Lûm 8:17 - Mundani

¹⁷ Ndɨ̀ wu bà wu bɔ̧ Mbɔ̧ɔ̧mà la, baa li bɔ èghɨ ntsɔ̧̀ bu tà nɔ̀ŋe abua bòt bi la, mè ngu fɔte nê Yesò Klistò èbɔ èghɨ bu Mbɔ̧ɔ̧mà nɔ̀ŋe abua tò la. Mbɨ̀Ꞌɨ̀ bàa ndzèa ngoꞋ mbɨ̀Ꞌɨ̀ Yesò li ndze la, baa li bɔ ènɨ̧ tò mɨ̧̂.

Lûm 8:17 Referans Kwoze

Gàlashìà 4:7

Ale, Mbɔ̧ɔ̧mà ghɨ̂ bɨ̀ ka tsi ngu èbùꞋ, bɨ tsiꞋi bɔ̧. Ndɨ̀ wu bɨ̀ tsiꞋi bɔ̧ la, bɨ wu bènjɨlob.

Gàlashìà 3:29

Ale, bɨ wu anè ngu bòt Yesò Klistò, ko bɨ wu bɔ̧ Abàlàghâm, mbɨ̀Ꞌɨ̀ Mbɔ̧ɔ̧mà li nkàꞋ la.

Efesɔ̀s 3:6

Ànəa ndò̧ mbɔŋ wu nê Ntu̧ Ntsɔ̧̀ Mbɔ̧ɔ̧mà è ghɨ̀ bòt kà wu Bèjuê e wu li bɔ èghɨ ntsɔ̧̀ bu Mbɔ̧ɔ̧mà nàa ngɨa ane bòt Izəèlȩê la mɨ̧̂. Bɔ tsiꞋi mbɨ̧̀ ènyit yemɔꞋ, mè mbɔ̀ è wɔb ne èghàb ane èghɨ ntsɔ̧̀ bu Mbɔ̧ɔ̧mà kàꞋa bòt bi la, ndɨ̀ wu bɔ̀ tsiꞋi àghɨ yeamɔꞋ nè Yesò Klistò la.

Ètsə 21:7

Wòt tà nù tê ntsè la naa bɔ èghɨ bàagème, maa wu Mbɔ̧ɔ̧mà tò, tàa mě wu waã am.

1 Pità 4:13

Ka bɨ̀ wùꞋtè àwɨ̧ nê bɨa ndzea ngoꞋ mbɨ̀Ꞌɨ̀ Yesò Klistò li ndze la, mbɨ̀Ꞌɨ̀ e li taꞋa ewùꞋtè àwɨ̧ àfɨꞋa tàa kɨꞋɨ bɨa ye ènɨ̧ tò la.

1 Pità 1:4

Mbɨ̀Ꞌɨ̀ àa ale la, ba tsiꞋa anè nchɨ̀Ꞌà èghɨ bu Mbɔ̧ɔ̧mà nɔ̀ŋe a ègwet abua bòt bi la. BetsiꞋa èghɨ mbɔŋ è ka bɨ, àghɨ à ka wuê etsòke, è ka meè ngu efəa.

Tȩtɔ̀s 3:7

mbɨ̀Ꞌɨ̀ Mbɔ̧ɔ̧mà wu naa ku tèsȩ ta, e mě ghɨ̀ mènəè ma naa tɨ̧ɨ̧ ndɨŋndɨ̀ŋ a mbì li. Tà li ngua ngɨ̀à ale mbɨ̀Ꞌɨ̀ baa bɔ mèmpème kàlìà mu ba nɔ̀ŋe ntɨ̀ ya adù̧ la.

Ebùlù 6:17

Mbɔ̧ɔ̧mà li me kɨ e ghɨ̌ bòt bu bɔ li mbɔ̌ ndɨ bɔ̀ɔ bɔ àghɨa tà li nkàꞋ la, aa la ko nê tà ka lɔ̀Ꞌ àlia ekubte èntɨ̧ɨ̧ vi a, tà zǐ nkà̧ nɨŋ sèntè ànəê yu ye kàꞋà la.

Jɔ̌n 17:24

“Lefɨ̀Ꞌ, maà nkɨà nê, bòt baa à ŋa abua am la, è li nkɨ̀Ꞌɨ̂ adzìꞋ yaa e nga la, mbɨ̀Ꞌɨ̀ eye ènɨ̧ am, è wu ènɨ̧ wu à li ŋa abua am, nkàà nê à li nkɔ̀ŋkè am, ka ngɔ̀ŋ naa li ebùꞋu la.

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

Filìpȩ 1:29

Aa ale nkàà nê, Mbɔ̧ɔ̧mà è ŋa awɨ̧ èlu̧ a màfaꞋa abua Yesò Klistò nê bɨ̀ ka me zì wuê ndàꞋ mèntɨ̧ɨ̧ mɨ̧ ane tò, tà ŋǎ nê bɨ̀ me ye ngoꞋ ambo ànəa tò mɨ̧̂.

2 Kɔlìn 1:7

Ntɨ̀ ya ane yɨ̧ nàà nkwèèlâ. Ba koê nê bɨ yea ngoꞋ mbɨ̀Ꞌɨ̀ ba li ndze la, ko Mbɔ̧ɔ̧mà naa zì mèntɨ̧ɨ̧ mɨ̧ wuê mbɨ̀Ꞌɨ̀ tà zǐ ma la.

Lûm 5:17

È wu nê kàbɔ̀ŋ wòt wemɔ̀Ꞌ li ngɨ̀ èvə e kɨꞋɨ adù̧ wòt ègème, ko àghɨ yu wekǒ nè wòt li ngɨ̀ la, a tsè àyea mbɔŋ nyaŋ. Tà li ngɨ̀ nê bòt bu bàgème tà nyɨꞋte a ntsɔ̧̀ vi ànyaꞋne abua yɔb, bɔ mè ntsìꞋi mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì tò la, è bɔ mèmpème kàlìà, me ntsè àghɨ àgème, nkàà àghɨa Yesò Klistò è ghɨ̀ la.

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

Ètsə 3:21

“ ‘Wòt kuule èntɨ̧ɨ̧ vi nù tè ntsèà ko maa li ghɨ tàa tseke a ègwet àtɨ̧a kèfɔ̧̀ am ba tò, wuê mbɨ̀Ꞌɨ̀ e ndi kuule èntɨ̧ɨ̧ am nù tè ntsè, Tǎt am ghɨ̀ e ntsèke ba tò a ègwet àtɨ̧a kèfɔ̧̀ tò la.

Lûk 12:32

“Bɨ̀ ka mbɔ̌, bɨ̀a wu bɨ̀ wu mbɨ̀Ꞌɨ̀ àlaã njɨ̀tsə kà ye mètàŋ mɔb la, nkàà nê aà mbɔ̀ a tǎt wɨ̧ a màngɨa bɨa tsiꞋi bèfɔ̧̀ mbɨ̀Ꞌɨ̀ tòà.

Matìù 16:24

ÀfɨꞋa mbɔŋ Yesò shu abua bɔkatè bi nê “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am.

1 Kɔlìn 2:9

Mbɨ̀Ꞌɨ̀ Àkata Mbɔ̧ɔ̧mà a shu la, “Àghɨa kà èghɨ e li mè ye, Nè àghɨa kà àtû̧ a li mè zə Nè àghɨa kà èntɨ̧ɨ̧ e li mè mɨ̀ɨ̀te, Wu àghɨa Mbɔ̧ɔ̧mà taŋke abua bòt bu bɔ̀ɔ nkɔ̀ŋkà tò la.”

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

ÀfaꞋa 20:32

“Àfɨ̀Ꞌ yaa, mâ zì àwɨ̧ a tèkitebu Mbɔ̧ɔ̧mà me shu̧u̧te nê èngǎ̧ tò wu àa nyɨ̀Ꞌta ndɨ tàa nkɔ̀ŋkà bɔbȩ la è ghɨa bɨ̀ me kweele. Taa ko lɔ̀ktè awɨ̧ e mě ŋà àwɨ̧ èlɔ̂t wu tà paŋe abua bòt bi bàgème la.

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

Matìù 25:21

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la, maa tsia wê àtsəa èghɨ nyaŋ. Nyi a lob ba nè è fɔte ngùꞋtè àwa.’

Lûk 24:26

Tè bɨ bakà ko laꞋ nê Fɔ̧̀ wu Mbɔ̧ɔ̧mà li ndzɔꞋ etsàà la, li mbɔ̌ ndɨ tàa ye ngoꞋ ka bɔ tseke a ègwet àtɨ̧ Kèfɔ̧̀ Mbɔ̧ɔ̧mà la à?”

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

2 Kɔlìn 1:5

Èlɨ bàa ndzea ngoꞋ kwàꞋ ànyaꞋne ane ànəa Yesò Klistò la, wu wuê èlɨ Yesò Klistò wu nàa ngɨ̀à Mbɔ̧ɔ̧mà zìà mèntɨ̧ɨ̧ ma la mɨ̧̂.

Filìpȩ 3:10

NdàꞋ àghɨa è ntsiꞋa nkɨ̀a la wu nê, è ndâ nko a Yesò Klistò, mè bɔ mètàŋ mu tà li mbɔ̀ mbɨꞋɨ̀ wòt tà yu̧u̧me la. Maà nkɨ kùŋe atò eye ngoꞋ mɨ̧̂, e mě pfə nkàà nê tà li mpfə mɨ̧̂.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

Ebùlù 1:2

Ka nè àfɨ̀Ꞌ yaa ngɔ̀ŋ tsìꞋa ndìa lìa la, tà tsiꞋi tsàà Waã vi tà me làꞋa abua ya. Waã mbɔŋ wu wòt wu tà tsě ane tò ngɨ̀ ngɔ̀ŋ yaa, mbɔ̂ nê taa tɨ̧ɨ̧ àtsəa èghɨ ègème la.