Bib sou entènèt

Matìù 19:29 - Mundani

²⁹ Wòt ègème tà waꞋa lob ti, nè bɔnyɨ bi, (mbâ̧ nè àvi), nè tǎt vi, nè nyɨ̌ vi, nè vi vi, nè bɔ̧ bi kò tèbaꞋa ti ambo yaã la, nàa bɔ èghɨ ngaa èdziꞋ ènkɨ̀, te tsě ndɨ e li nguê la, fɔ̀ɔ̀le nè mèmpème kàlìà.

Gade chapit la Kopi

tounen moute ⬆

Matìù 19:29
25 Referans Kwoze

Filìpȩ 3:8

Ane nkûŋ, è ndem ntsě wuê ndàꞋ èbùà. Mâ ntsiꞋa ndzèa èghɨ ègème àfɨ̀Ꞌ yaa mbɨ̀Ꞌɨ̀ e te ntsě èghɨ, mbɨ̀Ꞌɨ̀ e lâ eko wòt Tǎt am Yesò Klistò wû wùà la. Àyaa a bɔ̀ tê ntsè èghɨ tsa bu ègème. Mâ sǎ èghɨ bu ègème e ndi ngua ngɨ̀à la nkaa atò. Mâ ntsiꞋa ndzèa èghɨ ngaa ègème mbɨ̀Ꞌɨ̀ tabtsə, mbɨ̀Ꞌɨ̀ è ngu e tsiꞋi wuê ba Yesò Klistò,

Lûk 14:26

“Wòt kɨꞋa abua am, tè mbakà kɔ̀ŋkè am te tsě a tǎt vi nè nyɨ̌ vi, vi vi nè bɔ̧ bi, nè bɔnyɨ bi, te ghǎ dzəâ ane zi zìambɔŋ, ko betsiꞋa ŋut wu ka kuꞋù wòt tàa wu wakatè am la.

Matìù 16:25

Wòt me baabe àtsəa zi ko taa pfə, ka wòt tà ŋà àtsəa zi ambo yaã la, naa peme.

Matìù 6:33

Ale, bɨ̀ bɨa me zə wuê mènəè kèfɔ̧̀ Mbɔ̧ɔ̧mà mè me ghɨ̀ wuê àghɨa tàa nkɨà la, ko taa ŋa èghɨ bàagème bɨ̀a nkɨ̀ŋkà la abua yɨ̧.

1 Pità 4:14

Bɔ tsɔ̧̀ɔ̧̀tè àwɨ̧ nkàà nê bɨ wu bòt Yesò Klistò, ko ntsɔ̧̀ wu bɨ̀a nkàà nê Fo Mbɔ̧ɔ̧mà yu è ghe la, wu nè nɨ̧̀.

Matìù 10:22

Bòt bàgème aa li me pààbè àwɨ̧ ambo yaã, ka wòt tà baãaã èntɨ̧ɨ̧ vi tè ngà ndìà la, wu li e peme.

Jɔ̌n 15:19

Bɨ ghɨ̀ ale ngu àghɨ yeamɔꞋ nè bòt ngɔ̀ŋ yaa, ko bòt ngɔ̀ŋ mbɔŋ aa me kɔ̀ŋkè àwɨ̧, mbɨ̀Ꞌɨ̀ bòt bɔb. Ka ndɨ̀ wu bɨ ntsě bòt ngɔ̀ŋ yaa, e mbɔ̂ ndàà àwɨ̧ ntsì a kètsìà wɔb la, bɔ tsiꞋa mpààbà àwɨ̧ pààbe.

Lûk 6:22

Ntsɔ̧̀ wu bɨ̀a wu bòt aa mpààbà àwɨ̧, ntsìà àwɨ̧ ayɔɔ, ntsɔ̧̀ɔ̧̀tà àwɨ̧, mè shua nê bɨ wu bòt kàbɔ̀ŋ, nkàà ndɨ̀ wu bɨ̀a nkùŋà Waã Wòt la.

Matìù 5:11

“Ntsɔ̧̀ wu bɨ̀a wu bòt àa ntsɔ̧̀ɔ̧̀tà wɨ̧ mè nkɨà àtsəa yɨ̧ enɨ, mè ndàꞋà tèwuute mènəè kàbɔ̀ŋ fɨte ègème àtsəa yɨ̧, ambo yaã la.

1 Kɔlìn 2:9

Mbɨ̀Ꞌɨ̀ Àkata Mbɔ̧ɔ̧mà a shu la, “Àghɨa kà èghɨ e li mè ye, Nè àghɨa kà àtû̧ a li mè zə Nè àghɨa kà èntɨ̧ɨ̧ e li mè mɨ̀ɨ̀te, Wu àghɨa Mbɔ̧ɔ̧mà taŋke abua bòt bu bɔ̀ɔ nkɔ̀ŋkà tò la.”

ÀfaꞋa 9:16

Mmɔ̌ mbɔŋ, maa nyɨꞋte atò ngoꞋ tàa ye mbɨ̀Ꞌɨ̀ e ghɨ̌ bòt àa ko am la.”

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Matìù 19:16

Wòt kǒ li nkɨ̀Ꞌɨ̂ abua Yesò nê, “NyɨꞋtà, ànəa ntsɔ̧̀a betsiꞋa e ngɨ̀ tè mbɔ̀ mèmpème kàlìà la wu ghà à?”

Matìù 13:23

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu e nyi àtsəa yɔb bɔ me ghɨ̀ àghɨa e shua la tè ntsìꞋi mbɨ̀Ꞌɨ̀ èsaãaãme wu e kɔɔle tètaã ènkɨ̀, è weko èghem yentùa nè weko èghem yetat la.

2 Kɔlìn 5:16

Ale, ebuꞋu àfɨ̀Ꞌ yaa e me ghà ne mbì, ba kà tsi ndzè àghɨa wòt wu yùà la ane ndɨ bɔbȩ àa ndzea la. Wu nkûŋ nê e ndi mbàte ngua ndzea Yesò Klistò ane èlɨ bɔbȩ àa ndzea la, ka maa kà tsi ndze a èlɨ mbɔŋ àfɨ̀Ꞌ yaa.

Matìù 25:46

“ÀfɨꞋa mbɔŋ ko bòt kàbɔ̀ŋ bu aa gha àdziꞋa kà ngoꞋ wu li elìa, èbe ntsɔ̧̀ bu e egha àdziꞋa mèmpème kàlìà.”

Matìù 13:8

Ka è weko nè èsaãaãme e kwente adù̧ ètsaꞋ ntsɔ̧̀, nkɔꞋ nkɔ̀ɔ̀le, è weko tètaã ènkɨ̀, è weko èghem yentùa, è weko èghem yetat.

3 Jɔ̌n 1:7

Ko nê, bòt baa e li me gha a lèghȩ̀ȩ̀nè wɔb ane ànəa Yesò Klistò ale, bɔ̀ ka bɨ̧ɨ̧nè enɨ àghɨa ko a dzəâ abua bòt kà wu bòt Yesò la.

Lûk 5:11

Mbɨ̀Ꞌɨ̀ bɔ tsàà ènkànuꞋ bɔb aguŋ la, bɔ sà èghɨ bɔb ègème, nkùŋè a Yesò.

Jɔ̌n 4:36

Wòt wu tàa fùꞋà la, tàà mbɔ àbȩ̀ àfàꞋ àzi, mbɔ̂ ngua fete bòt mbɨ̀Ꞌɨ̀ bɔɔ bɔ mèmpème kàlìà. Ale, wòt màndiꞋa nè wòt màfuꞋa bɔɔ fɔte ewùꞋtè àwɔb.

Swiv nou:

Lyen patwone

Piblisite

Piblisite