Matìù 21:10 - Mundani

¹⁰ Yesò ghà tê tà nyi a Jèlusalèm, àpfəa nɨ̧a mbɔŋ a nyìꞋnè tè bòt e tsiꞋa mbììta nê “Eyaa wu wàà?”

Matìù 21:10 Referans Kwoze

ÀfaꞋa 9:5

Tà bììte nê, “À wu wàà a Tè?” Àtɔŋ yu a nê, “E ngu Yesò wu àa nkɨà àtsəa tò enɨ la.

Lûk 9:9

Elɔ̀d nê, “E ndɨ ndò àtsəa Jɔ̌n, ale wòt waa màa ndzəèa mènəè maa tàa ngɨ̀à la wu wà à?” Mbɔ̂ shu ale, me nùa nkɨ eye a Yesò.

Lûk 7:49

Bòt bɔ̂ tò ba e wua njɨ̀a èghɨjɨ nɔ̂ la, bɔ̀ bùꞋ me lèmte nê, “Eyaa wu wàà, tàa ngwaꞋà kàbɔ̀ŋ anè la à?”

Lûk 5:21

BènyɨꞋtà mbɨ̧te Musì nè Bèfalèsiì e bùꞋ me biite nê, “Wòt waa fɨ̀Ꞌnà àvi ane Mbɔ̧ɔ̧mà la wu wàà? Wàa tsa nàa ngwàꞋa kàbɔ̀ŋ ka nè Mbɔ̧ɔ̧mà à?”

Jɔ̌n 2:18

Bɔɔjuŋ Bèjuê e ye mbììte atò nê “À nɨ̀ àtɔŋ nèŋǎ ka me ghɨ̌ èghɨ bàa à? BetsiꞋa à ghɨ̀ ka ànəa kà ye fɨ̀Ꞌ nɨŋ nyɨ̀Ꞌte nê a dzə abua Mbɔ̧ɔ̧mà à?”

Lûk 20:2

shu abua tò nê, “Shu awa àdziꞋa à nɨ̀a àtɔŋ yàa àa nɨ̀a ngɨ̀à èghɨ bàa la. Shu awa wòt tà ŋa awê àtɔŋ ngaa la.”

Matìù 2:3

Mbɨ̀Ꞌɨ̀ Elɔ̀d zə ànəê yaa la, àtsəa tò a bɨ, tà taꞋa bɔa tè bòt Jèlusalèm bàgème e mè mbɔ̀a àyɔb mɨ̧̂.

Matìù 21:9

Bòt bu nga a mbì tò la nè è bu akwèn la e bùꞋ me ŋȩa shua nê “MèngùꞋte wu abua waã Fɔ̧̀ Dàbid; TsiꞋ Mbɔ̧ɔ̧mà lɔ̀ɔ̀le a wòt wu nkɨ̀Ꞌa ane èlen tò la; MèngùꞋte wu abua Mbɔ̧ɔ̧mà wu a ègwet la.”

Matìù 21:11

Ènɔ̧̂ bòt bu e nê “Eyaa wu ndàꞋàtɔŋ Mbɔ̧ɔ̧mà wu èlen tò wu Yesò, tà dzəa Nazàlet àbâ àlaꞋ a Galìlî la.”