Matìù 19:11 - Mundani

¹¹ Ka Yesò shuê abua yɔb nê “È nka laꞋà èngà̧ waa abua wàa, wàa; e ndàꞋa wuê abua bòt bu Mbɔ̧ɔ̧mà ghɨ bɔ bɨ̧ɨ̧ne èngǎ̧ mbɔŋ la.

Matìù 19:11 Referans Kwoze

1 Kɔlìn 7:17

Mbɨ̀Ꞌɨ̀ àa la, waa waa me ghɨ̀ wuê àghɨa Mbɔ̧ɔ̧mà li ŋǎ abua tò la, mè me tseke wuê mbɨ̀Ꞌɨ̀ tà li ngu ka Mbɔ̧ɔ̧mà naa tɔ atò ane wòt vi la. Eyaa wu àghɨa màa nyɨ̀Ꞌta bèchɔsì a èdzìꞋ ègème la.

1 Kɔlìn 7:35

E ndàꞋà mènəè maa nkɨ tɨŋe awɨ̧, è nka kɨ e tsia mantsàꞋ nê mbɨ̀Ꞌɨ̀ bɨ yɔꞋ. Ka e ngua nkɨà bɨa me tseke ane èlɨ àa mbɔ̀ la, mbɨ̀Ꞌɨ̀ bɨa me faꞋa abua Tè Yesò kà ye àghɨa ko àa kele awɨ̧ la.

1 Kɔlìn 7:2

Ka enɨ kele mbɨ̀Ꞌɨ̀ bòt e me paꞋte àbɨ̧, mbâ̧ ègème bɔ vi vi, àvi ègème mě mbɔ̀ lu̧ vi.

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

Matìù 19:10

ÀfɨꞋa mbɔŋ, bɔkatè Yesò e shuê abua tò nê, “A wu ewu anè a kètsìà mbâ̧ bɔ̂ vi vi, ko a bɔ̂ŋ nê wòt tseke avi kà lem ndzɔꞋ.”

Matìù 19:12

Ane bòt bu kà yɔꞋ la èbeko àa ngɨ̀ bɔ me lɔ̀Ꞌɔ a si bɔ̀ ka bɔ ntɨ̀ a màndzɔꞋɔ, èbeko e me bakà yɔꞋ è ghɨ̀à bɔbȩ, ka nê èbe bɔ gha ambo kèfɔ̧̀ Mbɔ̧ɔ̧mà ntû̧ eyɔꞋɔ la. Wòt tàa ko ebɨ̧ɨ̧ne èngà̧ waa la tà bɨ̧ɨ̧ne.”