Matìù 16:24 - Mundani

²⁴ ÀfɨꞋa mbɔŋ Yesò shu abua bɔkatè bi nê “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am.

Matìù 16:24 Referans Kwoze

Matìù 10:38

Wòt bakà bɨ̧̀ɨ̧̀ne eŋeꞋe mbasa vi ekùŋè am, tà kà kuꞋu ewe tàa wu wɔ̧ la.

Lûk 14:27

Wòt bakà bɨ̧̀ɨ̧̀ne eŋeꞋe mbasa vi ekùŋè am tà kà kuꞋ èwe tàa wu wakatè am la.

Ntu̧ Ntsɔ̧̀ MAK 10:21

Yesò tsìte àghɨ azi ane tò ane èkɔŋ, mbɔ̂ shu abua tò nê, “È tsiꞋi àghɨ yeamɔꞋ àa ghɨ̀ la. Ghǎ fɨ̧̀ɨ̧̀nè èghɨ bê ègème, ŋà èkab èghɨ mbɔŋ abua bòt mbuŋ, ko aa li jandèlè a ègwet. À ghɨ̀ ale, à kɨ̀Ꞌɨ̂ nkùŋè am.”

2 Tɔ̀màtià 3:12

Wu nkûŋ nê bòt bu bɔ̀ɔ nkɨ me tseke mbɨ̀Ꞌɨ̀ bòt Mbɔ̧ɔ̧mà ndɨ̀ wu bɔ̂ Yesò Klistò ba è tsiꞋi àghɨ yeamɔꞋ la, aa ye ngoꞋ a tèkitebu bòt ko.

Ntu̧ Ntsɔ̧̀ MAK 8:34

Tà ghɨ̀ ale, tà tɔ ènɔ̧̂ bòt bu nè bɔkatè bi shu abua yɔb nê, “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am.

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

Jɔ̌n 19:17

Tà ŋèꞋe mbasa vi ngà àbȩ, adzìꞋ yu bɔ̀ɔ ntɔ nê àdziꞋa àghele àtsə la. Èlen àdziꞋa mbɔŋ ane ndɨ̧ Ebùlù li ngu Golgotà.

1 Tèsàlonikà 3:3

Ba li ngua ngɨ̀à ale mbɨ̀Ꞌɨ̀ ngoꞋ tu bòt e ghɨ̂ bɨ ye la te ghɨ̀ wòt kǒ ane yɨ̧ tsì èntɨ̧ɨ̧ vi ane Yesò. Bɨ̀a mbɔŋ bɨ ko nê èwuu ngoꞋ tàa wu àbəꞋa èghɨ e bɔ ndɨ àa ye awa bàa bòt Mbɔ̧ɔ̧mà la.

Matìù 27:32

Mbɨ̀Ꞌɨ̀ bɔ lɔꞋ me ghà la, bɔ ye wòt Silenè kǒ èlen tò wu Simùn la, mbà̧à̧ atò tà ŋèꞋe mbasa Yesò.

Ntu̧ Ntsɔ̧̀ MAK 15:21

Bɔ li ndzèa Simùn wòt Silenè, tǎt Àlèkzandà bɔ̂ Lufùs alu̧ tà dzəa àbâ àlaꞋ àko me kɨꞋɨ àpfəèà nɨ̧ la. Bèshujà bu e baãaã atò, ŋɨ̀Ꞌa tò tà ŋèꞋe mbasa Yesò.

Lûk 23:26

Mbɨ̀Ꞌɨ̀ bɔ lɔꞋɔ nɨa tò me ghà la, bɔ ye wòt Silenè kǒ èlen tò wu Simùn la alu̧ tà dzəa àbâ àlaꞋ a ko me kɨꞋɨ àpfəèà nɨ̧ la, mbà̧à̧ atò tà ŋèꞋe mbasa Yesò me kùŋe atò.

Jɔ̌n 21:19

(Yesò nàà ndàꞋà anè ale, ngua shua èwuu èvə Pità nàa pfə lùà enɨ nyɨꞋte ènɨ̧ Mbɔ̧ɔ̧mà la.) Yesò ghɨ̀ ale, mbɔ̂ shu abua tò nê, “Kùŋe am.”

Jɔ̌n 21:22

Yesò bɨ̀ɨ̀lè nê, “E nkɔ̀ŋkè nê, tà tseke yû̧ tè e ndi nkɨ̀Ꞌɨ̂, àyê adù̧ wu ghà à? Kùŋè am.”

1 Pità 2:21

Mbɔ̧ɔ̧mà li ntɔ awɨ̧ nê mènəè maa ye awɨ̧, mbɨ̀Ꞌɨ̀ è li ndzea Yesò Klistò la. Tòà zìambɔŋ li ndzě ngoꞋ ane yɨ̧ nɨŋ nyɨ̀Ꞌte nê bɨ̀ me ghɨ̀ mbɨꞋɨ̀ ye li ngɨ̀ la.