Matìù 1:21 - Mundani

²¹ Taa bi wambâ̧ bɨa tsì èlen tò nê Yesò, nkàà nê taa li tsǐ bòt bi a èbem mènəè kàbɔ̀ŋ mɔb e ghɨ̌ bɔɔ peme.”

Matìù 1:21 Referans Kwoze

ÀfaꞋa 13:23

“E li ngu wòt àndǎ̧ Dàbid Mbɔ̧ɔ̧mà li ntsì nê tà kɨꞋɨ ngu Mpemnà bòt Izəèlȩê mbɨ̀Ꞌɨ̀ ye li nkàꞋ la. Ŋut wu Yesò à.

ÀfaꞋa 4:12

Wu ndàꞋà tòà ka tàa ŋa mèmpème kàlìà la. Mbɔ̧ɔ̧mà ŋa atò abua ya, tè èlen tsa è ka tsi nguê a èten ègwet betsiꞋa e ghɨ̀ ba bɔ mèmpème kàlìà la.”

Jɔ̌n 1:29

ÈtsəꞋ e tsi Jɔ̌n ye a Yesò nkɨ̀Ꞌa ekwene ane tò la, nê “Bɨ̀ ye Wanjɨ̀ Mbɔ̧ɔ̧mà wu tàa tsì mènəè kàbɔ̀ŋ bòt ngɔ̀ŋ la.

1 Jɔ̌n 3:5

Bɨ ko nê Yesò Klistò li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsì a kàbɔ̀ŋ bòt, mbɔ̂ kàbɔ̀ŋ kà bê ngu a èntɨ̧ɨ̧ tò.

Lûk 2:21

Èli befà̧aã e le tsê, àfɨꞋa bɔ̀ɔ naŋe wakèfi wu la a kuêꞋ bɔ tsì èlen tò ane Yesò, wuê mbɨ̀Ꞌɨ̀ wantu̧ Mbɔ̧ɔ̧mà lè ŋa ka bɔɔ li ekɔɔle atò la.

ÀfaꞋa 5:31

Mbɔ̧ɔ̧mà li ndɔke atò ntsìà àbâ àbualu̧ azi mbɨ̀Ꞌɨ̀ Fɔ̧̀ nè Mpemnà. Tà li ndɔ̀ke atò mbɨ̀Ꞌɨ̀ eŋa bòt Izəèlȩê èlu̧ bɔ̀ɔ kubte ane mènəè kàbɔ̀ŋ mɔb yea waꞋa a kàbɔ̀ŋ wɔb mɨ̧̂.

Lûk 1:31

Aa kɔɔle lɔ̀Ꞌɔ bi wambâ̧ e tsì èlen tò ane Yesò.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Lûk 2:11

Bɔ bi waã ètsəꞋ wàa a èbem àpfəèa Fɔ̧̀ Dàbid, è wu Mpemnà wɨ̧ la. Tà wu Klistò Lefɨ̀Ꞌ.

1 Jɔ̌n 1:7

Ka ba me ghɨ̀ mènəè ma a èbem èkaꞋà, wuê mbɨ̀Ꞌɨ̀ Mbɔ̧ɔ̧mà wu a èbem èkaꞋà la, ko ba tsiꞋi àghɨ yeamɔꞋ nè bɔnyɨ ba. Àlo̧ a Waã tò Yesò, aa mè ngu me shùù mènəè kàbɔ̀ŋ bàa ngɨ̀à la ègème.

ÀfaꞋa 3:26

È wu ale, bɨ̀ ko nê, bɨ wu bòt mbì Mbɔ̧ɔ̧mà li ndȩ̀ Waã vi ntsaa abua yɨ̧ la. Tà li ntsaa atò nê tà ghɨa bɨ̀ sà mènəè kàbɔ̀ŋ mɨ̧ mbɨ̀Ꞌɨ̀ yea lɔ̀ɔ̀lè àwɨ̧.”

Ètsə 7:14

E shu abua tò nè, “Tê, wu àwɔ̀ ka à ko la.” Tà mè shu abua am nê, “Eyaa wu bòt bu bɔ tse a èbem ngoꞋ kèkweelè yu la. Bɔ nɨ àlo̧ Wanjɨ̀ wu shùù ndǐ tɔb tè te fəətè.

Ebùlù 7:25

Ale, betsiꞋa Yesò ko ngɨ̀ bòt bu tà ghɨ̂ bɔ kɨꞋɨ abua Mbɔ̧ɔ̧mà la, e peme nènkèm nkàà nê, tàà ntsèka ndɨ̀à ànəa yɔb a mbì Mbɔ̧ɔ̧mà àli àgème.

Lûk 1:13

Ka wantu̧ wu shu abua tò nê, “Zàkàleyà, à ka mbɔ̀ɔ̂, Mbɔ̧ɔ̧mà zə àtsàꞋtè àyê. Vi wè Èlisabèt bèle bi wambâ̧ abua yê, aa tsì èlen tò ane Jɔ̌n.”

Matìù 1:25

Tà nɨ atò ale, ka tà kà nɔ̀ŋkè bɔ̂ tò tè tà ghɨ̀ mbì wambâ̧ wu, tà tsì èlen tò nê Yesò.

Jɔ̌n 4:42

Bòt bu e shu abua àvi wu nê “Bà ka zià mèntɨ̧ɨ̧ ma ane tò àfɨ̀Ꞌ yaa nkàà ànəa à yaã shua wa la, ba tsiꞋa ndzìà nkàà nê bàambɔŋ e zə ànəa tà làꞋà la, mè nko nê tà lâ ngu Mpemnà bòt ngɔ̀ŋ yaa.”