Matìù 15:9 - Mundani

⁹ Bɔ tsiꞋa ngùꞋtè am àku nkàà nê bɔɔ̀ nɨa mènəè bɔbȩ nyɨ̀Ꞌta bòt mbɨ̀Ꞌɨ̀ wu mènəè Mbɔ̧ɔ̧mà.’ ”

Matìù 15:9 Referans Kwoze

Ntu̧ Ntsɔ̧̀ MAK 7:7

Bɔ tsiꞋa ngùꞋtè am àku, nkàà nê bɔɔ̀ nɨa mènəè bɔbȩ nyɨ̀Ꞌta bòt, mbɨ̀Ꞌɨ̀ wu mènəè Mbɔ̧ɔ̧mà.’

1 Tɔ̀màtià 1:4

Shu abua yɔb nê, bɔ̀ sà tèlète kà ye àtsə, nè ànyaꞋne tèlente bètǎt nyaꞋ ba tu bɔ̀ɔ ndzìa ntɔ̀ la. ÀfaꞋa èghɨ baa a ntsě ane èngǎ̧ Mbɔ̧ɔ̧mà wu ba wu ko, na ba zìà mèntɨ̧ɨ̧ ma ane tò la. Aà ngɨ̀à bòt e kàànà wuê mènəè a kètsìà wɔb.

Tȩtɔ̀s 1:14

Ŋȩte awɔb mbɨ̀Ꞌɨ̀ bɔ yute tèlete àku tu Bèjuê àa ntsàà la. Ŋȩte awɔb nê, bɔ̀ ka tsi nkùŋè mbɨ̧ tu bòt bɔ tu̧u̧ mènəè mu è wû nkûŋ la e tsite la.

Ebùlù 13:9

Bɨ̀ me ko mbɨ̀Ꞌɨ̀ bɔ nɨ mèngǎ̧ è kubte ane Ntu̧ Ntsɔ̧̀ Mbɔ̧ɔ̧mà la ntsòkè ètsə bɨ̧. Aà mbɔ̀ nê tsiꞋ è wu ntsɔ̧̀ Mbɔ̧ɔ̧mà wu tàa nyɨ̀Ꞌta abua ya la ka nàa ntɨ̀ŋa ngɨ̀à mèntɨ̧ɨ̧ ma kweelà la. È ka ngu mbɨ̧tsə ane ànəa èghɨjɨ kà wua ntɨ̀ŋa bòt bu bɔ̀ɔ nɔ̀ŋà mbɨ̧te mbɔŋ la.

Jimsì 2:20

Àkèghɨ̧̀a wɔ̀bȩ̂, àà nkɨà nè è nyɨꞋte awê nê wòt zìà èntɨ̧ɨ̧ vi ane Mbɔ̧ɔ̧mà tè àfaꞋa tò a bakà wua nyɨ̀Ꞌta, èntɨ̧ɨ̧ mbɔŋ wu àku?

Ètsə 22:18

Maà səèŋkà àtû̧ a waa waa tà zə mèngà̧ maa bɔ li shu bɔ shɨ a èbem àkatè yaa, la nê, wòt kwèꞋnà àghɨ adù̧, ko Mbɔ̧ɔ̧mà nàa kwèꞋne ngoꞋ tu tègème bɔ shɨ a èbem àkatè yaa la adù̧ ngoꞋte tò.

1 Kɔlìn 15:2

Wu Ntu̧ Ntsɔ̧̀ yaa nàa ghɨ̌ bɨa pema la na bɨ baãaã èngà̧ wu e ndi ndaꞋa abua yɨ̧ la me kweele adù̧ la. E bakà wu li ghɨ̌ bɨa peme, ko bɨ li mbɨ̧̀ɨ̧̀ne wùà àku.

Matìù 15:10

Ale, Yesò tɔ ènɔ̧̂ bòt bu shu abua yɔb nê “Bɨ̀ zə à nyi àtsəa yɨ̧ ntsɔ̧̀!