Matìù 1:16 - Mundani

¹⁶ Jàkɔ̂b wu tǎt Jòsêb lu̧ Màlià wu tà lè bia Yesò wu bɔ̀ le wua ntɔ̌ tò nê Klistò la.

Matìù 1:16 Referans Kwoze

Matìù 27:17

Ènɔ̧̂ bòt e tseke tè mbù̧ù̧tè Pȩlèt bììte awɔb nê, “Bɨ̀a nkɨà nê è sa wa ane bòt ba à? È sa Bàlabasì kò è sa Yesò wu bɔ̀ɔ ntɔ atò ane Klistò la à?”

Jɔ̌n 4:25

Tà làꞋ ale, àvi wu shu abua tò nê, “Mâ ko nê Fɔ̧̀ wu Mbɔ̧ɔ̧mà li ndzɔꞋ etsàà la, e wu bɔ̀ɔ ntɔ atò nê Klistò la nàà nkɨ̀Ꞌa. Taa kɨꞋɨ e shua wa mènəè ègème.”

Lûk 3:23

Yesò lè wu mbɔ̀ŋè èngùꞋ èghem yetat àfɨꞋa tà bùꞋ me nyɨꞋte banɔ̧̀ mènəè Mbɔ̧ɔ̧mà la. Yesò li ngu waã Jòsêb mbɨ̀Ꞌɨ̀ bòt e li nko la. Jòsêb wu li ngu waã Eli.

Matìù 27:22

Pȩlèt mè nê bɨ̀a nkɨà nê è ngɨ̌ ghà ane Yesò wàa bɔ̀ɔ ntɔ atò ane Klistò la à? Bòt bàgème e nê, “Wu̧u̧te, wu̧u̧te atò a mbɨ̧̀ Mbasa.”

Lûk 4:22

Mèngǎ̧ Yesò è nyi awɔb. A mè ntaꞋa tsè àwɔb ane mèngǎ̧ ntsɔ̧̀ mu è dzəè a ètsəê tò la, bɔ me shu nê, “Tè eyaa ntsè waã Jòsêb?”

Lûk 2:48

ÀfɨꞋa tǎt tò bɔ̂ nyɨ̌ tò e ye atò la, mètsəê mɔb lià. Nyɨ̌ tò bììte atò nê, “Waã am, àghɨ yaa à ghɨ̀ ane ya anè la, wu ghà à? Ba tǎt wè e taꞋa bente àfɨꞋa baa wua nkɨ̀a awê la.”

Lûk 2:7

Màlià bi waã mbi vi, wambâ̧. Bɔ lèbte atò a èbem ndǐtsə mbɔ̂ nɔ̀ŋè atò a èbem èpfəêꞋ àdziꞋa bɔ̀ɔ njɨ̀a njɨ̀tsə la, nkàà nê àdziꞋ a li à ka wuê a èbem lob bègɨ̧̀ àa nkɨ̀Ꞌa ntsèka la, bɔɔ tseke.

Lûk 1:27

Tà li mbɔ̌ ntu̧ abua angɔ̧̀ kǒ èlen tò wu Màlià la. Tà li ngu èleè Jòsêb kǒ tà dzəè a àndǎ̧ Fɔ̧̀ Dàbid la.

Ntu̧ Ntsɔ̧̀ MAK 6:3

Tè eyaa ntsě kapentà wu tà wù waã Màlià la à? Ka Jimsì bɔ̂ Jòsêb, nè Simùn bɔ̂ Judàs wu bɔnyɨ tò à? Ka bɔnyɨ tò bɔɔ̀zi aà ntsèka ba tò ba à?” Bɔ làꞋ ale, mbɔ̂ ntû̧ èngǎ̧ tò.

Matìù 2:13

ÀfɨꞋa bòt èyì bu e ghà la, wantu̧ Mbɔ̧ɔ̧mà kɨ̀Ꞌɨ̂ abua Jòsêb a ndzò̧ shu abua tò nê, “Lɔ̀Ꞌɔ a si nɨ̀ waã wu bɔ̂ nyɨ̌ vi ndùùlà ngà a Ejìb. Bɨa ghǎ bɨ tseke abàꞋ və tè àfɨꞋa mâ shu nê bɨ dzəa la. E shua anè nkàà nê Elɔ̀d nàà me kɨ waã wu ebùŋe.”

Matìù 1:15

Elùd lè wu tǎt Èlèazà, Èlèazà wu tǎt Matàn, Matàn wu tǎt Jàkɔ̂b,

Matìù 16:16

Simùn Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la, Waã Mbɔ̧ɔ̧mà yû̧.”

Matìù 16:20

Yesò ghɨ̀ ale, mbɔ̂ səèŋkè ètû̧ bɔkatè bi nê bɔ̀ ka shu wòt nê ye wu Fɔ̧̀ wu Mbɔ̧ɔ̧mà yɔꞋ ntsà la.