Matìù 2:1 - Mundani

¹ Bɔ li mbia Yesò a Betèlèghêm àbâ àlaꞋ a Jùdià àfɨꞋa Elɔ̀d lè wu fɔ̧̀ la. Àfɨ̀Ꞌ a me wu bòt èyì ko bɔ dzə àbâ yu nyèm nàa sàꞋa la e kɨꞋɨ̀ a Jèlusalèm.

Matìù 2:1 Referans Kwoze

Jɔ̌n 7:42

Àkata Mbɔ̧ɔ̧mà a laꞋnê Fɔ̧̀ wu Mbɔ̧ɔ̧mà li ndzɔꞋ etsàà la naa wu wòt àndǎ̧ Fɔ̧̀ Dàbid, mbɔ̂ ngua nga edzəâ a Betèlèghêm àdziꞋa Fɔ̧̀ Dàbid li ndzəè la.”

Lûk 2:11

Bɔ bi waã ètsəꞋ wàa a èbem àpfəèa Fɔ̧̀ Dàbid, è wu Mpemnà wɨ̧ la. Tà wu Klistò Lefɨ̀Ꞌ.

Matìù 2:5

Bɔ bɨ̀ɨ̀lè nê, “Àbot à wu a Betèlèghêm a èbem àlaꞋ a Jùdià, mbɨ̀Ꞌɨ̀ ndɨ ndàꞋàtɔŋ Mbɔ̧ɔ̧mà li shɨŋ la.

Matìù 1:25

Tà nɨ atò ale, ka tà kà nɔ̀ŋkè bɔ̂ tò tè tà ghɨ̀ mbì wambâ̧ wu, tà tsì èlen tò nê Yesò.

Lûk 2:15

Mbɨ̀Ꞌɨ̀ bɔntu̧ Mbɔ̧ɔ̧mà bu e kua akwèn nga a ègwet la, bèmbaabà njɨ̀ bu e me làꞋa a kètsìà wɔb shua nê, “Bɨ̀ ghɨa bà gha a Betèlèghêm ndze àghɨ yaa Tǎt wa Mbɔ̧ɔ̧mà e tuꞋu abua ya la.”

Lûk 1:5

È li ngu àfɨꞋa Elɔ̀d li ngu fɔ̧̀ àlaꞋ a Jùdià la, ntsìà mèpɨ̧̀ Mbɔ̧ɔ̧mà kǒ wuê, èlen tò wu Zàkàleyà la. Tà li ndzəa ènɔ̧̂ bèntsìà mèpɨ̧̀ Mbɔ̧ɔ̧mà bu àndǎ̧ Àbijà la. Èlen vi tò li ngû Èlisabèt, tà li dzəèà àndǎ̧ Alɔ̀n è wu àndǎ̧ bèntsìà mèpɨ̧̀ Mbɔ̧ɔ̧mà la.

Matìù 2:19

ÀfɨꞋa Elɔ̀d li mpfə la, wantu̧ Mbɔ̧ɔ̧mà kɨ̀Ꞌɨ̂ a ndzò̧ abua Jòsêb mbɨ̀Ꞌɨ̀ tà bele a Ejìb la shu abua tò nê,

Matìù 2:3

Mbɨ̀Ꞌɨ̀ Elɔ̀d zə ànəê yaa la, àtsəa tò a bɨ, tà taꞋa bɔa tè bòt Jèlusalèm bàgème e mè mbɔ̀a àyɔb mɨ̧̂.

Matìù 2:7

Elɔ̀d zə ale, ntɔ bòt èyì bu à ntsèm, mbììte awɔb ngule àfɨ̀Ꞌ yu kěnto̧ fu ke ghɨ̂ saꞋ la.

Matìù 2:16

Mbɨ̀Ꞌɨ̀ Elɔ̀d tseke te ndze nê bòt èyì bu e fɨte avi la, ànəa mbɔŋ a lu̧u̧me atò kwàꞋ ànyaꞋne. Ale, tà tsà bòt nê bɔ̀ ghǎ a Betèlèghêm nè èdziꞋ ègème a ngèt və mbùŋè bɔmbâ̧ bàgème be lu̧u̧ èngùꞋebȩ yebe la, nè ebe kà zìꞋ ndù̧ èngùꞋebȩ yebe. Tà le me shu ale, nko laꞋ nê ye kwaꞋtè ebuꞋu ane àfɨ̀Ꞌ yu bòt èyì bu e le shua vi nê bɔ ye kěnto̧ fu la.