Matìù 18:35 - Mundani

³⁵ “Yesò ghɨ̀ ale, ndìà nê, eyaa wu èlɨ Tǎt am a ègwet nàa ghɨ̌ ane wòt ègème ane yɨ̧, na tà bakà waꞋa a kàbɔ̀ŋ wanyɨ vi nè èntɨ̧ɨ̧ vi ègème la.”

Matìù 18:35 Referans Kwoze

Jimsì 2:13

Aa ale nkàà nê, Mbɔ̧ɔ̧mà naa li saꞋa bòt bu bɔ̀ɔ ka ku tèsȩ la kà ku tèsȩ. Ka bòt bu bɔ̀ɔ nkua tèsȩ la e bakà tsi mbɔ̌ ndɨ bɔ̀ɔ mèe me bɔɔ èsaꞋa Mbɔ̧ɔ̧mà la.

Ntu̧ Ntsɔ̧̀ MAK 11:25

À tɨ̧ me tsàꞋte a Mbɔ̧ɔ̧mà, à waꞋa kàbɔ̀ŋ bòt e ghɨ ane yê la, mbɨ̀Ꞌɨ̀ Tǎt wè wu a ègwet la naa waꞋa kàbɔ̀ŋ wê mɨ̧̂. [

Matìù 6:12

WaꞋa èfaãnəè ba mbɨ̀Ꞌɨ̀ bàambɔŋ e waꞋa èfaãnəè bɔnyɨ ba la.

Lûk 16:15

Yesò shu abua yɔb nê, “Wu bɨ̀a bɨ̀a ŋèꞋa wɨ̧ a ègwet a mbì bòt nê mènəè mɨ̧ tɨ̧ɨ̧ ndɨŋndɨ̀ŋ la, ka Mbɔ̧ɔ̧mà bɔ̂ ko mèntɨ̧ɨ̧ mɨ̧. Bɨ̀ ko nê àghɨa bòt àa nɨ̀a nê wu taꞋa àghɨ la, a bakà kùꞋ àghɨ a mbì Mbɔ̧ɔ̧mà.

Ètsə 2:23

Maa liime bòt bu bɔ̀ɔ nkuŋa tò la. Àyaa aa ghɨ̌ bèchɔsì bu bàgème aa ko nê mâ ko mèmɨ̀ɨ̀te bòt bàgème nè àghɨa àa mèntɨ̧ɨ̧ mɔb la. Maa ŋa waa waa àghɨa a kùꞋù ane àfàꞋ tàa ngɨ̀à la.

Jimsì 3:14

Ka wòt me ghòꞋne bòt a èntɨ̧ɨ̧ vi nyaŋ mè nge ane èghoꞋ, tà ka me ŋeꞋe tèkwȩ ti ègwet ndàꞋà àfɨte ane ànəa è wû nkûŋ la.

Jimsì 4:8

Bɨ̀ tente awɨ̧ nga a mbɨ̧̀ Mbɔ̧ɔ̧mà, ko taa səèꞋtè àvi kɨꞋɨ a mbɨ̧̀ yɨ̧. Bɨ̀a bòt mènəè kàbɔ̀ŋ, bɨ̀ tsì èbu bɨ̧ a èbem mènəè kàbɔ̀ŋ. Bɨ̀a bòt èntɨ̧ɨ̧ tebe è shùù mèntɨ̧ɨ̧ mɨ̧.

Matìù 18:34

Fɔ̧̀ wu ghɨ̀ ale, mbê nɨ ntsǒtsə ntsà atò nê bɔ ghǎ maꞋa tò a lob tèfȩ tè tà ghɨa tà tsə njû yu ka tà bɔ̂ ndzəè.

Ntu̧ Ntsɔ̧̀ MAK 11:26

Ka à bakà waꞋa kàbɔ̀ŋ bòt, ko Tǎt wè wu a ègwet la ka waꞋa kàbɔ̀ŋ wê à.]”