Matìù 13:25 - Mundani

²⁵ ka àfɨꞋa bɔ̀ɔ ndìa la, wɔ̀mbù̧ tò kɨ̀Ꞌɨ̂ sà èsaãaãme afəèꞋ kàbɔ̀ŋ a kètsìà èsaãaãme tò wu.

Matìù 13:25 Referans Kwoze

1 Pità 5:8

Bɨ̀ me baabe ènyit yɨ̧ mè nkoa wɨ̧, nkàà nê Satàn wu tà wu wɔ̀mbù̧ wɨ̧ la, nàà ngèèba mbɨ̀Ꞌɨ̀ sambàŋ ndzìte tò tèa nkua la, nkɨà wòt tàa kwele la.

2 Pità 2:1

Bòt ko e li ndɔ̀Ꞌte a si ayɔɔ bòt Izəèlȩê me fɨta shua nê bɔ wu bèndàꞋàtɔŋ Mbɔ̧ɔ̧mà. È bê ngu wuê èlɨ bènyɨꞋtà ko àa lɔ̀Ꞌte a si ayɔɔ yɨ̧ e me fɨte awɨ̧ mɨ̧̂ la. Bɔɔ yɨ̧ɨ̧te kɨꞋɨ me làꞋà mèngǎ̧ tsòkè ètsə bɨ̧. Bɔɔ ghɨ̀ ale, te gha ewu àdziꞋa bɔ̀ɔ tu̧ a Tè Yesò Klistò wu tà li njù̧ ètsə bɔb la, ale etɔ ngoꞋ naa bê kwene a ègwet lɔb eliime awɔb.

Matìù 13:39

Tà wu wòt wu tà sà afəèꞋ kàbɔ̀ŋ wu la, nkàà nè tà wu wɔ̀mbù̧ tǎt mbȩ yu. Àlia màfuꞋa yu wu àlia ngɔ̀ŋ nàa li lìà la, bòt màfuꞋa bu wu bɔntu̧ Mbɔ̧ɔ̧mà.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.

Ebùlù 12:15

Bɨ̀ me ko awɨ̧ mbɨ̀Ꞌɨ̀ ka bɨ tsì èntɨ̧ɨ̧ wɨ̧ ane Mbɔ̧ɔ̧mà wu tàa nyɨ̀Ꞌta èkɔŋ vi ane ya la. Bɨ̀ mèe me ko awɨ̧ mbɨ̀Ꞌɨ̀ ka wòt kǒ ane yɨ̧ liꞋa kàbɔ̀ŋ mbɨ̀Ꞌɨ̀ afəèꞋ nàa ndìà la, è koꞋ ntsòkè bòt ko.

Matìù 25:5

Bɔ gha ale lu̧ ndzà yu ka yaŋe nkɨ̀Ꞌɨ̂, ale, kèlɔ ke baãaã wɔb bàgème bɔ nɔ̀ŋkè me li.

Gàlashìà 2:4

Ànəa mbɔŋ a li me lɔ̀Ꞌɔ a si ale ngu ndɨ bòt ko bɔ̀ɔ fɨ̀ta nê bɔ wu bòt Yesò la e li ndzɨ̧̀ɨ̧̀ma nyi ayɔɔ ya, me tsɔ ndɨ̀ŋkà mbɨ̀Ꞌɨ̀ eye ndɨ ba zì mèntɨ̧ɨ̧ ma ane Yesò Klistò ale bà ka tsi ngu èbùꞋ la, e mèe ghɨ̌ baa tsiꞋi èbùꞋ.

Ètsə 2:20

“ ‘Ka àghɨ aà yeamɔꞋ bɨ̀a ngɨ̀à màa ka kɔ̀ŋkè la. Bɨ sǎ Jezebèl ayɔɔ yɨ̧, àvi wu tàa ntɔ avi nê ye wu ndàꞋàtɔŋ Mbɔ̧ɔ̧mà la. Tàa fɨ̀ta bɔfàꞋ bɔ̧ ngɨ̀à bɔ paꞋtà àbɨ̧ mè njɨ̀a èghɨ bɔ nɨŋ ntsì mèpɨ̧̀ la.

Ètsə 13:14

Tà nɨ ngɨŋa mènəè mu bɔ sa atò nê tà ghɨa a mbì nyà̧mɔ̀Ꞌ mbì yu la, nɨŋ fɨ̀te bòt sitsǎꞋ bàgème. Nyà̧mɔ̀Ꞌ yu ghɨ̀ bɔ kɔ̧ wamâlem kǒ bɔ̀ɔ me nɨa ngùꞋtà nyà̧mɔ̀Ꞌ mbì yu bɔ li nɨ nyi ndzì fɨŋ ane tò, tà bɔ mbèle yû̧ la.

Matìù 13:24

“Yesò ghɨ̀ ale, mè nê betsiꞋa bɔ fɨ̀Ꞌne a Kèfɔ̧̀ Mbɔ̧ɔ̧mà ane èngà̧teme wàà. Wòt kǒ lè lɔꞋ sà èsaãaãme ntsɔ̧̀ a mbȩ zi,

Matìù 13:26

Èsaãaãme wu e tseke tè ntsə mbùꞋ me kweele, èwe kàbɔ̀ŋ wu e kɔꞋɔ azi mɨ̧̂.

Matìù 13:27

“BɔfàꞋ ŋut wu e kɨꞋɨ̀ mbììte atò nê, ‘Tê, ka èsaãaãme wu à li sa a mbȩ yê la li ngu è we ntsɔ̧̀ à? Ale, afəèꞋ kàbɔ̀ŋ dzəa nè ŋǎ a kètsìà à?’

Matìù 13:29

“Tà nê, ‘ChaꞋ, bɨ̀ tsiꞋ è wu ale, mbɨ̀Ꞌɨ̀ ka bɨ gha mbèla ntsɔꞋta fà̧ ntsɔ̀Ꞌta nè èwe ntsɔ̧̀ wu.

Matìù 13:30

TsiꞋ è me fɔte ntsəèa tè àfɨꞋa màfuꞋa à kuꞋa. ÀfɨꞋa mbɔŋ ko maa shu abua bòt bu nga efuꞋu la nê, Bɨa ghǎ bɨ̀ tsɔꞋ, bɨ bɨ̀ fete afəèꞋ kàbɔ̀ŋ wu, nkùùle ane tebuꞋtsə ntò̧, mbɔ̂ fetê èbe ntsɔ̧̀ bu nɔ̀ŋe ngǒ yaã.’ ”