Lûm 8:28 - Mundani

²⁸ Baà ko nê Mbɔ̧ɔ̧mà nàa ngɨ̀à àghɨa àgème wuê ane ntsɔ̧̀ bòt bu bɔ̀ɔ nkɔ̀ŋkà tò la, bòt bu tà tɔ awɔb mbɨ̀Ꞌɨ̀ tà li nɔ̀ŋè la.

Lûm 8:28 Referans Kwoze

1 Pità 5:10

Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

1 Kɔlìn 2:9

Mbɨ̀Ꞌɨ̀ Àkata Mbɔ̧ɔ̧mà a shu la, “Àghɨa kà èghɨ e li mè ye, Nè àghɨa kà àtû̧ a li mè zə Nè àghɨa kà èntɨ̧ɨ̧ e li mè mɨ̀ɨ̀te, Wu àghɨa Mbɔ̧ɔ̧mà taŋke abua bòt bu bɔ̀ɔ nkɔ̀ŋkà tò la.”

Lûm 8:30

Tà ghɨ̀ ale, mè ntɔ bòt bu tà li mbele àfɨꞋa tsa nɔ̀ŋè nê bɔɔ li wu mbɨꞋɨ̀ waã vi la. Tà tɔ ale ngɨ̀ bɔ tsiꞋi bòt bɔ tɨ̧ɨ̧ ndɨŋndɨ̀ŋ a mbì tò la. Tà ghɨ̀ ale, mè ngɨ̀ bòt mbɔŋ e bɔ ènɨ̧ wu tà bɔ la.

2 Tɔ̀màtià 1:9

Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.

1 Kɔlìn 1:9

Mbɔ̧ɔ̧mà naa lâ ghɨ̀ àyaa ane yɨ̧ nkàà nê tàà ngɨ̀à àghɨa tà shu la àfɨ̀Ꞌ àgème. Wu tòà tà tɔ àwɨ̧ nê bɨ̀ kɨꞋɨ ngu a èbem mèntsèke ntsɔ̧̀ nè waã vi Tǎt wa Yesò Klistò Lefɨ̀Ꞌ wa la.

Ètsə 3:19

“ ‘Bòt bu màa nkɔ̀ŋkà la wu bòt màa ŋȩ awɔb, mè mbà̧à̧ta wɔb ane èbu kekweelè mbɨ̀Ꞌɨ̀ bɔɔ bɔ èyì la. È wu ale, bɨ̀ kwàꞋte ntsɔ̧̀ nkùbte mènəè kàbɔ̀ŋ mɨ̧.

Gàlashìà 1:15

Ka àfɨꞋa a li mbɔ a Mbɔ̧ɔ̧mà wu tà li ndàà am ka bɔɔ li ebi am la, tà nɨ̀ tèsȩ ti ntɔ am ane èkɔŋ vi,

1 Tèsàlonikà 5:9

Mbɔ̧ɔ̧mà li tà kà wua ndàà wa nê ntsǒ zi li nɔ̀ŋke àtsəa ya bà ye ngoꞋ. Tà li ngua ndàà wa mbɨ̀Ꞌɨ̀ e ghɨ̌ Yesò Klistò Lefɨ̀Ꞌ wa naa ŋa awa mèmpème kàlìà.

Ntu̧ Ntsɔ̧̀ MAK 12:30

‘Me kɔ̀ŋke Tǎt wè Mbɔ̧ɔ̧mà nè èntɨ̧ɨ̧ wê ègème, ŋà wê nènkèm abua tò, mè me mɨ̀ɨ̀tè wuê atò fɔ̀ɔ̀la nè mètàŋ mè ègème.’

Efesɔ̀s 3:11

Mbɔ̧ɔ̧mà li ngɨ̀ àyaa wuê mbɨ̀Ꞌɨ̀ tà li ndzaŋe taŋke a mèmbùꞋu la. Tà li ngɨ̀ Yesò Klistò Lefɨ̀Ꞌ wa ghɨ̀ a tsè wuê mbɨ̀Ꞌɨ̀ tà li ntàŋke la.

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

1 Jɔ̌n 4:19

Baa nkɔ̀ŋkà Mbɔ̧ɔ̧mà nè bɔnyɨ ba, nkàà nê Mbɔ̧ɔ̧mà li mbɨ̀ nkɔ̀ŋkè àwa.

2 Tɔ̀màtià 2:19

Ka, betsiꞋa àtetsi àkekweelè yu Mbɔ̧ɔ̧mà li mbɔ̧ la à ka nyiꞋnè. Bɔ shɨ mèngà̧ maa adù̧ və nê, “Mbɔ̧ɔ̧mà è ko bi ne bòt.” Mè shɨŋ nê, “Wòt tà laꞋnê ye wu wòt Mbɔ̧ɔ̧mà la è bɔ ndɨ tàa waꞋa mènəè kàbɔ̀ŋ mi la.”

1 Jɔ̌n 4:10

Ye àghɨa èkɔŋ è wu yùà la. È ntsě bàa ba li nkɔ̀ŋkè a Mbɔ̧ɔ̧mà la, wu tòà kà tà li nkɔ̀ŋkè àwa ntsàà Waã vi nê tà ŋà àtsəa zi nɨŋ nchùꞋù àtsəa bɔbȩ ane bèkàbɔ̀ŋ bɔb la.

Lûm 9:11

Bɔ li bɔ̀ ka batè ndzìꞋi mbi àwɔb, bɔ̀ ka meè ndzìꞋì ngɨ̀ àghɨa ntsɔ̧̀ kò àyea kàbɔ̀ŋ leꞋ, ka mbɨ̀Ꞌɨ̀ aa nyɨꞋte nê Mbɔ̧ɔ̧mà li ndàà waã mbɔŋ ane mènkɔ̀ŋke mi mbɨ̀Ꞌɨ̀ tà li nɔ̀ŋè la,

2 Kɔlìn 5:1

Ba ko nê mbɨ̧te ènyit ta tàa te wu mbɨꞋɨ̀ bayò bàa ntsèka a èbèm a sitsǎꞋ ŋàa la. Bɔ bùà bayò mbɔŋ ko baa bɔ lob a ègwet kà vəə bɔbȩ. Lob mbɔŋ wu lob Mbɔ̧ɔ̧mà zìambɔŋ è vəə nàa li ewu ane àlia nè àlia la.

Gàlashìà 5:8

E ntsě Mbɔ̧ɔ̧mà wu tà tɔ awɨ̧ la ka ŋwèèlè àwɨ̧ ale la.

ÀfaꞋa 13:48

AfɨꞋa bòt kà wu Bèjuê e zə ayaa la, mèntɨ̧ɨ̧ mɔb bɔ̀ŋ, bɔ wùꞋtè èngǎ̧ Mbɔ̧ɔ̧mà. AfɨꞋa mbɔŋ, bòt bu Mbɔ̧ɔ̧mà è làà àwɔb nê bɔɔ li ebɔ mèmpème kàlìà la, e zì mèntɨ̧ɨ̧ mɔb ane Yesò.

Lûm 11:29

Aa ale nkàà nê Mbɔ̧ɔ̧mà nàa ngɨ̀ tà ŋa àghɨ abua wòt, kò ntɔ a ŋut leꞋ, tà ka tsi nkùbte èntɨ̧ɨ̧ vi.

1 Kɔlìn 1:2

Abua bòt chɔsì Mbɔ̧ɔ̧mà wu a Kɔlìn la, bɔ̀ɔ wu bɔ̀ tsiꞋi àghɨ yeamɔꞋ nè Yesò Klistò, bɔ̀ tsiꞋi bòt Mbɔ̧ɔ̧mà la, nè bòt bu àdzìꞋ ègème bɔ̀ɔ ngùꞋtà èlen Yesò Klistò mbɨ̀Ꞌɨ̀ Lefɨ̀Ꞌ wɔb nè wa la.

1 Kɔlìn 1:24

Ka è me wu bòt Mbɔ̧ɔ̧mà tɔ la, Bèjuê nè bòt ka wu Bèjuê èngǎ̧ waa ba làꞋà la wu ànəa Yesò Klistò wu tà wù mètàŋ Mbɔ̧ɔ̧mà mè ngu èyǐ tò la.

Gàlashìà 1:6

A taꞋa tsě am ndɨ bɨ bê ntsìꞋa sà Mbɔ̧ɔ̧mà wu tà li ntsè ane tèsȩte Yesò Klistò ka ntɔ awɨ̧ la, ntsìꞋa mbɨ̧̀ɨ̧̀na Ntu̧ Ntsɔ̧̀ kǒ tsa la.

Efesɔ̀s 4:1

Ale, mmɔ̌ wu è ngu wɔ̀tèfȩ nkàà ànəa Yesò Klistò la, e ngua shù̧ù̧ta wɨ̧ nê, bɨ̀ me tseke a èlɨ̀ wu Mbɔ̧ɔ̧mà li me tɔ awɨ̧ ane bòt bi nê bɨ me tseke la.

Filìpȩ 3:14

Maà ŋwèèlà ngà wuê nè mbì, mbɨ̀Ꞌɨ̀ à gha à me lìa, e mbɔ àghɨ yu, è wù mèmpème mu Mbɔ̧ɔ̧mà tɔ am nê è nkɨꞋɨ a ègwet mbɔŋ ndɨ̀ wu ba Yesò Klistò è tsiꞋi àghɨ yeamɔꞋ la.

Ebùlù 9:15

Ale, Yesò wu wòt tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi, mbɨ̀Ꞌɨ̀ bòt bu bɔ̀ tsiꞋi e be Mbɔ̧ɔ̧mà la, aa ye a ntsɔ̧̀ Mbɔ̧ɔ̧mà ane àlia nè àlia, mbɨ̀Ꞌɨ̀ tà kàꞋà la. BetsiꞋa àyaa a wu ale nkàà nê, Yesò Klistò li ŋà àtsəa zi mbɨ̀Ꞌɨ̀ e ghɨ̌ bòt aa peme ane mènəè kàbɔ̀ŋ mu bɔ li ngua ngɨ̀a àfɨꞋa bɔ li mbèle a èten mènkàꞋa kèkweelè mu Mbɔ̧ɔ̧mà li ngɨ a mbì la.

1 Pità 2:9

Ka bɨ wu bòt Mbɔ̧ɔ̧mà làà la, mè ngu bɔɔntɔꞋ Mbɔ̧ɔ̧mà bɔ̀ɔ ngɨ̀à mènəè tò la. Bɨ wu ngule àlaꞋ a Mbɔ̧ɔ̧mà, ale bɨ wu bòt Mbɔ̧ɔ̧mà. Tà tsì àwɨ̧ a èbem ndzěm nɨŋ nkɨ̀Ꞌɨ̂ a èbem èkaꞋà vi wu e ghe la, mbɨ̀Ꞌɨ̀ bɨa me làꞋà ànəa èghɨ bu ègème tàa ngɨ̀à, è wù èghɨ e ghe la.

1 Pità 3:9

Wòt ghɨa kàbɔ̀ŋ ane yê, à ka mvəèəè ane kàbɔ̀ŋ. Wòt tsɔ̧̀ɔ̧̀ àwê, à ka mvəèəè ane kèntsɔ̧̀ɔ̧̀mè. Ka wòt ghɨ̀ ànəa kàbɔ̀ŋ ane yê, à tsàꞋtè nê Mbɔ̧ɔ̧mà nyɨ̀Ꞌte a ntsɔ̧̀ vi abua tò. Bɨ̀ ko nê, Mbɔ̧ɔ̧mà li ngua ntɔ awɨ̧ mbɨ̀Ꞌɨ̀ e ghɨ̌ bɨa zə a ntsɔ̧̀.