Lûm 8:37 - Mundani

³⁷ Àghɨ a ntsě. Èghɨ bàà aà mbàta ngɨ̀à ane ya ale, ka baa bɔ̂ ndâ ntsè èbùà ègème, nkàà Yesò wu tà kɔ̀ŋkè awa la.

Lûm 8:37 Referans Kwoze

1 Kɔlìn 15:57

Ka bà kɔ̀ŋka Mbɔ̧ɔ̧mà wu tà ghɨ̂ ba nù tè ntsè, nkàà àghɨa Yesò Klistò Lefɨ̀Ꞌ wa è ghɨ̀ la.

1 Jɔ̌n 4:4

Ka è me wu awɨ̧, bɔ̧ bɔ̧ bɨ wu bòt Mbɔ̧ɔ̧mà. Bɨ nù bèndàꞋàtɔŋ Mbɔ̧ɔ̧mà àfɨte tè ntsè, nkàà nê Fo yu a mèntɨ̧ɨ̧ mɨ̧ la è kweele tê ntsè yu a mèntɨ̧ɨ̧ bòt ngɔ̀ŋ yaa la.

2 Kɔlìn 2:14

Ka mèngùꞋte wu abua Mbɔ̧ɔ̧mà. Tà gha ambo èlɨ̀ wu bà tsiꞋi àghɨ yeamɔꞋ nè Yesò Klistò la ntse a mbì la me ghaꞋa èlu̧ ba me nû a Satàn ntsèà. Tà ghɨ̂ ba wu mbɨ̀Ꞌɨ̀ mèwet àghaa ntsɔ̧̀ bàa ntsèà àdziꞋ àgème ngɨ̀à bòt e koa àghɨa Yesò Klistò wu yùà la.

Ètsə 21:7

Wòt tà nù tê ntsè la naa bɔ èghɨ bàagème, maa wu Mbɔ̧ɔ̧mà tò, tàa mě wu waã am.

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.

Jûd 1:24

MèngùꞋte wu abua Mbɔ̧ɔ̧mà. BetsiꞋa tà ko ngɨ̀ tè bɨ̀ ka faãaãtè èka bɨ̧, mè ngɨ̀ ndɨ bɨ̀a tɨ̧ɨ̧ a mbì tò kà ye àghɨa bɔ̀ɔ fèèlè àwɨ̧ adù̧ la, mbɨ̀Ꞌɨ̀ bɨa ye ènɨ̧ tò ebɔ mèngùꞋte.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

2 Kɔlìn 12:9

Ka tà shu abua am nê, “Maa tɨŋe awê. Ntsɔ̧̀ am è kùꞋù abua yê ngu nê bɔɔ mpàa ndzea mètàŋ mɔ̧ ane èghɨ bu àa nyɨ̀Ꞌta nê à bakà bɔ mètàŋ la.” Ale, maa me ghàꞋtè am ane èghɨ bu àa nyɨ̀Ꞌta nê e mbakà bɔ mètàŋ la nè mèngùꞋte mbɨ̀Ꞌɨ̀ mètàŋ Yesò Klistò naa wu adù̧ yaã.

Ètsə 17:14

Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

1 Jɔ̌n 4:19

Baa nkɔ̀ŋkà Mbɔ̧ɔ̧mà nè bɔnyɨ ba, nkàà nê Mbɔ̧ɔ̧mà li mbɨ̀ nkɔ̀ŋkè àwa.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

1 Kɔlìn 15:54

Naa li ngu àfɨꞋa àghɨa àa fìà la a wèè àvi nè àyea àa ka fì la, àyea àa mpfəa la a wèè àvi nè àyea àa ka pfə la. ÀfɨꞋa mbɔŋ, àghɨa bɔ shɨ a èbem Àkata Mbɔ̧ɔ̧mà la a te. “Bɔ nù èvə tè ntsè, èbet wu e mî.”

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

Ètsə 3:9

È me wu bòt ènɔ̧̂ Satàn, bòt mèfà̧ bu bɔ̀ɔ shua nê bɔ wu Bèjuê kà wu bùà la, ko maa ghɨ̌ bɔɔ kɨꞋɨ eŋɔꞋne a si a mbì lɨ̧ ekukte awɨ̧. Bɔɔ ko bàgème nê maà nkɔ̀ŋkà àwɨ̧.

1 Jɔ̌n 4:10

Ye àghɨa èkɔŋ è wu yùà la. È ntsě bàa ba li nkɔ̀ŋkè a Mbɔ̧ɔ̧mà la, wu tòà kà tà li nkɔ̀ŋkè àwa ntsàà Waã vi nê tà ŋà àtsəa zi nɨŋ nchùꞋù àtsəa bɔbȩ ane bèkàbɔ̀ŋ bɔb la.

2 Kɔlìn 12:19

Tè bɨa ntsèka mɨ̀ɨ̀tà nê ba wua tàŋà ànəa ya a mbì lɨ̧? ChaꞋ a ntsě ale. Bɔnyɨ ba, ba làꞋà anè a mbì Mbɔ̧ɔ̧mà mbɨ̀Ꞌɨ̀ bòt Yesò Klistò, nê àghɨ àgème ba ghɨa la ba wua nkɨ nɨ etɨŋe awɨ̧.

Lûm 8:35

Wòt wu tàa ghɨ̌ Yesò Klistò naa baka tsi nkɔ̀ŋkè àwa la wu wàà? Wu ngoꞋ, kò ngɨ̧̀ɨ̧̀nè, kò mànkɨa àtsəa wòt enɨ, kò èchɨɨ, kò màntseka ka ye ndǐ ekwaãaã, kò màntseka nùka èvə, kò nyi bɔ̀ɔ nɨ bùŋe wòt la à?