Matìù 19:28 - Mundani

²⁸ Yesò shu abua yɔb nê, “Ane nkûŋ, tsiꞋ è shua wɨ̧ nê, naa li ngu àfɨꞋa Waã Wòt tseke a ègwet àtɨ̧ a kèfɔ̧̀ yu Mbɔ̧ɔ̧mà tsia ane ngɔ̀ŋ fi la, bɨ̀a wu ntsɔ̀b babe bɨ̀a nkùŋe am la e tsekè a ègwet ètɨ̧ kèfɔ̧̀ èghem ntsɔ̀b bebe, e me saꞋa èndǎ̧ bòt Izəèlȩê bu èghem ntsɔ̀b bebe la.

Matìù 19:28 Referans Kwoze

Matìù 25:31

“Naa li ngu àfɨꞋa Waã Wòt kɨꞋɨ ane ènɨ̧ tǎt vi, nè bɔntu̧ Mbɔ̧ɔ̧mà bàgème la, tà tseke a ègwet àtɨ̧a Kèfɔ̧̀ Mbɔ̧ɔ̧mà.

Ètsə 20:4

E mè ndzè ètɨ̧ kèfɔ̧̀ bɔ ŋa mètàŋ abua bòt bɔ tsekte a ègwet la, bɔɔ me saꞋa mènəè. Mè ndzě èlɨ̀ŋkè bòt bu bɔ li ndòòte ètsə bɔb nkàà ndɨ bɔ̀ɔ shua nê bɔ bɨ̧ɨ̧ne ane Yesò Klistò, mè me làꞋa èngǎ̧ Mbɔ̧ɔ̧mà la. Eyaa wu bòt bu bɔ li bɔ̀ kà wuꞋtè nyà̧mɔ̀Ꞌ yu bɔ̂ wamâlem tò wu la, mè ntu̧ enɨ àlȩê tò yu a mèsi mɔb nè èbu bɔb la. Bòt mbɔŋ e li njù̧ù̧me me baãaã èlaꞋ bɔ̂ Yesò Klistò ba mbɨ̀Ꞌɨ̀ bèfɔ̧̀ ane mèngùꞋebȩ tɔsì.

Ètsə 7:4

Bɔ ghɨ̀ ale, shu am kèmpà̧ bòt bu bɔ zi èlȩê a mèsi mɔb la nê, wu bòt bètɔsì ènkɨ̀ nè èghem yekwì ntsɔ̀b bakwì. Bòt mbɔŋ e li ndzəè a èndǎ̧ bòt Izəèlȩê bu ntsɔ̀b bebe la. Bòt bètɔsì ntsɔ̀b babe bɔ zi èlȩê a mèsi mɔb la, e li ngua ndzəa a èbem àndà̧ yeamɔꞋ.

2 Pità 3:13

Ka ba wua nchɨ̀Ꞌà ègwet fi nè sitsǎꞋ fi yu Mbɔ̧ɔ̧mà kàꞋà la, è wù àdziꞋa waa waa nàa tsiꞋa ntsèka ngɨ̀à wuê àghɨa Mbɔ̧ɔ̧mà nàa nkɨà la.

Matìù 16:27

Waã Wòt naa li kɨꞋɨ bɔ̂ bɔntu̧ bi ane ènɨ̧ tǎt vi, etsɔꞋɔ wòt ègème ane àghɨa tà ghɨ̀ la.

Ètsə 21:5

Wòt wu tà tseke a gwet àtɨ̧a kèfɔ̧̀ yu la nê, “Bɨ̀ ye, maa ghɨ̌ èghɨ ègème aa tsiꞋi be fi.” Tà mè shu abua am nê, “Shɨ àghɨ yaa, nkàà nê mèngà̧ maa wu mèngǎ̧ nkûŋ, è kùꞋu me wòt nàa bɨ̧ɨ̧ne la.”

Ètsə 4:4

Ètɨ̧ kèfɔ̧̀ ko èghem yebe ntsɔ̀b bekwì e ghaalè àtɨ̧a mbɔŋ. Bɔɔjuŋ ko èghem yebe ntsɔ̀b bekwì e tseke a ègwet ètɨ̧ bu, nkwaãaã ndìte kèfə, mè nkaãaã ntà̧ kèfɔ̧̀ bɔ nɨa goêl ngɨ̀ la.

Ètsə 3:21

“ ‘Wòt kuule èntɨ̧ɨ̧ vi nù tè ntsèà ko maa li ghɨ tàa tseke a ègwet àtɨ̧a kèfɔ̧̀ am ba tò, wuê mbɨ̀Ꞌɨ̀ e ndi kuule èntɨ̧ɨ̧ am nù tè ntsè, Tǎt am ghɨ̀ e ntsèke ba tò a ègwet àtɨ̧a kèfɔ̧̀ tò la.

2 Tɔ̀màtià 2:12

Nkùùla mèntɨ̧ɨ̧ ma, ko ba tò ba aa li me baãaã mènəè mbɨ̀Ꞌɨ̀ bèfɔ̧̀ mɨ̧̂. Ba tu̧u̧ atò, ko taa tu̧ awa mɨ̧̂.

ÀfaꞋa 3:21

Tà bɔ̂ ndɨ tàa tseke ègwet tè Mbɔ̧ɔ̧mà naa gheble èghɨ ègème aa tsiꞋi be fi mbɨ̀Ꞌɨ̀ tà li ngɨ̀ ngule bèndàꞋàtɔŋ tò be làꞋ, tê àfɨꞋa mbì la.

Matìù 20:21

Yesò bììte nê “À kɨa nê è ngɨ̀ ghàà?” Tà bɨ̀ɨ̀lè nê “Bɨ̧ɨ̧ne nê yea ghɨ̌ bɔbɔ̧ baa babe la aa li tseke bɨ tò ba a èbem kèfɔ̧̀ wê wekǒ àbâ àbualu̧ a yê nè wekǒ àbâ àbuantoŋ ayê.”

Ètsə 22:2

me chua ntsèà a kètsìà èlu̧ wu a èbem àpfəèà nɨ̧ yu la. Àyɨt yu àa ŋa mèmpème la, a tɨ̧ɨ̧ àbâ èdzî mbɔŋ bebe, me kɔɔle tètaãaãtsə tsa tsa ane èŋu ègème ane èngùꞋebȩ. TèfəꞋte àyɨt a mbɔŋ wu èghɨbə àa mbəa bòt èlaꞋ ègème la.

Ètsə 12:1

Àghɨa ko à ghe la a pùùlà a ègwelebuule. Àvi kǒ wu abot, àtaãnyèm a buule atò, tà tɨ̧ɨ̧ a ègwet èŋu, kwaãaã ntà̧ kèfɔ̧̀ bɔ ghɨ ane těnto̧tsə ntsɔ̀b tebe la.

Matìù 6:33

Ale, bɨ̀ bɨa me zə wuê mènəè kèfɔ̧̀ Mbɔ̧ɔ̧mà mè me ghɨ̀ wuê àghɨa tàa nkɨà la, ko taa ŋa èghɨ bàagème bɨ̀a nkɨ̀ŋkà la abua yɨ̧.

Matìù 8:20

Yesò shu abua tò nê, “Ètsɔ̀b e bɔ tègwòŋ tɔb, banɨ̧̀ bèa ndèa a ègwet la e bɔ tèjî tɔb, ka Waã Wòt kà bɔ àdziꞋa tàa nɔ̀ŋè àtsəa zi eyètè la.”

Matìù 19:27

Pità bɨ̀ɨ̀le nê, “Ye ndɨ baa sa èghɨ ègème nkùŋe awê la. Àbȩ̀ aya nàa li wu ghàà?”

Ntu̧ Ntsɔ̧̀ MAK 10:37

Bɔ nê, “Aa li à tseke a ègwet àtɨ̧ Kèfɔ̧̀ a èbem ndaŋe Kèfɔ̧̀ wê, à ghɨ̀ ba tseke a ngèt yê. Wòt wemɔ̀Ꞌ àbâ àbualu̧ ayê, nè wekǒ àbâ àbuantoŋ ayê.”

Ètsə 11:16

Bɔɔjuŋ bu èghem yebe ntsɔ̀b bakwì bɔ tsektè a ègwet ètɨ̧ kèfɔ̧̀ bɔb a mbì Mbɔ̧ɔ̧mà la e bɔ̀tè a si, nchuŋe ètsə bɔb a si, ngùꞋtè a Mbɔ̧ɔ̧mà.

Ètsə 22:5

Ndzěm ka li tsi wua, bòt è ka wu li tsi e me kɨ mèkàꞋà kò nyèm leꞋ, nkàà nê Mbɔ̧ɔ̧mà Lefɨ̀Ꞌ naa li wu èkaꞋà wɔb, bɔ mè ngu li e me baãaã ngɔ̀ŋ ane àlia nè àlia.