Matìù 16:19 - Mundani

¹⁹ Maa ŋa nkȩte kèfɔ̧̀ Mbɔ̧ɔ̧mà abua yê. À tsia ànəê a sitsǎꞋ, ko bɔɔ tsia ayùà a ègwet, ntsɔꞋɔ ànəê a sitsǎꞋ, ko bɔɔ tsɔ̀Ꞌɔ ayùà a ègwet mɨ̧̂.”

Matìù 16:19 Referans Kwoze

Matìù 18:18

“Ane nkûŋ, tsiꞋ è shua wɨ̧ nê bɨ tsia ànəê a sitsǎꞋ ko bɔɔ tsia yùà a ègwet, ntsɔ̀Ꞌɔ ànəê a sitsǎꞋ ko bɔɔ tsɔꞋɔ yùà a ègwet mɨ̧̂.

Ètsə 1:18

mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.

Ètsə 3:7

“ ‘Shɨa àkatè abua wantu̧ Mbɔ̧ɔ̧mà wu tàa ndȩa a chɔsì wu a Fìlàdefìà la nê: ‘Eyaa wu mèngǎ̧ Ngule Waã Mbɔ̧ɔ̧mà, tà mèe ngu wòt nkûŋ la. Nkȩte fɔ̧̀ Dàbid te wu abua tò. Tàa ngɨ̀ tà kȩ ètsələèꞋ, wòt kà ko ntsɔꞋ; tà ntsɔꞋ ètsələèꞋ, wòt kà ko nkȩ̀.

Jɔ̌n 20:23

Bɨ waꞋa a kàbɔ̀ŋ wòt, ko Mbɔ̧ɔ̧mà naa waꞋa mɨ̧̂, mbə bɨ̀ baka waꞋ, Mbɔ̧ɔ̧mà kà waꞋ.

Ètsə 11:6

Bɔ bɔ mètàŋ e kele mbɨ̀ŋ a ègwelebuule, tè naa baka chu ane èli bu bɔ̀ɔ ndàꞋà èngǎ̧ Mbɔ̧ɔ̧mà la. Bɔ mè mbɔ̀ mètàŋ ndɨ betsiꞋa bɔ gheble mèleb è tsìꞋi àlo̧ la, mè mbɔ̀ mètàŋ a màntsaa ngoꞋtsə tsa tsa a sitsǎꞋ, mbɨ̀Ꞌɨ̀ bɔ kɔ̀ŋkè la.

2 Kɔlìn 2:10

Bɨ waꞋa kàbɔ̀ŋ wòt ko maa waꞋa wùà mɨ̧̂. È wu nê mâ lèènè kàbɔ̀ŋ wòt, ko e ngɨ̀à a mbì Yesò Klistò, nkàà àwɨ̧.

Ètsə 9:1

We batà̧â̧ ane bɔntu̧ Mbɔ̧ɔ̧mà bu tɔ è li ne èsɔndɨk, e ndze kěnto̧ ko ke lɔ̀Ꞌɔ a ègwet nkwen a sitsǎꞋ. Bɔ ŋa nkȩ̀ȩ̀te ètsələèꞋ èbɨ kà ye ndìa abua tò.

1 Tèsàlonikà 4:8

È wu ale, wòt tù̧a èngà̧ waa ba nyɨꞋtà la, tà ko nê ye tu̧a Mbɔ̧ɔ̧mà wu tà ŋa Fo Kèfə abua yɨ̧ la, tà kà ntu̧a wɔ̀bȩ̂.

ÀfaꞋa 15:7

Bɔ bù̧ù̧te a si ale, ndaꞋ ane àfɨ̀Ꞌ à seè, ka àtsə à ka wuê. Pità tseke tè ndɔ̀Ꞌ a si nê, “Bɔnyɨ bɔ̧, bɨ ko nê è li ngu te àfɨ̀Ꞌ àko Mbɔ̧ɔ̧mà e lȩ̀ am a kètsìà wɨ̧ nê è ntsɔ̀te Ntu̧ Ntsɔ̧̀ abua bòt kà wu Bèjuê mbɨ̀Ꞌɨ̀ bɔɔ zə e zì mèntɨ̧ɨ̧ mɔb ane Yesò.