Lûm 8:14 - Mundani

¹⁴ Bòt bu bàgème bɔ̀ɔ ngɨ̀à mbɨ̀Ꞌɨ̀ Fo Mbɔ̧ɔ̧mà nàa shua la wu bɔ̧ Mbɔ̧ɔ̧mà.

Lûm 8:14 Referans Kwoze

Gàlashìà 5:18

Ka è wu nê bɨa ngɨ̀à àghɨa Fo Mbɔ̧ɔ̧mà nàa nkɨà la, ko bɨ te ntsě a èten mbɨ̧tsə.

Jɔ̌n 1:12

Ka bòt bàgème bɔ sèe atò, ndzì mèntɨ̧ɨ̧ mɔb ane èlen tò la, tà ghɨ̀ àwɔb bɔ tsiꞋi bɔ̧ Mbɔ̧ɔ̧mà.

Gàlashìà 3:26

Èntɨ̧ɨ̧ wu bɨ zi ane Yesò Klistò la è ghɨ bɨ tsiꞋi bɔ̧ Mbɔ̧ɔ̧mà.

Gàlashìà 5:16

TsiꞋ è shua wɨ̧ nê, bɨ̀ me ghɨ̀ mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ̀ ka me ghɨ̀ mbɨꞋɨ̀ mbɨ̧te ènyit tɨ̧ te kɨa la.

Ètsə 21:7

Wòt tà nù tê ntsè la naa bɔ èghɨ bàagème, maa wu Mbɔ̧ɔ̧mà tò, tàa mě wu waã am.

1 Jɔ̌n 3:1

Bɨ̀ ye èwuu èkɔŋ ko Tǎt wa Mbɔ̧ɔ̧mà bɔ ane ya la! Tà kɔ̀ŋkè àwa nyaŋ tè bɔ ntsiꞋa ntɔ awa ane bɔ̧ tò, ba bɔ mbê ngù bùà. Àghɨa a ghɨ̂ ka bòt ngɔ̀ŋ yaa è ka ko èwuu bòt bà wu bùà la, wu ndɨ̀ wu bɔ̀ bakà ko wòt Tǎt wa Mbɔ̧ɔ̧mà wu wùà la.

2 Kɔlìn 6:18

Ewu tǎt wɨ̧, bɨa mě ewu bɔ̧ bɔ̧, mbâ̧tsə nè bèzi. È làꞋà mmɔ̌ Tǎt wɨ̧ Mbɔ̧ɔ̧mà Àtsèàngɔ̀ŋ.”

Gàlashìà 4:6

Ane èlɨ̀ wu bɨ̀ tsiꞋi bɔ̧ Mbɔ̧ɔ̧mà la, tà tsàà Fo waã vi a mèntɨ̧ɨ̧ ma, ŋȩ nê, “Abà! Tǎt wa!”

Lûm 8:5

Bòt bu bɔ̀ɔ ntsèka mbɨ̀Ꞌɨ̀ mbɨ̧̀ ènyit kɨa la, aà mɨ̀ɨ̀tà wuê ànəa èghɨ bu mbɨ̧te ènyit tɔb tèa nkɨà la. È bu bɔ̀ɔ ntsèka mbɨ̀Ꞌɨ̀ Fo Mbɔ̧ɔ̧mà kɨa la, e mɨ̀ɨ̀tà wuê ànəa èghɨ bu Fo Mbɔ̧ɔ̧mà nàa nkɨà la.

Lûm 8:9

Ka bɨa kà ghɨ mbɨꞋɨ̀ mbɨ̧te ènyit tɨ̧ tèa shua la, bɨa ngɨ̀à wuê mbɨ̀Ꞌɨ̀ Fo Mbɔ̧ɔ̧mà nàa shua la, na Fo Mbɔ̧ɔ̧mà me tseke ane yɨ̧ la. Wòt bakà bɔ Fo Yesò Klistò ane zi, ko tà ntsě wòt tò.

Efesɔ̀s 5:9

Wu èkaꞋà waa ka àa ngɨ̀à bòt e ghɨ̀à àghɨ àgème è wù àyea ntsɔ̧̀ la, nè àyea a kùꞋù la, nè àyea è wû nkûŋ la.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

Lûm 9:8

Tàà shua ale ngua nyɨ̀Ꞌta nê è ntsě bòt bu bàgème bɔ bi awɔb àndǎ̧ Abàlàghâm la ka wu bɔ̧ Mbɔ̧ɔ̧mà la, wu bòt bu bɔ bi awɔb mbɨ̀Ꞌɨ̀ Mbɔ̧ɔ̧mà li nkàꞋ la, ka bɔ̀ lâ ngu bòt àndǎ̧ Abàlàghâm la.

Efesɔ̀s 1:5

Mbɔ̧ɔ̧mà li nga ambo èkɔŋ wu tà bɔ ane ya la mbèla àfɨꞋa tsa ntàŋke ndɨ Yesò Klistò nàa li ghɨ̌ baa tsiꞋi bɔ̧ bi la. Tà li ngɨ̀ àyaa ndɨ tà kɔ̀ŋkè nê à wu la.

Lûm 9:26

KwàꞋ adziꞋ yu tà li shu awɔb nê ‘Bɨ ntsě bòt bɔ̧ la’, bɔɔ tɔ awɔb abot ane bɔ̧ Mbɔ̧ɔ̧mà yû̧.”

Matìù 5:9

Ntsɔ̧̀ wu bòt bɔ̀ɔ nkɨà àlàŋkè la, Mbɔ̧ɔ̧mà naa li tɔ awɔb ane bɔ̧ bi.

Gàlashìà 4:5

Tà li ntsaa atò mbɨ̀Ꞌɨ̀ taa kɨꞋɨ echùꞋù ètsə bòt bu bɔ̀ wu mbɨ̀Ꞌɨ̀ èbùꞋ a èten mbɨ̧tsə la e ghɨ̌ baa tsiꞋi bɔ̧ Mbɔ̧ɔ̧mà.

1 Jɔ̌n 3:24

Waa waa tàa ngɨ̀à ànəa Mbɔ̧ɔ̧mà shu la tsiꞋi àghɨ yeamɔꞋ bɔ̂ tò; Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut. Àghɨa a ghɨ̀ ka ba nê ba tsiꞋi àghɨ yeamɔꞋ nè Mbɔ̧ɔ̧mà la, wu nè tà zi Fo zi a mèntɨ̧ɨ̧ ma.