Matìù 20:22 - Mundani

²² Yesò bɨ̀ɨ̀lè nê “Bɔ̧ bè e bakà ko àghɨa bɔ biità la. Tè betsiꞋa bɨ nu ndɔŋ ngoꞋ yaa maà nu la à?” Bɔ nê “Baa ko nu.”

Matìù 20:22 Referans Kwoze

Lûk 22:42

“Tê, nɨ ndɔŋ ngoꞋ yaa abua am la, na à kɔ̀ŋkà la. Ka à ka ngɨ̀ àghɨa e nkɨa la, ghɨ̀ wuê àyea àa nkɨà la.”

Matìù 26:42

Tà mè nkua akwèn ngà ntsàꞋtè a Mbɔ̧ɔ̧mà nê, “Tê, à bakà wu enɨ ndɔŋ ngoꞋ yaa kà e nu yùà, a tsiꞋ a wu mbɨ̀Ꞌɨ̀ àa nkɨà la.”

Jɔ̌n 18:11

Yesò shu abua Pità nê, “Zi àlùmbà̧ ayê a èbem baꞋ zi; Tè à mɨ̀ɨ̀tè nê è nka nu ndɔŋ ngoꞋ yaa Tǎt am è ŋa abua am la à?”

Ntu̧ Ntsɔ̧̀ MAK 14:36

Tà li ntsàꞋtè nê, “Tê, betsiꞋa ànəa ko à ka tse awê. Tsǐ ndɔŋ ngoꞋ yàa ane yaã. Ka à ka ngɨ̀ mbɨ̀Ꞌɨ̀ e nkɨa la, ghɨ̀ wuê mbɨ̀Ꞌɨ̀ àa nkɨà la.”

Matìù 26:39

Tà mè nyaꞋa ngà nè mbì, nchùŋe àtsə azi a si, ntsàꞋtè a Mbɔ̧ɔ̧mà nê, “Tê, èlu̧ e wua à nɨ ndɔŋ ngoꞋ yàa àbu am la, ka à ka ngɨ̀ mbɨ̀Ꞌɨ̀ e nkɨa la, ghɨ̀ wuê mbɨ̀Ꞌɨ̀ àa nkɨà la.”

Lûm 8:26

Fo Mbɔ̧ɔ̧mà nàa ntɨ̀ŋa awa mɨ̧̂ àfɨꞋa bàa njùa la. Bàa ngɨ̀ bàà baka ko ndɨ baa wu tsàꞋte Mbɔ̧ɔ̧mà la, Fo Mbɔ̧ɔ̧mà me tɨŋe awa ndɨ̀à mènəè ma abua Mbɔ̧ɔ̧mà ngèꞋà ane èlɨ betsiꞋa wòt kà ko shu la.

Jimsì 4:3

Bɨ̀a ngɨ̀ bɨ̀ lo̧ àghɨ bɨ̀ ka bɔŋ ngu nê, mènkwàꞋte mɨ̧ bakà bɔ̀ŋ, bɨ̀a ngɨ̀ bɨ wua nkɨ nɨ e ghɨ̀ àghɨa èntɨ̧ɨ̧ wɨ̧ e kɔ̀ŋkè la.

Lûk 12:50

Maa nyi a èbem ngoꞋ mbɨ̀Ꞌɨ̀ bɔ̀ɔ ndzì wòt a èdzî la. Ànəa mbɔŋ aa ndèlà am tè a ghɨ̀ mbakà tsè, ènyit yaã è ka yaa.

Matìù 26:56

ka èghɨ bàagème e tsè ane mbɨ̀Ꞌɨ̀ e ghɨ̌ àghɨa bèndàꞋàtɔŋ Mbɔ̧ɔ̧mà e li shɨŋ a èbem Àkata tò la aa wu nkûŋ.” ÀfɨꞋa mbɔŋ bɔkatè tò bàgème e sa tò ndùùlà.

Matìù 26:35

Pità nê, “È màà ntsìꞋi wuê àyea màa pfə ba nè la, ko e nka tu̧ laꞋ nê e mbakà ko àwê a!” Bɔkatè ko bu e mè shu wuê a èlɨ mbɔŋ.