Matìù 19:10 - Mundani

¹⁰ ÀfɨꞋa mbɔŋ, bɔkatè Yesò e shuê abua tò nê, “A wu ewu anè a kètsìà mbâ̧ bɔ̂ vi vi, ko a bɔ̂ŋ nê wòt tseke avi kà lem ndzɔꞋ.”

Matìù 19:10 Referans Kwoze

1 Tɔ̀màtià 4:3

Èwuu bòt ngaa aà nyɨ̀Ꞌta bòt nê, bɔ̀ ka me yɔꞋɔ bèzi, mè nê bɔ̀ me shɨ̀kè èghɨjɨ ko. Ka ba ko nê, Mbɔ̧ɔ̧mà li ngɨ̀ èghɨjɨ abua bòt bu bɔ zì mèntɨ̧ɨ̧ mɔb ane zi, mè nko mènəè mi mu è wû nkûŋ la, nê bɔ̀ jɨ ŋǎ mènkɔ̀ŋke abua zi.

1 Kɔlìn 7:8

È me wu bòt kà yɔꞋ nè bènempfə, ko mâ shu nê aà mbɔ̀ bɔɔ tseke ka yɔꞋ mbɨ̀Ꞌɨ̀ mmɔ̌ mbɔŋ.

Matìù 19:9

TsiꞋ è shua wɨ̧ nê, wòt tà tu̧ vi vi ane ànəa ko tsa, kà wu laꞋ nê, àvi wu nɔ̀ŋkè bɔ̂ wòt tsa, ngà ndzɔ̀Ꞌɔ àvi kǒ tsa la, ŋut ko nê ye wua njɨ̀a àbȩ.”

Matìù 19:11

Ka Yesò shuê abua yɔb nê “È nka laꞋà èngà̧ waa abua wàa, wàa; e ndàꞋa wuê abua bòt bu Mbɔ̧ɔ̧mà ghɨ bɔ bɨ̧ɨ̧ne èngǎ̧ mbɔŋ la.