi nchɨ̀Ꞌà.

2 Pità 2:14

Mèmɨ̀ɨ̀te mɔb ègème bê ngu wuê ànəa mànjɨa àbȩ, tè bɔ̀ ka wua nkà̧aã a màngɨa kàbɔ̀ŋ. Bɔɔ səèà bòt bu mèntɨ̧ɨ̧ mɔb nàa njùa ane Mbɔ̧ɔ̧mà la, ngɨ̀à bɔ ghɨa kàbɔ̀ŋ. Bɔ ghe bɔ̀ɔ nkɔ̀ŋkà e me nɨ nɨ la. Mbɔ̧ɔ̧mà nɔ̀ŋe ndɔ̀ àtsəa yɔb tè ndɔ̀Ꞌ.