Matìù 16:16 - Mundani

¹⁶ Simùn Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la, Waã Mbɔ̧ɔ̧mà yû̧.”

Matìù 16:16 Referans Kwoze

Matìù 14:33

bòt bu a èbem ànkànuꞋ yu la e wùꞋte atò me shu nê, “Ane nkûŋ, à wu Waã Mbɔ̧ɔ̧mà.”

Jɔ̌n 11:27

Tà bɨ̀ɨ̀lè nê, “Oò Tè, mâ bɨ̧ɨ̧ne, nê à wu Waã Mbɔ̧ɔ̧mà, à wu Fɔ̧̀ wu tà li ndzɔꞋ etsàà la, ye wu tà bɔ ndɨ tàa kɨꞋa sitsǎꞋ la.”

1 Jɔ̌n 4:15

Waa waa tà bɨ̧ɨ̧nè mè me shu ane ètsəê vi nê, Yesò wu Waã Mbɔ̧ɔ̧mà la, ko nê Mbɔ̧ɔ̧mà tsiꞋi àghɨ yeamɔꞋ bɔ̂ tò, tà mè ntsìꞋi àghɨ yeamɔꞋ bɔ̂ Mbɔ̧ɔ̧mà mɨ̧̂.

Matìù 27:54

Mbɨ̀Ꞌɨ̀ tǎt bèshujà bu, nè bèshujà bu be li ngu bɔ̂ tò ba mbààba Yesò la, e ye ndɨ sitsǎꞋ nyìꞋnè la, nè àghɨa a ghɨ̀ la, bɔ taꞋa bɔa tè nê, “Ane nkûŋ, mbê waa li ngu Waã Mbɔ̧ɔ̧mà.”

1 Tɔ̀màtià 4:10

Eyaa wu àghɨ a ghɨ̀ ba me nyɔ̀Ꞌta fàꞋà nyaŋ nkàà nê ba zǐ ntɨ̀ ya ane Mbɔ̧ɔ̧mà wu tà wu eyû̧ la. Tà wu Mpemnà wɔ̀bȩ̂ ègème, mbɔ̂ mèmpème mbɔŋ wu abua bòt bu bɔ zì mèntɨ̧ɨ̧ mɔb ane Yesò la.

ÀfaꞋa 9:20

Tà li ndɔ̀Ꞌɔ abot mbê ngà nè lob Mbɔ̧ɔ̧mà Bèjuê mbùꞋ me làꞋà mènəè Yesò, shua nê, “Tà wu Waã Mbɔ̧ɔ̧mà.”

1 Tèsàlonikà 1:9

Bòt ngaa bàgème aà ndàꞋà ndɨ bɨ li mbà̧à̧ àwa àfɨ̀Ꞌ yu ba li nkɨ̀Ꞌɨ̂ emù àwɨ̧ la, mè shua ndɨ bɨ sà bènàmbəa bɨ̧, tè ntsìꞋa ntsàꞋtà wuê ngule Mbɔ̧ɔ̧mà yû̧ la.

Matìù 26:63

Ka Yesò kà lâꞋ. Àtsəa bèntsìà mèpɨ̧̀ yu a shu abua tò nê, “Zi nkà̧ ane èlen Mbɔ̧ɔ̧mà yû̧. À wu Fɔ̧̀ wu Mbɔ̧ɔ̧mà yɔꞋ ntsà, tà wù Waã Mbɔ̧ɔ̧mà la, à shu awa.”

1 Jɔ̌n 5:5

Wòt betsiꞋa tà tsè ngɔ̀ŋ yaa la wu ndàꞋà wòt tà bɨ̧ɨ̧nè nê Yesò wu Waã Mbɔ̧ɔ̧mà la.

Ebùlù 10:31

Wu ànəa àwèntè abua wòt taa kwene a tèkitebu Mbɔ̧ɔ̧mà yu̧.

Lûm 1:4

Enɨ nyɨꞋte nê tà wu Waã Mbɔ̧ɔ̧mà, Mbɔ̧ɔ̧mà nɨ mètàŋ mi è ghe la, njù̧ù̧me atò a èbem èvə. Waã tò mbɔŋ wu Tǎt wa Yesò Klistò.

Ntu̧ Ntsɔ̧̀ MAK 14:61

Yesò kà laꞋ. Àtsəa bèntsìà mèpɨ̧̀ yu a mè mbììte atò nê, “À wu Fɔ̧̀ wu Mbɔ̧ɔ̧mà li ndzɔꞋ etsàà, tà wu Waã Mbɔ̧ɔ̧mà wu bàa ngùꞋtà la à?”

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

Jɔ̌n 1:49

Nàtanìà nê, “NyɨꞋtà, à wu Waã Mbɔ̧ɔ̧mà! À wu Fɔ̧̀ bòt Izəèlȩê!”

Ebùlù 12:22

Ka bɨ kɨꞋɨ tê ntsìꞋi a mbɨ̧̀ èbȩ lu bɔ̀ɔ ntɔ nê Zayɔ̀n la, è wu àpfəèà nɨ̧ a Mbɔ̧ɔ̧mà yû̧ la. Eyaa wu Jèlusalèm wu a ègwet, nè bɔntu̧ Mbɔ̧ɔ̧mà bu kà pà̧ bɔ bù̧ù̧te ane mèngùꞋte la.

1 Tɔ̀màtià 3:15

Ka e mbakà yàŋè nkɨ̀Ꞌɨ̂, ko letà waa naa nyɨꞋte awɨ̧ ndɨ bàa bòt àndǎ̧ Mbɔ̧ɔ̧mà e bɔ ndɨ bàa me ghɨ̀ mènəè ma la. Eyaa wu àndǎ̧ bòt chɔsì Mbɔ̧ɔ̧mà wu tà wu yû̧ la. Bɔ wu èntɔ̧ nè àtetsi yu a baãaã èngǎ̧ Mbɔ̧ɔ̧mà wu è wû nkûŋ la.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

2 Kɔlìn 6:16

Lob Mbɔ̧ɔ̧mà bakà bɔ àghɨa ko nàa ghɨ̀ ne èghɨ bu bòt àa nɨ̀a nê wu bèmbɔ̧ɔ̧mà la. Ba wu lob Mbɔ̧ɔ̧mà yû̧, wuê mbɨ̀Ꞌɨ̀ tà shu la nê, “Maa me tseke ane yɔb, mè ngȩȩna ayɔɔ yɔb. Maa li ewu Mbɔ̧ɔ̧mà wɔb, bɔɔ wu bòt bɔ̧.”

2 Kɔlìn 3:3

Bɨ lâ ngu àkata Yesò Klistò shɨŋ ndzi a tèkitebu ta ba nɨŋ nkɨ̀Ꞌɨ̂ ŋa la. Tà li tà kà nɨ mbȩ̀ àkatè ka shɨ letà waa mbɨ̀Ꞌɨ̀ bɔ̀ɔ shɨa la, tà li nɨ Fo Mbɔ̧ɔ̧mà yû̧ ka shɨŋ. Tà li tà kà shɨ a ègwet àti, tà li shɨ a mèntɨ̧ɨ̧ bɔbȩ.

ÀfaꞋa 14:15

Bɔ̀ gha abot bɔ biite bòt bu nê, “Bèshu̧ ba, bɨ ghɨ̀ na ka me ghɨ̀ èwuu ànəê yaa à? Ba wu bɔbȩ mbɨ̀Ꞌɨ̀ bɨ̀a mbɔŋ? Ba wu a si ŋàa nkɨ etsɔ̀te Ntu̧ Ntsɔ̧̀ Yesò abua yɨ̧, mbɨ̀Ꞌɨ̀ bɨa kubte ane ejuke ènəê baa, etsiꞋi me kùŋè wuê a Mbɔ̧ɔ̧mà yu̧ wu tà ghɨ̀ ègwet nè sitsǎꞋ, mè ngɨ̀ mèleb nè èghɨ ègème aa tèbèm la.

Matìù 4:3

Satàn kɨ̀Ꞌɨ̂ shu abua tò nê, “À wu Waã Mbɔ̧ɔ̧mà, à ghɨ̀ àti yàa a gheblè ntsìꞋi èghɨjɨ.”

ÀfaꞋa 8:36

Mbɨ̀Ꞌɨ̀ bɔ̀ɔ ngȩ̀ȩ̀nà aa alu̧ və nchua ngà la, bɔ ye àtɨ̀ŋ a mèleb adzìꞋ ako, wɔ̀jûŋ wu shu abua tò nê, “Ye mèleb, e ghǎ àa kele am nê ko mbɨ̀Ꞌɨ̀ bɔ zì am a èdzî à?”

Jɔ̌n 6:69

Ba bɨ̧ɨ̧ne mè nko nê, à wu ngule wòt wu Mbɔ̧ɔ̧mà tsàà la.”

Matìù 1:16

Jàkɔ̂b wu tǎt Jòsêb lu̧ Màlià wu tà lè bia Yesò wu bɔ̀ le wua ntɔ̌ tò nê Klistò la.

Matìù 16:15

Tà bììte a wɔb nê “È me wu awɨ̧, bɨ shu nê è ngu wàà?”

Lûk 2:11

Bɔ bi waã ètsəꞋ wàa a èbem àpfəèa Fɔ̧̀ Dàbid, è wu Mpemnà wɨ̧ la. Tà wu Klistò Lefɨ̀Ꞌ.

Jɔ̌n 6:57

Tǎt am wu tàa ŋa mèmpème la, e tsàà am, è mè ngu tòà ka tà ghɨ̂ e mbɔ mèmpème la. Wu wuê èlɨ màa ghɨ̌ wòt tà kwele yà̧ ènyit yaã la nàa bɔ mèmpème la.

Jɔ̌n 6:68

Simùn wu èlen tò ko wu Pità la bɨ̀ɨ̀lè nê “Tê, à kɨa nê bà ghǎ abua waa tsa à? Wu ndàꞋ àwɔ̀ ka à bɔ mèngǎ̧ nàa ŋǎ mèmpème kàlìà la.

2 Kɔlìn 1:19

Yesò Klistò Waã Mbɔ̧ɔ̧mà wu ba Tɔ̀màtià nè Silvanùs àa ndàꞋà ànəa tò a kètsìà wɨ̧ la nàà kà laꞋa èngà̧ yebe, e bɨ̧ɨ̧ne ànəê e mě tu̧u̧. Tàa ngɨ̀ tà shu ànəê tà bê ngɨ̀ wuê mbɨ̀Ꞌɨ̀ tà shu la.

Ebùlù 3:12

Bɔnyɨ bɔ̧, bɨ̀ me ko awɨ̧ mbɨ̀Ꞌɨ̀ ka wòt kǒ wu ane yɨ̧ nè èntɨ̧ɨ̧ kàbɔ̀ŋ, tè ntù̧u̧ a Mbɔ̧ɔ̧mà yû̧, tà kà tsi ngua nkuŋa tò.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

Ètsə 7:2

Mâ ghɨ̀ ale, mè ndze wantu̧ Mbɔ̧ɔ̧mà kǒ tà dzə àbâ yu nyèm nàa sàꞋa la, nè àghɨa ko àbu azi, è wu àghɨa Mbɔ̧ɔ̧mà yu̧ nàa nɨa ndzìà àlȩê ane bòt la. Tà ŋȩ ntɔ bɔntu̧ Mbɔ̧ɔ̧mà ko bu bakwì Mbɔ̧ɔ̧mà ŋa awɔb mètàŋ a màntsoka sitsǎꞋ nè *èdzî la,

ÀfaꞋa 8:37

[Filìb shu abua tò nê, “À nàŋa tè ndzia èntɨ̧ɨ̧ wê ègème ane Yesò ko betsiꞋa bɔ zì àwê a èdzî.” Tà nê, “Oò mâ bɨ̧̀ɨ̧̀nè nê Yesò Klistò wu Waã Mbɔ̧ɔ̧mà.”]