Lûm 8:18 - Mundani

¹⁸ Mâ mɨɨtè nê betsiꞋa bàà ka fɨꞋnè ngoꞋ yu baa yea àfɨ̀Ꞌ yaa la ane ènɨ̧ wu bɔ̀ɔ li nyɨ̀Ꞌte abua ya la.

Lûm 8:18 Referans Kwoze

1 Pità 4:13

Ka bɨ̀ wùꞋtè àwɨ̧ nê bɨa ndzea ngoꞋ mbɨ̀Ꞌɨ̀ Yesò Klistò li ndze la, mbɨ̀Ꞌɨ̀ e li taꞋa ewùꞋtè àwɨ̧ àfɨꞋa tàa kɨꞋɨ bɨa ye ènɨ̧ tò la.

Kɔ̀losìà 3:4

Wu Yesò Klistò ka betsiꞋa tà ghɨ̀ mèntsèke ma lâ ngu àghɨ la. Naa li ngu àfɨꞋa tà mê mpuula a sitsǎꞋ ŋàa la, bɨ̀ambɔŋ e wu nè tò, mè mbɔ̀ èwuu ènɨ̧ wu tà bɔ la.

ÀfaꞋa 20:24

A batè ngu ale, ka è nka tsi nɨ mbɨ̧̀ yaã ane àghɨa ko, mbɨ̀Ꞌɨ̀ epaate àfaꞋa Yesò Lefɨ̀Ꞌ li ŋa abua am nê è ngɨa la. ÀfaꞋa mbɔŋ wu ndɨ màa tsɔ̀te Ntu̧ Ntsɔ̧̀ ndɨ Mbɔ̧ɔ̧mà nàa ngɨ̀à ntsɔ̧̀ adù̧ bòt bi la.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

1 Pità 1:13

Mbɨ̀Ꞌɨ̀ àa nè la, bɨ̀ taŋke awɨ̧ ntsɔ̧̀ ndɨ betsiꞋa bɨ ko ngɨ̀ àghɨ la, me baabe ènyit yɨ̧, mè nɔ̀ŋè ntɨ̀ yɨ̧ ègème ane mèmpème mu bɨ̀a bɔ ane àli yu Yesò Klistò nàa kɨꞋɨ la.

2 Tèsàlonikà 2:14

Tà li nɨ Ntu̧ Ntsɔ̧̀ zi yu ba li ndaꞋa abua yɨ̧ la, ntɔ awɨ̧ nê bɨ̀ wu bòt bi mbɨ̀Ꞌɨ̀ bɨa bɔ ènɨ̧ wu ane Yesò Klistò Lefɨ̀Ꞌ wa la.

1 Pità 5:1

E ngua shù̧ù̧ta wɨ̧ bɔɔjuŋ ayɔɔ bòt Mbɔ̧ɔ̧mà mbɨ̀Ꞌɨ̀ wajûŋ kǒ, mè ngua ndàꞋà mbɨ̀Ꞌɨ̀ wòt tà ye ngoꞋ Yesò Klistò li ndze la; mè ngu ebɔ wɔ̧ nê èghàb ane ènɨ̧ tò wu tàa li kɨꞋɨ nê wùà la.

Ebùlù 11:35

Èntɨ̧ɨ̧ mbɔŋ bɔ zi ane Mbɔ̧ɔ̧mà la e ghɨ̀ bèzi e mè ndze bòt bɔb bɔ li mpfəèꞋte Mbɔ̧ɔ̧mà mè ngɨ̀ bɔ yu̧u̧me la. Bɔ li ngɨ̧̀ɨ̧̀nè èbeko tè bɔ pfəꞋtè, ngu ndɨ bɔ tu̧u̧ ebɨ̧ɨ̧ne bɔɔ sà àwɔb la, bɔ̀ɔ nkɨ mbɨ̀Ꞌɨ̀ li eyu̧u̧me e bɔ mèntsèke ntsɔ̧̀ la.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.