Bib sou entènèt

Matìù 19:21 - Mundani

²¹ Yesò shu abua tò nê, “À lâ me kɨ kùꞋu a mbì Mbɔ̧ɔ̧mà, à ghà fɨ̧̀ɨ̧̀nè èghɨ bê ègème, ŋà èkab èghɨ mbɔŋ abua bòt mbuŋ, mbɔ̂ nkɨ̀Ꞌɨ̂ nkùŋè am, ko aa li jandèlè a ègwet.”

Gade chapit la Kopi

tounen moute ⬆

Matìù 19:21
31 Referans Kwoze

Ntu̧ Ntsɔ̧̀ MAK 10:21

Yesò tsìte àghɨ azi ane tò ane èkɔŋ, mbɔ̂ shu abua tò nê, “È tsiꞋi àghɨ yeamɔꞋ àa ghɨ̀ la. Ghǎ fɨ̧̀ɨ̧̀nè èghɨ bê ègème, ŋà èkab èghɨ mbɔŋ abua bòt mbuŋ, ko aa li jandèlè a ègwet. À ghɨ̀ ale, à kɨ̀Ꞌɨ̂ nkùŋè am.”

Lûk 18:22

Yesò zə ayaa ale, shu abua tò nê, “À bela mbùa àghɨ yeamɔꞋ àa ghɨ̌ la. Ghǎ fɨ̧̀ɨ̧̀nè èghɨ bê ègème, ŋà èkab èghɨ mbɔŋ abua bòt mbuŋ, mbɔ̂ nkɨ̀Ꞌɨ̂ nkùŋè am, ko aa li jandèlè a ègwet.”

Lûk 12:33

Bɨ̀ fɨ̧̀ɨ̧̀ne èghɨ bɨ̧ ègème, ngàbtè èkab abua bòt mbuŋ. Bɨ̀ kɨ ntaꞋte kà wu lène, mpàŋe èghɨ èkab bɨ̧ a èbèm, nɔ̀ŋè a ègwet, è wù àdziꞋa kà èghɨ mbɔŋ e wu li lɔ̀Ꞌɔ emǐ, tsɔŋ ka wu li elɔ̀Ꞌɔ etsě a ngèt, èsoꞋo è ka meè ngu lɔ̀Ꞌɔ àlia ekwele la.

Lûk 14:33

Yesò me lìa nê, “Wu wuê a èlɨ mbɔŋ betsiꞋa wòt ane yɨ̧ ka kuꞋù wòt tàa wu wakatè am la kà bɨ lèène àghɨ àgème tà bɔ la.”

ÀfaꞋa 2:45

Wòt wɔb nàa ngɨ̀ tà me kɨ̀ŋke àghɨ, èbeko nè bòt e fɨ̧̀ɨ̧̀nè èghɨ bɔb, ngàbtè èkab wu abua bèŋût.

Jɔ̌n 12:26

Wòt me kɨ ewu wafàꞋ am, tà bɔ̌ ndɨ tàa me kùŋè am la mbɨ̀Ꞌɨ̀ àdziꞋa màa və la, ŋut wu àzi abot mɨ̧̂. Wòt me fàꞋa abua am ko Tǎt am naa me ŋa kènuke abua tò.”

Lûk 9:23

Tà shu abua yɔb bàgème nê, “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi àlia àgème nkùŋè am.

Jɔ̌n 10:27

Njɨ̀ taã teà ndzəa ànəa màa shua la, e mè ndâ nko awɔb, te mè me kùŋè am.

Matìù 5:48

È wu ale, mènəè mɨ̧ bɔ ndɨ nàa nèète tɨ̧ɨ̧ ndɨŋndɨ̀ŋ mbɨ̀Ꞌɨ̀ tǎt wɨ̧ a ègwet nàa ndɨŋndɨ̀ŋ la.

Lûk 16:9

Yesò mè nê tsiꞋ è shu awɨ̧, bɨ̀ nɨ èghɨ ngɔ̀ŋ ngɨ̀ bèshu̧ mbɨ̀Ꞌɨ̀ è baka tsi ngu, ateko bɔ sèè àwɨ̧ adzìꞋa kà wòt wu li tsi epfə.

Matìù 19:28

Yesò shu abua yɔb nê, “Ane nkûŋ, tsiꞋ è shua wɨ̧ nê, naa li ngu àfɨꞋa Waã Wòt tseke a ègwet àtɨ̧ a kèfɔ̧̀ yu Mbɔ̧ɔ̧mà tsia ane ngɔ̀ŋ fi la, bɨ̀a wu ntsɔ̀b babe bɨ̀a nkùŋe am la e tsekè a ègwet ètɨ̧ kèfɔ̧̀ èghem ntsɔ̀b bebe, e me saꞋa èndǎ̧ bòt Izəèlȩê bu èghem ntsɔ̀b bebe la.

Matìù 16:24

ÀfɨꞋa mbɔŋ Yesò shu abua bɔkatè bi nê “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am.

Lûk 6:40

Wakatè bakà tsea nyɨꞋtà vi, ka àfɨꞋa tà paa àkatè azi la, tà tsìꞋi mbɨ̀Ꞌɨ̀ nyɨꞋtà vi wu mɨ̧̂.

Lûk 5:27

Mbɨ̀Ꞌɨ̀ Yesò paa la, tà dzəè a èbem àpfəè və ngà ndze wòt mànɨa èkab taksì kǒ èlen tò wu Levì la, tà tsekè àdzìꞋa àfàꞋ àzi la, shu abua tò nê, “KɨꞋɨ nkùŋè am.”

Ntu̧ Ntsɔ̧̀ MAK 8:34

Tà ghɨ̀ ale, tà tɔ ènɔ̧̂ bòt bu nè bɔkatè bi shu abua yɔb nê, “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am.

Matìù 9:9

Yesò lɔ̀Ꞌɔ̀ abot tà me ghà nembì, tà ye wòt mànɨa èkab taksì kǒ èlen tò wu Màtìù la àdzìꞋa àfàꞋ àzi. Yesò shu abua tò nê, “KɨꞋɨ nkùŋè am.” Tà bê ndɔ̀Ꞌ a si nkùŋè atò.

Ebùlù 10:34

Bɨ li ndzě ngoꞋ nè bòt bu bɔ zì àwɔb a tèfȩ la, bɔ mè fà èghɨ bɨ̧ ègème, ka àyea ngaa à ka ye awɨ̧, bɨ me wùꞋtè wuê awɨ̧ nkàà nê, bɨ li nko nê bɨ bela mbɔ̌ ngule èghɨ ntsɔ̧̀ bu Mbɔ̧ɔ̧mà li nkàꞋ la, è wù èghɨ àa tèꞋa ane àlia nè àlia la.

Ntu̧ Ntsɔ̧̀ MAK 2:14

MbɨꞋɨ tàa ngȩ̀ȩ̀tà la, tà yèa nɨà èkab taksì kǒ èlen to wu Levì, waã Alfeɔ̀ tà tsekè àdzìꞋa àfàꞋ àzi la. Yesò shu abua tò nê, “KɨꞋɨ nkùŋè am.” Levì lɔ̀Ꞌɔ a si nkùŋè atò.

Matìù 8:22

Yesò shu abua tò nê, “KɨꞋɨ nkùŋè am, tsiꞋ èpfəꞋte bòt è tu bèmpfəà bɔb.”

Matìù 4:19

Tà shu abua yɔb nê, “Bɨ̀ nkùŋè am. Maa ghɨ̌ bɨ̀a tsiꞋi me kɨ bɔbȩ nɨa nkɨ̀Ꞌa abua am.”

Matìù 19:20

Wakèsà wu bɨ̀ɨ̀lè nê “Mâ nɔ̀ŋe mbɨ̧ tàa à shua la tègème, kò àghɨa ko a belè à?”

Matìù 19:22

Mbɨ̀Ꞌɨ̀ wakèsà wu zə ànəê yaa la, tà lɔ̀Ꞌɔ me ghǎ ane tèsȩ, nkàà nê tà li ntaꞋa bɔ èghɨ nyaŋ.

Swiv nou:

Lyen patwone

Piblisite

Piblisite