Matìù 13:12 - Mundani

¹² nkàà nê bɔɔ kwèꞋne àghɨ wòt bɔ la, aa yaãaã te me bəèꞋte, ka wòt kà bɔ àghɨ bɔɔ paa ka wuê adzìꞋ wu tà bɔ la enɨ.

Matìù 13:12 Referans Kwoze

Matìù 25:29

Nkàà nê wòt tà bɔ àbȩ̀ nyaŋ la, bɔɔ kwèꞋne aa taꞋa yaãaã, ka è me wu wu kà bɔ àghɨ la, ko bɔɔ paa kàyaã wu tà bɔ la enɨ.

Lûk 8:18

È wu ale, bɨ̀ me ko awɨ̧ ndɨ bɨ̀a njùtâ èngǎ̧ Mbɔ̧ɔ̧mà la. Nkàà nê bɔɔ kwèꞋne àghɨ wòt bɔ la, ka wòt tà tanda nê ye bɔ àghɨ la bɔɔ paa ka wuê adzìꞋ wu tà bɔ la enɨ.”

Ètsə 2:5

È wu ale, bɨ̀ ku̧u̧te àdziꞋa èkɔŋ wɨ̧ è le wu ane yaã la, nkùbte mèntɨ̧ɨ̧ mɨ̧, mè me ghɨ mbɨ̀Ꞌɨ̀ bɨ li ndzaãaã ngùa ngɨ̀à la. Bɨ̀ baka kubte, ko ma kɨꞋɨ e tsì àyɨ̧ ne àghɨ yu bɔɔ ntsia èkaꞋà adù̧ la adzìꞋa zi.

Lûk 16:25

“Abàlàghâm nê, ‘Waã am, è li ngu àfɨ̀Ꞌ yu à bele a ngɔ̀ŋ la, à bɔ̀ èghɨ ntsɔ̧̀ ègème, ka Lazalɔ̀s wu ane ngoꞋ. Ka nè àfɨ̀Ꞌ yaa, tà wu ane mèntsèke ntsɔ̧̀, è me wu awê, à wu ane ngoꞋ.

Matìù 21:43

“Ale, Yesò mè nê ‘TsiꞋ è shua wɨ̧ nê bɔɔ nɨ àdziꞋ yu Mbɔ̧ɔ̧mà ŋa abua yɨ̧ a èbem Kèfɔ̧̀ vi la eŋa abua bòt bɔɔ ghɨ̌ àghɨa Mbɔ̧ɔ̧mà nàa nkɨà la.’ ”

Lûk 16:2

Ŋut wu tɔ wòt àtsəa àfàꞋ vi wu mbììte atò nê, ‘Eyaa ka ànəê e ndzəa ane ye à? Ŋa àkatè àfàꞋ àyê, e ndze àghɨa a ghɨ̀ nè èkab am la, na à ka tsi wu wòt àtsəa àfàꞋ am la a.’

Lûk 10:42

Ka ndàꞋ àghɨ yeamɔꞋ aa və à bɔ ndɨ à ghɨ̂ ngu me ŋa awê ngoꞋ adù̧ la. Màlià lȩ̀ àghɨa ntsɔ̧̀ mbɔŋ. BetsiꞋa bɔ̀ ka lɔꞋ àlia nɨ àyùà abua tò.”

Lûk 9:26

Ale, àtsəa wòt a me kɔꞋɔ ambo yaã nè mèngǎ̧ mɔ̧, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ vi, nè we Tǎt vi bɔ̂ bɔntu̧ bi la.

Ntu̧ Ntsɔ̧̀ MAK 12:9

Yesò bììte bòt bu nê, “Bɨ mɨɨtè nê tǎt èbàꞋ lu nàa ghɨ̀ na à? Tàà kɨꞋɨ bùŋe bɔfàꞋ bu ebɔ ŋa èbàꞋ lu abua bòt tsa.

Lûk 12:48

Ka è me wu wafàꞋ wu kà ko àghɨa tǎt vi nàa nkɨ̀a la, mbɔ̂ me ghɨ̀ àghɨa bɔ bɔ̂ ndɨ bɔ̀ɔ shu̧u̧ atò kwàꞋ ànyaꞋne la, ko bɔɔ li shu̧u̧ atò mpiꞋa. Bɨ̀ ko nê wòt ègème bɔ zǐ atò àtsəa èghɨ nyaŋ la, bɔɔ biite atò mènəè nyaŋ, è we bɔ ŋa nyaŋ nɨŋ fu atò la, bɔ mè ngu me kɨ nyaŋ abua tò.”

Jimsì 4:6

Mbɔ̧ɔ̧mà bê nge tàa ngɨa a ntsɔ̧̀ la. Ale, Àkata tò a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb a ègwet la a si, mbɔ̂ me nyɨꞋte a ntsɔ̧̀ vi abua bòt bu bɔ̀ɔ nɨ̀a wɔb a si la.”