Bib sou entènèt

Matìù 11:23 - Mundani

²³ È me wu awɨ̧ bɨ̀a bòt Kàpenàwuêm! Bɨ li mbàte ngua nkɨ ŋeꞋe awɨ̧ bɨ̀ambɔŋ e tsàà a ègwet, ka tsiꞋ è shu awɨ̧ nê bɔɔ li shuke wɨ̧ a si etsǎ àlaꞋ a bèmpfəà. Bɔ li ngɨ̀ ale ngɨ̀ tèwuute ènəê taà bɔ ghɨ a kètsìà wɨ̧ la àlaꞋ a bòt Sodòm ko bɔ te ebele kɨꞋɨ dzə àfɨ̀Ꞌ yaa.

Gade chapit la Kopi

tounen moute ⬆

Matìù 11:23
30 Referans Kwoze

Matìù 4:13

Tà sa Nazàlet, tà ghà me tseke ne Kàpenàwuêm a ngèt èlemè Galìlî, àbâ àlaꞋ a Zebulùn nè Naptalì.

Ètsə 11:8

ÈpfəꞋte bɔb aa nɔ̀ŋke a èbùꞋu èlu̧ a èbem àpfəèà nɨ̧ yu bɔ li ngù̧ù̧te a Tǎt wɔb a mbɨ̧̀ mbasa la. Èlen ntsoꞋ bòt àa nɨa ntɔ àpfəèà nɨ̧a mbɔŋ la wu Sodòm bɔ̂ Ejìb.

Jûd 1:7

Bòt Sodòm nè bòt Gòmolà nè èlaꞋ bu a ngèt yɔb la e li ngɨ̀ wuê a èlɨ mbɔŋ. Bɔ li ngua mpàꞋta bòt kà yɔꞋɔ awɔb, njɨ̀a àbȩ, mbâ̧tsə te nɔ̀ŋkà nè è teko, tè Mbɔ̧ɔ̧mà lììme awɔb a èbem èwet nɨŋ nyɨ̀Ꞌte àghɨa tàa li ghɨ̀ ne bòt bu bɔ̀ɔ li eye ngoꞋ a èbem èwet ane àlia nè àlia la.

ÀfaꞋa 2:27

Mâ ko nê, betsiꞋa àwɔ̀ Tǎt am, à ka waꞋa am àlaꞋ a bèmpfəà. BetsiꞋa à ka waꞋa waã wè tàa ndzəèa awê ntsɔ̧̀ la, tà fì.

Lûk 14:11

Aa ale nkàà nê wòt ègème tàa ŋèꞋa tèkwȩ ti a ègwet la, Mbɔ̧ɔ̧mà naa shuke atò a si, wòt tàa nɨ̀a avi a si la, Mbɔ̧ɔ̧mà ŋèꞋe atò a ègwet.”

Matìù 16:18

È wu ale, tsiꞋ è shu awê nê à wu Pità, maa ghɨ̌ a chɔsì am a ègwet èwu làa ane ndɨ ka è màà ngu wuê èvə è ka ko enɨ wùà la.

Matìù 8:5

Yesò me nyi a Kàpenàwuêm, tǎt bèshujà Luêm kǒ kɨꞋɨ̀ me shù̧ù̧te atò nê,

Lûk 16:23

Tà gha àlaꞋ a bèmpfəà, me ye ngoꞋ kèkweelè, ntsèkê ndɔ̀kè àvi me ye ndzě Abàlàghâm a endɨ̌, nè Lazalɔ̀s a ngèt tò.

Lûk 4:23

Tà shu abua yɔb nê, “Bɨ bele lâ teme èngà̧ waa abua am nê, ‘Ngàŋ, bə awê àwɔ̀ mbɔŋ; Àghɨa baa zə nê a li ngɨ̀ a Kàpenàwuêm la, ghɨa àpfəè yɨ̧ ŋaa mɨ̧̂.’ ”

Matìù 17:24

Bɔ kɨꞋɨ tê bɔ̀ nyi a Kàpenàwuêm bòt bu bɔ̀ɔ fèta èkab bɔ̀ɔ maꞋa a èbem lob Mbɔ̧ɔ̧mà la, e kɨꞋɨ̀ mbììte a Pità nê, “Tè nyɨꞋtà wɨ̧ nàà màꞋà èkab wu bɔ̀ɔ maꞋa a èbem lob Mbɔ̧ɔ̧mà la à?”

Matìù 10:15

Ane nkûŋ, e shua wɨ̧ nê, naa li ngu ane àlia saꞋa Mbɔ̧ɔ̧mà, tà kù tèsȩte bòt Sodòm nè Gòmolà tè ntsè ndɨ tàa ku e te bòt èpfəè mbɔŋ la.

Lûk 10:15

È me ewu awɨ̧ bɨa bòt Kàpenàwuêm! Bɨ li mbàte ngua nkɨ ŋeꞋe awɨ̧ bɨ̀ambɔŋ etsàà a ègwet, ka tsiꞋ è shu awɨ̧ nê bɔɔ li shuke awɨ̧ a si etsǎ àlaꞋ a bèmpfəà.”

ÀfaꞋa 2:31

Dàbid li nko àghɨa Mbɔ̧ɔ̧mà nàa nkɨ̀ li ghɨ̌ la. Tà ko ale, tà nɨ èngà̧ waa nɨŋ shu ndɨ Fɔ̧̀ wu Mbɔ̧ɔ̧mà li ndzɔꞋ etsàà la, nàa li eyu̧u̧me la, nê, ‘Mbɔ̧ɔ̧mà li tà kà sa atò àlaꞋ a bèmpfəà. Nyà̧te ènyit tò te li tè ka fî.’

Ètsə 1:18

mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.

Ètsə 6:8

E mè ndȩ̀ ndzea loà kǒ mbɨ̧̀ tò è nɔ̀ŋkè mbɨ̀Ꞌɨ̀ è fəa la, èlen wòt wu tà tseke a ègwet la wu Èvə. ÀlaꞋ a bèmpfəà a me kùŋe atò. Bɔ ŋa wɔb mètàŋ nê bɔ̀ nɨ nyi ebà bebe nè èchɨɨ, nè àghɔ̧, ndɔ̀Ꞌ nè banyaãbàꞋ è ndììme bòt sitsǎꞋ. Bɔ ghàbtà bòt sitsǎꞋ ane ebà bekwì, ko wu àbâ yeamɔꞋ bɔ̀ɔ liime la.

Ètsə 20:13

ÀfɨꞋa mbɔŋ *èdzî e ŋa bòt bu bɔ li mpfəèꞋtê a èbèm la, èvə nè àlaꞋ a bèmpfəà a mèè ŋa è bu nè bòt abot la, bɔ saꞋa awɔb bàgème ane àghɨa waa waa li ngɨ̀ la.

Swiv nou:

Lyen patwone

Piblisite

Piblisite