Matìù 10:20 - Mundani

²⁰ È ntsě bɨ̀ambɔŋ nga me làꞋà la, wu Fo Tǎt wɨ̧ Mbɔ̧ɔ̧mà naa tsě ane yɨ̧ e làꞋà la.

Matìù 10:20 Referans Kwoze

ÀfaꞋa 6:10

Fo Mbɔ̧ɔ̧mà li ŋǎ a Stifèn èyì, tè tà ghɨ̀ tà laꞋa, bòt bu è ka tsi nkoê ntsɔ̀Ꞌɔ èngǎ̧ tò.

Lûk 21:15

maa li zǐ mèngǎ̧ a mètsəê mɨ̧, e mě zì mèyì a ètsə bɨ̧, ndɨ betsiꞋa wòt ane bɔmbù̧ bɨ̧ è ka tu̧ ànəa bɨ shua la.

Lûk 12:12

Aa ale, nkàà nê Fo Kèfə naa ŋa awɨ̧ ànəa bɨa shu la àfɨꞋa ngaa.”

2 Pità 1:21

Ànəa ko a ntsě a èbem Àkata Mbɔ̧ɔ̧mà bèndàꞋàtɔŋ Mbɔ̧ɔ̧mà e li ndàꞋ è wû ànəa a dzəè àtsəa wɔ̀bȩ̂ la. Wu Fo Kèfə ka è li ŋwèèlè ngule bòt Mbɔ̧ɔ̧mà bɔ làꞋà mèngǎ̧ è dzə abua Mbɔ̧ɔ̧mà wu la.

ÀfaꞋa 4:8

AfɨꞋa mbɔŋ, Fo Kèfə nyi a èntɨ̧ɨ̧ Pità, tà ŋa àbɨ̀t nê, “Bètǎt ba, nè bɔɔjuŋ ba leꞋ,

ÀfaꞋa 2:4

AfɨꞋa mbɔŋ Fo Kèfə nyi a mèntɨ̧ɨ̧ mɔb tè waa waa tsiꞋi me làꞋà ane ndɨ̧te èlaꞋ tsa tsa, mbɨ̀Ꞌɨ̀ Fo Kèfə è ŋa wɔb mètàŋ la.

2 Kɔlìn 13:3

Maa ghɨ̀ anè ndɨ̀ wu bɨ̀a nkɨ ye nê e ndàꞋà ane mètàŋ Yesò Klistò la. Tàa ngɨ̀ tà me ghɨ àghɨ a kètsìà wɨ̧, tà kà nyɨꞋte nê yea njùa, ka tàa ngɨ̀à èghɨ a kètsìà wɨ̧ ane mètàŋ mi.

1 Pità 1:12

Ale, Mbɔ̧ɔ̧mà nyɨ̀Ꞌte awɔb nê àfàꞋa yɔb a li à ka wuê ane ntsɔ̧̀ wɔb, ka a li ngu ane ntsɔ̧̀ wɨ̧. Èghɨ mbɔŋ wu èghɨ bàa bɨ zə àfɨ̀Ꞌ yaa a ètsəê bòt bu bɔ̀ kɨꞋɨ̀ ntsɔ̀tè Ntu̧ Ntsɔ̧̀ Yesò Klistò abua yɨ̧ la. Bɔ li ngua ndàꞋà ane mètàŋ Fo Kèfə yu è dzə a ègwet la. Èghɨ bàa wu èghɨ ka wuê bɔntu̧ Mbɔ̧ɔ̧mà àa ndâ ndɨ̀à nkɨ eko ndɨ àa la.

ÀfaꞋa 28:25

ale bɔ bùꞋ me taate, nkàànà a kètsìà wɔb. Mbɨ̀Ꞌɨ̀ bɔ̀ɔ ntààtâ la, Pɔ̂l làꞋ èngà̧ ko wemɔꞋ abua yɔb nê “Fo Kèfə li nchɨɨme ngɨ̀ Àsayà ndàꞋàtɔŋ Mbɔ̧ɔ̧mà làꞋà nkûŋ abua bètǎt nyaꞋ bɨ̧ nê:

ÀfaꞋa 13:9

AfɨꞋa mbɔŋ, Fo Kèfə è lù̧u̧ a èntɨ̧ɨ̧ Sɔ̂l wu èlen tò ko le wu Pɔ̂l la. Tà bê ntsìte àghɨ azi ane wòt tèkàŋ wu,

Lûk 11:13

Tè bɨ̀a wàa bɨ̀ wu bòt kàbɔ̀ŋ la, e wu ko eŋa èghɨ ntsɔ̧̀ abua bɔ̧ bɨ̧, è me wu tǎt wɨ̧ wu a ègwet la tà kà ŋa Fo Kèfə abua bòt bɔ lo̧ abua tò la tè ntsě?

Ntu̧ Ntsɔ̧̀ MAK 12:36

Fo Kèfə li ngɨ̀ Dàbid zìambɔŋ nê, ‘Mbɔ̧ɔ̧mà Lefɨ̀Ꞌ li shu abua Lefɨ̀Ꞌ am nê, Tseke àbâ àbualu̧ am tè è ŋà èlu̧ à tsite èka bê a ègwet bɔmbù̧ bê.’

Matìù 6:32

Bòt kà wu bòt Mbɔ̧ɔ̧mà ka bɔ̀ɔ ndèbà ènyit yɔb ane ànəa èghɨ bàa la. Tǎt wɨ̧ wu a ègwet la ko nê bɨà nkɨ̀ŋkà èghɨ mbɔŋ ègème.

1 Tèsàlonikà 2:13

Lə kǒ bàa mè ntsèka nkɔ̀ŋkà a Mbɔ̧ɔ̧mà la wu nê, ba li ndàꞋà èngà̧ wu e dzə abua Mbɔ̧ɔ̧mà la abua yɨ̧ ale, bɨ zə mbɨ̧̀ɨ̧̀nê. Bɨ li mbɨ̧̀ɨ̧̀nê nê, è ntsě èngǎ̧ wɔ̀bȩ̂, nê wu èwe Mbɔ̧ɔ̧mà, è bɔ̂ ngu kwàꞋ èngǎ̧ Mbɔ̧ɔ̧mà. Wu èngǎ̧ mbɔŋ Mbɔ̧ɔ̧mà nɨŋ me fàꞋa ane yɨ̧ wu bɨ zì mèntɨ̧ɨ̧ mɨ̧ ane tò la.