Matìù 10:2 - Mundani

² Tèlente bɔntu̧ bu ntsɔ̀b babe la wu: Simùn wu èlen tò ko li ngu Pità la, bɔ̂ wanyɨ vi Andùlù, Jimsì waã Zebèdiì bɔ̂ wanyɨ vi Jɔ̌n,

Matìù 10:2 Referans Kwoze

ÀfaꞋa 1:13

Bɔ ghà ale nkɔꞋ nga àtsəa lob a ègwet yu bɔɔ wua ndìa a èbèm la. Bɔntu̧ baa li ngu Pità, bɔ̂ Jɔ̌n, nè Jimsì nè Andùlù, nè Filìb bɔ̂ Tɔmasì, nè Bàtòlomiò nè Màtìù ndɔ̀Ꞌ nè, Jimsì waã Alfeɔ̀, bɔ̂ Simùn wu tà li ntàꞋa wua nùà mènəè àlaꞋ la, nè Judàs waã Jimsì.

Matìù 4:21

Tà lɔꞋɔ abot me ghà ne mbì, mè ndze wòt kǒ bɔ̂ wanyɨ vi, Jimsì waã Zebèdiì bɔ̂ wanyɨ vi Jɔ̌n. Bɔ li ngu a èbem ànkànuꞋ nè tǎt wɔb Zebèdiì, nèètà bètasat bɔb. Yesò tɔ awɔb,

Jɔ̌n 12:22

Bɔ làꞋ ale Filìb ghà shua Andùlù bɔ̂ tò efɔte ngà shu a Yesò.

Jɔ̌n 6:8

Andùlù wakatè tò kǒ è wù wanyɨ Simùn Pità la, shu abua Yesò nê,

Lûk 5:10

Jimsì bɔ̂ Jɔ̌n bɔ̧ Zebèdiì, bɔ̂ tò ba e li ngùa fàꞋà nɔ̂ la. Yesò shu abua Simùn nê, “À ka mbɔ̀ɔ̂, e bùꞋu àfɨ̀Ꞌ yaa, à ka tsi buꞋu basə a. Aa tsiꞋi me kɨ bɔbȩ nɨa nkɨ̀Ꞌa abua am.”

Matìù 4:18

Mbɨ̀Ꞌɨ̀ Yesò nàa ngȩ̀ȩ̀na a ngèt èlemè Galìlî la, tà ye bèmbaãaãbasə ko babe è wu bɔnyɨ la, Simùn wu èlen tò ko li ngu Pità la, bɔ̂ wanyɨ vi Andùlù maꞋa tasat a èbem èlemè wu mbà̧aã basə.

Lûk 11:49

Eyaa wu lə Mbɔ̧ɔ̧mà li nɨ̌ èyǐ vi nê, ‘Maa tsàà bèndàꞋàtɔŋ bɔ̧ nè bɔntu̧ bɔ̧ abua yɔb, bɔɔ bùŋe àbəèꞋ àyɔb, è mee ghɨ̧̀ɨ̧̀ne àbəèꞋ la’.

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

2 Jɔ̌n 1:1

Letà Wajûŋ ayɔɔ bòt Yesò, Abua Mè wu Mbɔ̧ɔ̧mà làà atò la bɔ̂ bɔ̧ bi. Maà ndâ nkɔ̀ŋkà àwɨ̧ ane nkûŋ yu ane ànəa Mbɔ̧ɔ̧mà la. È ntsě wuê ndàꞋà mmɔ̌ màa nkɔ̀ŋkà àwɨ̧ la, waa waa tà ko èngǎ̧ nkûŋ la nàà nkɔ̀ŋkà àwɨ̧ mɨ̧̂.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

1 Pità 1:1

Letà Pità, wantu̧ Yesò Klistò, Abua bòt Mbɔ̧ɔ̧mà bu bɔ taa awɔb bɔ sàbtè ntsìꞋa ntsèkâ mbɨ̀Ꞌɨ̀ bègɨ̧̀ a Pontùs, nè Gàlashìà, nè Kàpàdosìà bɔ̂ Esìà nè Bìtinìà la.

Ebùlù 3:1

Bɔnyɨ bɔ̧ bu Mbɔ̧ɔ̧mà làà wa ba nɨ̧̀ ba ayɔɔ bòt nɨ̀ awa ane bòt bi la, bɨ̀ kwàꞋtè èwuu wòt Yesò wu wùà la. Yesò wu wantu̧ Mbɔ̧ɔ̧mà mè ngu àtsəa bèntsìà mèpɨ̧̀ a Mbɔ̧ɔ̧mà yu àa ntɨ̀ŋa wa ane mènəè mu ba bɨ̧ɨ̧nè nê wu nkûŋ la.

Efesɔ̀s 4:11

Wu tòà tà li ŋà mèghàb abua bòt la. Tà li ngɨ̀ bòt ko ane bɔntu̧ Yesò, ngɨ̀ èbeko ane bèndàꞋàtɔŋ Mbɔ̧ɔ̧mà, ngɨ̀ èbeko ane bòt bɔ̀ɔ ntsɔ̀tà Ntu̧ Ntsɔ̧̀ Yesò la, ngɨ̀ èbeko ane bèmbaabà bòt Mbɔ̧ɔ̧mà, nè bènyɨꞋta èngǎ̧ Mbɔ̧ɔ̧mà.

1 Kɔlìn 15:7

Tà lè lɔ̂Ꞌ mè mpuula a mbì Jimsì, me tsɔꞋɔ mpùùlà a mbì bɔntu̧ bu bàgème.

ÀfaꞋa 12:2

Tà li ngɨ̀ bɔ sɔɔbe a Jimsì wanyɨ Jɔ̌n mbùŋè.

ÀfaꞋa 3:1

È li ngu ane àli ako, Pità bɔ̂ Jɔ̌n e me ghǎ a èbem lob nɨ̧ Mbɔ̧ɔ̧mà a Jèlusalèm ane nyèm tetat, è wû àfɨꞋa Bèjuê àa ngɨ̀ bɔ ghà ntsàꞋtè a Mbɔ̧ɔ̧mà la.

ÀfaꞋa 1:26

AfɨꞋa bɔ tsàꞋte a Mbɔ̧ɔ̧mà tè ndɔ̀Ꞌ la, bɔ màꞋà èbìt ane tèlen tu tebe la e baãaã Màtiàs. Ale, bɔ nɨ atò nkwèꞋne ayɔɔ bɔntu̧ Yesò bu ntsɔ̀b wemɔ̀Ꞌ la.

Jɔ̌n 21:24

Wu wakatè Yesò waa ka tà ye mènəè maa, ndàꞋà ànəa mùà la; è mè ngu tòà ka tà shɨ mùà a èbem àkatè yaa la. Ba ko nê ànəa tà shɨ la wu nkûŋ.

Jɔ̌n 21:20

Pità ghèble avi ndzè wakatè kǒ wu Yesò taꞋa wua nkɔ̀ŋka tò la tàa nkùŋà àwɔb la. Eyaa wu wakatè wu tà li ntsèke a ngèt Yesò àfɨꞋa bɔ̀ɔ jɨa èghɨjɨ nyèmtèsi la, mbɔ̧̀ɔ̧̀nè àvi, mbììte atò nê, “Tê wòt wu nga efɨ̧ɨ̧ne àwê la wu wàà?”

Jɔ̌n 21:2

Bɔkatè tò ko e li ngu abot bɔ bù̧ù̧tè la. Bèŋût li ngu Simùn wu èlen tò ko wu Pità la, bɔ̂ Tɔmasì wu bɔ̀ɔ ntɔ ane wabenyì la, nè Nàtanìà wu tà dzəa Kanà a èbem àlaꞋ a Galìlî la, bɔ̂ bɔ̧ Zebèdiì, ndɔ̀Ꞌ nè bɔkatè Yesò ko babe.

Jɔ̌n 20:2

Tà lùùla ngà shu abua Simùn wu èlen tò ko wu Pità la bɔ̂ wakatè wu Yesò li ntaꞋa wua kɔ̀ŋkà tò la nê, “Bɔ tsì àpfəꞋta Yesò Lefɨ̀Ꞌ a èbem èsî lu ka bà ka ko àdziꞋa bɔ nɔ̀ŋe à yùà la.”

Jɔ̌n 13:23

Wakatè wu Yesò taꞋa wua nkɔ̀ŋkà tò la ko nê ye wu kwàꞋ a ngèt tò tà tseke la,

Lûk 22:14

AfɨꞋa mànjɨa èghɨjɨ èpǎ̧ Màntsea a ègwet bu a kɨꞋɨ, Yesò tseke a si bɔ̂ bɔntu̧ bi me jɨ èghɨjɨ.

Lûk 22:8

Yesò tu̧u̧ a Pità bɔ̂ Jɔ̌n nê, “Bɨ̀ ghǎ ntàŋke èghɨjɨ èpǎ̧ Màntsea a ègwet, bà kɨꞋɨ njɨ.”

Lûk 9:10

Bɔntu̧ bu bè kuà, bɔ shua Yesò àghɨ àgème bɔ ghɨ̀ la. Tà nɨ̀ àwɔb bɔ̂ tò ba e səèꞋtè àwɔb ngà àpfəèà nɨ̧ ako bɔ̀ɔ ntɔ nê Bèsedà la.

Ntu̧ Ntsɔ̧̀ MAK 13:3

Mbɨ̀Ꞌɨ̀ Yesò tseke a ègwet èbȩ Olìf è wu a mbì lob nɨ̧ Mbɔ̧ɔ̧mà la, Pità bɔ̂ Jimsì nè Jɔ̌n bɔ̂ Andùlù e kɨꞋɨ̀ a ntsèm mbììte atò nê,

Ntu̧ Ntsɔ̧̀ MAK 1:29

Yesò lɔ̀Ꞌ a lob Mbɔ̧ɔ̧mà yu mbê ngà a lob Simùn bɔ̂ Andùlù. Jimsì bɔ̂ Jɔ̌n e kùŋè àwɔb.

Matìù 26:37

Tà bɔ̂ nɨa Pità nè bɔ̧ Zebèdiì bu babe la. Tà bùꞋ me ghɔ̧̀ɔ̧̀ne a èntɨ̧ɨ̧ vi, ènyit tò e me bɨɨ.

Matìù 20:20

ÀfɨꞋa mbɔŋ nyɨ̌ bɔmbâ̧ Zebèdiì bu babe la kɨꞋɨ abua Yesò, ŋɔꞋne a si a mbì tò nê tà ghɨ̀ àghɨa ko abua zi.

Matìù 17:1

Èlibȩ è tsè bentùa, Yesò nɨa Pità nè Jimsì bɔ̂ wanyɨ vi Jɔ̌n bɔ kɔꞋ nga a ègwet èbȩ èseè ko ntsèke bɔ̀ɔ ndziꞋne.

Ètsə 22:8

Wu mmɔ̌ Jɔ̌n e ndi ndzə, mè ndze èghɨ bàa la. Mbɨ̀Ꞌɨ̀ mâ zə mè ndze bùà la, e mbɔ̀te a si a mbì wantu̧ Mbɔ̧ɔ̧mà wu tà nyɨꞋte am èghɨ bàa la, nê e nkɨ wùꞋte atò,

Ètsə 1:1

Àkatè yaa a làꞋà ànəa ètsə Yesò Klistò li nyɨ̀Ꞌte abua bɔfàꞋa Mbɔ̧ɔ̧mà, ane èghɨ è bele yaŋe e ghɨ̀ la. Wu Mbɔ̧ɔ̧mà ka tà li ngɨ̀ Yesò koê èghɨ ngaa la. Yesò li ntsàa wantu̧ vi, tà nyɨ̀Ꞌte èghɨ ngaa abua wɔ̀fàꞋ vi Jɔ̌n.

3 Jɔ̌n 1:1

Letà Wajûŋ ayɔɔ bòt Yesò, Abua Gayɔ̀s wu màa nkɔ̀ŋkà nkàà nkûŋ yu ane ànəa Mbɔ̧ɔ̧mà la.

Ètsə 18:20

Ègwet, wùꞋtè àwê nkàà ndɨ tà kwen la. Bòt Mbɔ̧ɔ̧mà nè bɔntu̧ Mbɔ̧ɔ̧mà, nè bèndàꞋàtɔŋ Mbɔ̧ɔ̧mà leꞋ, bɨ̀ wùꞋtè àwɨ̧, Babilɔ̀n è kwen. Mbɔ̧ɔ̧mà nɔ̀ŋe ngoꞋ a ègwet tò nkàà àghɨa tà li ngɨ̀ ane yɨ̧ la.”

Ntu̧ Ntsɔ̧̀ MAK 6:30

Bɔntu̧ Yesò bu e li nkua a lèghȩ̀ȩ̀nè wu nkwene ane tò, shua tò àghɨ àgème bɔ ghɨ̂ mè nyɨ̀Ꞌte la.

Jɔ̌n 6:67

Yesò shu abua èbu ntsɔ̀b babe la nê, “Bɨa sa am ghà àyɨ̧ mɨ̧̂?”

Jɔ̌n 6:70

Yesò bɨ̀ɨ̀lè nê “E ndɨ è nka laa wɨ̧ ntsɔ̀b babe, wòt wemɔ̀Ꞌ naa bɔ ewu wòt Satàn?”

Jɔ̌n 6:71

Tàa ndàꞋà ale ngua ŋa abua Judàs waã Simùn wu èlen tò ko wu Iskaliòt la, nkàà nê tà batè ngu wekǒ ayɔɔ bɔkatè bu ntsɔ̀b babe la ale, mbɔ̂ ngu we tàa lɔ̀Ꞌɔ efɨ̧̀ɨ̧̀ne a Yesò la.