Lûm 9:1 - Mundani

¹ Ànəa e shua la wu nkûŋ, ndɨ̀ wu è ntsiꞋi àghɨ yeamɔꞋ nè Yesò Klistò la. È nka laꞋà mèfà̧. Mèmɨ̀ɨ̀te mɔ̧ ane ndɨ Fo Kèfə nàa nyɨ̀Ꞌta la, è shu am nê è nka fɨta fɨte.

Lûm 9:1 Referans Kwoze

1 Tɔ̀màtià 2:7

Eyaa wu lə Mbɔ̧ɔ̧mà li ndzì am ane wantu̧ vi nê, è me tsɔ̀te ntu̧ yaa abua bòt kà wu Bèjuê la. Tà li nê, è nyɨꞋte èngǎ̧ vi wu è wû nkûŋ la abua bòt, mbɨ̀Ꞌɨ̀ bɔɔ la ebɨ̧ɨ̧ne. È nka laꞋà mèfà̧. E shua nkûŋ.

Lûm 1:9

Mbɔ̧ɔ̧mà wu mâ ŋa am nènkèm abua tò a mànstsɔta Ntu̧ Ntsɔ̧̀ waã tò la, è koê nê ànəa e ndàꞋà la wu nkûŋ nê, màa ngɨ̀ e me tsàꞋte atò àfɨ̀Ꞌ àgeme e me làꞋà ànəa yɨ̧ abua tò,

Gàlashìà 1:20

Ane nkûŋ, a mbì Mbɔ̧ɔ̧mà, ànəê yaa e shɨa abua yɨ̧ la, ntsě àfɨte.

Filìpȩ 1:8

Mbɔ̧ɔ̧mà è ko nkûŋ nkûŋ nê, maa ndâ nkɔ̀ŋkà àwɨ̧ nè èkɔŋ wu e dzəa abua Yesò Klistò zìa mbɔŋ la.

2 Kɔlìn 11:10

Mbɨ̀Ꞌɨ̀ mènəè nkûŋ màa ane ànəa Yesò Klistò bele a èntɨ̧ɨ̧ am nkwèèla la, wòt kǒ tàa kele am nê è nka tsi ngàꞋtè am nê maa kà nɨ àghɨ abua yɨ̧ la ntsě. Wòt mbê ntsě ka wuê àbâ èlaꞋ Akayà àgème.

Lûm 8:16

È wu Fo Mbɔ̧ɔ̧mà èfɔte ne àghɨa àa mèntɨ̧ɨ̧ ma la, shua nê ba wu bɔ̧ Mbɔ̧ɔ̧mà la.

1 Tɔ̀màtià 1:5

E shua nê kele awɔb anè mbɨ̀Ꞌɨ̀ bɔɔ me kɔ̀ŋkè bɔnyɨ bɔb nè èntɨ̧ɨ̧ kà wua fèèlè àwɔb, mè me ghɨ̀ wuê èghɨ bɔ ko nê e kùꞋù la, mè me nèèta ndzìà mèntɨ̧ɨ̧ mɔb ane Mbɔ̧ɔ̧mà.

1 Tèsàlonikà 2:5

Bɨ ko ntsɔ̧̀ Mbɔ̧ɔ̧mà mè nko mɨ̧̂ nê ba li bà ka làꞋà abua yɨ̧ ne ètsəê nendɨ̧, bà ka làꞋà èngà̧ àfible mbɨ̀Ꞌɨ̀ enɨ àghɨa ko abua wòt.

2 Kɔlìn 12:19

Tè bɨa ntsèka mɨ̀ɨ̀tà nê ba wua tàŋà ànəa ya a mbì lɨ̧? ChaꞋ a ntsě ale. Bɔnyɨ ba, ba làꞋà anè a mbì Mbɔ̧ɔ̧mà mbɨ̀Ꞌɨ̀ bòt Yesò Klistò, nê àghɨ àgème ba ghɨa la ba wua nkɨ nɨ etɨŋe awɨ̧.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

1 Tɔ̀màtià 5:21

Mâ chɨɨme shù̧ù̧te awê a mbì Mbɔ̧ɔ̧mà nè Yesò Klistò nè bɔntu̧ bu tà làà la nê, yute nkɨ̀a tàa e ŋa la ntsɔ̧̀. Me ghɨ̌ àghɨ àgème kà wua ndɨ̀ŋkà mèsi, à ka mè ngɨ̀ ànəê nê ye kɨ efɨte etɨŋe wòt kǒ.

2 Kɔlìn 11:31

Mbɔ̧ɔ̧mà Tǎt Yesò Lefɨ̀Ꞌ ko nê ànəa mâ shu la wu nkûŋ. Bà me wùꞋte atò ane àlia nè àlia.

2 Kɔlìn 1:23

E ndi me tu̧u̧ e kɨꞋɨ a Kɔlìn ale ngua mbɔ̀ɔ̀ mbɨ̀Ꞌɨ̀ mèntɨ̧ɨ̧ mɨ̧ paà me ghò̧ò̧ne. Tè e me làꞋa anè ngua fɨ̀ta fɨte Mbɔ̧ɔ̧mà ghɨ̀ e ndze ngoꞋ.

Lûm 2:15

Èghɨ bɔ̀ɔ ngɨ̀à la e nyɨꞋtè nê Mbɔ̧ɔ̧mà zi mbɨ̧ mbɔŋ a mèntɨ̧ɨ̧ mɔb, nkàà nê bɔ̀ɔ ngɨ̀ bɔ̀ ghɨ̀ àghɨ mbɨ̀Ꞌɨ̀ mbɨ̧ shu la, mèntɨ̧ɨ̧ mɔb ka feele àwɔb, ka bɔ̀ pààte mbɨ̧, mèntɨ̧ɨ̧ mɔb me fèèlè àwɔb.

Lûm 9:2

Tèsȩ tea ndâ nkua am, èntɨ̧ɨ̧ am e mè ndù̧à àfɨ̀Ꞌ àgème ane ànəa bòt ba bòt Izəèlȩê.