Matìù 21:41 - Mundani

⁴¹ Bɔ bɨ̀ɨ̀lè nê “Ko taa bùŋe bòt kàbɔ̀ŋ mbɔŋ kà ku tèsȩ, ebɔ ŋa mbȩ mbɔŋ abua bòt tsa bɔɔ me faꞋa ŋa èwe tò nè èghàb àfɨꞋa ntsɔ̧̀.”

Matìù 21:41 Referans Kwoze

ÀfaꞋa 18:6

AfɨꞋa bɔ ntu̧ ànəa Pɔ̂l shua la, mè me làꞋà mènəè kàbɔ̀ŋ ane tò la, tà ŋȩ̀ àwɔb, nyìꞋì àbeb ntsi ane ndǐ ti ndèb kwen zi. Me shua wɔb nê, “Bɨ lia nyɔ̂, ko à yu a ye awɨ̧. È ntsě èsaꞋa am.” E bùꞋu àfɨ̀Ꞌ yaa me ghà ne mbì, maa sà àwɨ̧ eghǎ me làꞋa èngǎ̧ Mbɔ̧ɔ̧mà abua bòt kà wu Bèjuê.

Matìù 21:43

“Ale, Yesò mè nê ‘TsiꞋ è shua wɨ̧ nê bɔɔ nɨ àdziꞋ yu Mbɔ̧ɔ̧mà ŋa abua yɨ̧ a èbem Kèfɔ̧̀ vi la eŋa abua bòt bɔɔ ghɨ̌ àghɨa Mbɔ̧ɔ̧mà nàa nkɨà la.’ ”

ÀfaꞋa 28:28

Pɔ̂l è ghɨ̀ ale, tà lìà nê, “Bɨ̀ ko nê Ntu̧ Ntsɔ̧̀ yu nàa shua ndɨ Mbɔ̧ɔ̧mà nàa tsǐ bòt a èbem kàbɔ̀ŋ wɔb la, è ghà tê ngu abua bòt kà wu Bèjuê, tè bɔ̀ɔ wu e yutè.”

Ebùlù 12:25

Bɨ̀ ko mbɨ̀Ꞌɨ̀ ka bɨ tu̧u̧ eyute wòt wu ndàꞋà la. Bòt bu bɔ li ntù̧u̧ eyute wòt wu a sitsǎꞋ tà li ndàꞋà èngǎ̧ Mbɔ̧ɔ̧mà la e li bɔ̀ ka ko ndùùlà. A wu wu anè ane bòt baà, ko bàa wu ba tu̧u̧ eyute wòt wu tà dzə a ègwet la è ka li ko elùùlà a.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

1 Tèsàlonikà 2:16

nkàà nê bɔɔ nkèla awa mbɨ̀Ꞌɨ̀ ba tsɔ̀Ꞌtè Ntu̧ Ntsɔ̧̀ Mbɔ̧ɔ̧mà yu tàa nɨa ngɨ̀à bòt e pema la abua bòt kà wu Bèjuê. Àyaa wu kàbɔ̀ŋ bɔ paà ngɨ̀ wuê mbɨ̀Ꞌɨ̀ bɔ̀ɔ ndzìà ngɨ̀à àfɨ̀Ꞌ àgème la. Ntsǒ Mbɔ̧ɔ̧mà bê nɔ̀ŋke àtsəa yɔb àfɨ̀Ꞌ yaa tè ndɔ̀Ꞌ.

ÀfaꞋa 28:8

Tǎt Publiɔ̀s wu ko nê ye wu a ègwet èku̧ ngò̧ò̧nà sɔ̧̀ɔ̧̀nà nè tèlɨ̀btsə. Pɔ̂l è ghà a èbem àtsəalob tò, ntsàꞋte a Mbɔ̧ɔ̧mà, nɔ̀ŋè èbu bi adù̧ tò, mbə atò.

ÀfaꞋa 15:7

Bɔ bù̧ù̧te a si ale, ndaꞋ ane àfɨ̀Ꞌ à seè, ka àtsə à ka wuê. Pità tseke tè ndɔ̀Ꞌ a si nê, “Bɔnyɨ bɔ̧, bɨ ko nê è li ngu te àfɨ̀Ꞌ àko Mbɔ̧ɔ̧mà e lȩ̀ am a kètsìà wɨ̧ nê è ntsɔ̀te Ntu̧ Ntsɔ̧̀ abua bòt kà wu Bèjuê mbɨ̀Ꞌɨ̀ bɔɔ zə e zì mèntɨ̧ɨ̧ mɔb ane Yesò.

Matìù 3:12

Ankì tò wu àbu atò, tàa nɨ foa ntsəè ti la. Taa foa ntsəè tu, efete nɔ̀ŋe a ète li, ka è me wu èfaa, tà maꞋa a èbem èwet kà wu li elema.”

Matìù 21:34

ÀfɨꞋa mànkaaba tètaãaãte vȩn tu a tseke te nkùꞋ, tà tsà bɔfàꞋ bi nê bɔ̀ gha ngɨ̀ bèlentà bu è ŋa evi ne èghàb ane èghɨ bɔ fùꞋù la.

Matìù 21:40

Yesò bɔ̂ mbììte awɔb nê “Tǎt mbȩ me ghɨ̀ tê nkɨ̀Ꞌɨ̂ ko tàa ghɨ̀ na nè bòt ba à?”

Lûk 20:16

“Ŋut naa kɨꞋɨ ebùŋe bɔfàꞋ bu, èbɔ ŋa èbaꞋ lu abua bɔfàꞋ tsa.” Bòt bu è zə ale nê, “Mbɔ̧ɔ̧mà ka mbɨ̧̀ɨ̧̀ne a wu ale.”