Matìù 12:25 - Mundani

²⁵ Bɔ me làꞋ ale Yesò yaŋe ko àghɨa bɔ mɨ̀ɨ̀tà la, shu abua yɔb nê “ÀlaꞋ àgème a tseke ane àyɔ̀ŋ mè me nùà àwɔb bɔ̀ɔmbɔŋ la wu àlaꞋ à bele yàŋe kwene la. Àpfəèa kà wu ane ètsəê wemɔꞋ wu àpfəèà leme, ləlob kà wu ane ètsəê wemɔꞋ mè ngu ləlob lème.

Matìù 12:25 Referans Kwoze

Gàlashìà 5:15

È wu nê bɨa ndù̧a bɔnyɨ bɨ nkwèla, bɨ me ko awɨ̧, mbɨ̀Ꞌɨ̀ ka bɨ bela ngɨ̀à ndììme awɨ̧ bɨ̀ambɔŋ.

1 Kɔlìn 2:11

Wòt wu betsiꞋa tà ko mèmɨ̀ɨ̀te wòt kà wua èntɨ̧ɨ̧ ŋut la wu wàà? Eyaa wu ndɨ betsiꞋa wɔ̀bȩ̂ kà ko mèmɨ̀ɨ̀te Mbɔ̧ɔ̧mà kà wu Fo tò la.

Matìù 9:4

Yesò bê nko àghɨa bɔ mɨ̀ɨ̀tà la, mbììte awɔb nê, “Ghǎ ghɨ̀ ka bɨ me mɨ̀ɨ̀te kàbɔ̀ŋ a mèntɨ̧ɨ̧ mɨ̧ à?

Ètsə 16:19

TaꞋà àpfəèà nɨ̧ yu a li ngàbtè ane èbâ betat, èpfəè nɨ̧ a ngɔ̀ŋ ègème e kwèà. Ale, Mbɔ̧ɔ̧mà kù̧ù̧te àpfəèà nɨ̧ yu bɔ̀ɔ ntɔ ane Babilɔ̀n la, ngɨ̀ ntsǒ zi nɔ̀ŋke a ègwet a yùà tè ngà ndìà. Ntsǒ mbɔŋ wu mbɨ̀Ꞌɨ̀ ndɔŋ mèlùꞋ nàa ndìà, bɔ̀ɔ ŋɨꞋɨ wòt tàa nu la.

Ebùlù 4:13

Àghɨa ko a ntsě betsiꞋa a lò̧ò̧tè a mbì Mbɔ̧ɔ̧mà la. Tàà ndzea àghɨ àgème a ngɔ̀ŋ ŋaa mbɨ̀Ꞌɨ̀ àa la, è mè ngu abua tò bàa li làꞋà ànəê àghɨ àgème bàa ngɨ̀à la.

Ntu̧ Ntsɔ̧̀ MAK 2:8

KwàꞋ àfɨꞋa mbɔŋ, Yesò ko àghɨa bɔ mɨ̀ɨ̀tà la a èntɨ̧ɨ̧ vi mbììte awɔb nê, “Bɨ ghɨ̀ na ka me kwàꞋtè èwuu maa nè mènəè à?

Ètsə 2:23

Maa liime bòt bu bɔ̀ɔ nkuŋa tò la. Àyaa aa ghɨ̌ bèchɔsì bu bàgème aa ko nê mâ ko mèmɨ̀ɨ̀te bòt bàgème nè àghɨa àa mèntɨ̧ɨ̧ mɔb la. Maa ŋa waa waa àghɨa a kùꞋù ane àfàꞋ tàa ngɨ̀à la.

Jɔ̌n 21:17

Yesò mè nkwetê mbììte atò nê, “Simùn waã Jɔ̌n, tè àà nkɔ̀ŋkà am?” Tà biite ale, a saa Pità nkàà nê tàà mbììta ale è wu ngò̧ tetat tà biite atò nê, “tè àa nkɔ̀ŋkè am” la. Tà ghɨ̀ ale mbɔ̂ shu abua Yesò nê, “Tê, à ko ànəa àgème, à ko nê, maà nkɔ̀ŋkà wê.” Yesò shu abua tò nê, “Me jɨɨ njɨ̀ taã.