Lûm 6:11 - Mundani

¹¹ Bɨ̀ nɨ àwɨ̧ mɨ̧̂ mbɨ̀Ꞌɨ̀ bèmpfəà ane màngɨa kàbɔ̀ŋ, mè nɨ àwɨ̧ mbɨ̀Ꞌɨ̀ bòt yu̧ a màngɨa àghɨa Mbɔ̧ɔ̧mà kɨa la, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la.

Lûm 6:11 Referans Kwoze

1 Kɔlìn 6:20

Tà li njù̧ù̧ awɨ̧ yu̧. Ale, bɨ̀ me nɨ mbɨ̧te ènyit tɨ̧ nɨa nkùkta Mbɔ̧ɔ̧mà.

Lûm 6:2

BetsiꞋa à ka wu ale! Bàa wu bàà tsiꞋi mbɨ̀Ꞌɨ̀ bèmpfəà tè kàbɔ̀ŋ kà tsi mbɔ̀ mètàŋ a ègwet la la, bàa ghɨ̀ na e mě me ghɨa kàbɔ̀ŋ à?

Lûm 6:13

Bɨ̀ ka sa èdziꞋ ènyit bɨ̧ abua kàbɔ̀ŋ, e ghɨ̀ bɨ me ghɨ èbɨꞋte èghɨ. Bɨ̀ ŋa wɨ̧ wuê abua Mbɔ̧ɔ̧mà, mbɨ̀Ꞌɨ̀ bòt bɔ dzəè a èbem èvə ntsiꞋi a èbem mèmpème la, mè ŋa mbɨ̧̀ tɨ̧ nènkèm abua Mbɔ̧ɔ̧mà mbɨ̀Ꞌɨ̀ tea me ghɨ̀ èghɨ àa mbɔ̀ la.

Kɔ̀losìà 3:17

Bɨ̀ me ghɨ̌ àghɨ àgème, mè ndàꞋà ànəê àgème wuê ane èlen Yesò Lefɨ̀Ꞌ, mbɨ̀Ꞌɨ̀ bɨ̀a ntsea ane tò ŋǎ mènkɔ̀ŋke abua Tǎt wa Mbɔ̧ɔ̧mà la.

Lûm 8:18

Mâ mɨɨtè nê betsiꞋa bàà ka fɨꞋnè ngoꞋ yu baa yea àfɨ̀Ꞌ yaa la ane ènɨ̧ wu bɔ̀ɔ li nyɨ̀Ꞌte abua ya la.

1 Pità 2:5

Bɨ̀a anè ntsìꞋi àti a yu̧ mɨ̧̂. È wu ale, bɨ̀ səèꞋtè àwɨ̧ ngà mbɨ̧̀ tò tà nɨ awɨ̧ mvəèəè lob Mbɔ̧ɔ̧mà, è wu ye Fo tò yu ane yɨ̧ la. À wu ale mbɨ̀Ꞌɨ̀ bɨa me fàꞋa a èbèm mbɨ̀Ꞌɨ̀ bèntsìà mèpɨ̧̀ èntɨ̧ɨ̧ kèfə, e me tsì mèpɨ̧̀ Fo Mbɔ̧ɔ̧mà, è kùꞋu a mbì tò nkàà àghɨa Yesò Klistò è ghɨ̀ la.

Efesɔ̀s 2:7

Tà li ngɨ̀ àyaa mbɨ̀Ꞌɨ̀ li me tseka nyɨ̀Ꞌta ntsɔ̧̀ vi wu è ghe la. Baa ndzea ntsɔ̧̀ tò waa ane àghɨa Yesò Klistò ghɨ ane ya la.

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

Filìpȩ 4:7

Bɨ ghɨ̀ ale ko Mbɔ̧ɔ̧mà naa ŋa awɨ̧ àlàŋkè a tsè ayea betsiꞋa wɔ̀bȩ̂ koê la, aa kaba mèntɨ̧ɨ̧ mɨ̧, nè mèmɨ̀ɨ̀te mɨ̧ mbɨ̀Ꞌɨ̀ àghɨa ko a ghɨ̀ adù̧, ndɨ̀ wu bɨ Yesò Klistò ba è tsiꞋi àghɨ yeamɔꞋ la.

Lûm 16:27

Wu ndàꞋà Mbɔ̧ɔ̧mà tà bɔ èyì la. MèngùꞋte wu abua tò ane àlia nè àlia, nkàà àghɨa Yesò Klistò li ngɨ̀ la! Àmèn.

Lûm 6:10

Tà li mpfə ale, a wu nê tà bê mpfə ngò̧ yemɔ̀Ꞌ nkàà kàbɔ̀ŋ. Mè njù̧ù̧me ale nko nê ye tsiꞋa ntsèka e me ŋa kènuke wuê abua Mbɔ̧ɔ̧mà.

Lûm 7:4

Bɔnyɨ bɔ̧, eyaa bê ngu ndɨ àa ane yɨ̧ la. Yesò Klistò li mpfəè ale, a wu nè bɨ pfə ayɨ̧ mɨ̧̂ ane ànəa mbɨ̧ mbɨ̀Ꞌɨ̀ bɨ̀a tsiꞋi bòt wòt tsa. Ŋut wu wòt wu Mbɔ̧ɔ̧mà li njù̧ù̧me atò, mbɨ̀Ꞌɨ̀ e ghɨ̌ bɨa tsiꞋi bòt bɔ̀ɔ ntsèka ngɨ̀à àghɨa àa mbɔ̀ a Mbɔ̧ɔ̧mà la.

Lûm 7:6

Mbɨ̧ nàà ka tsi nkùùle awa afɨ̀Ꞌ yaa, nkàà nê baa li mpfə ndùùlà àghɨ yu a li mbà̧aã awa mbɨ̀Ꞌɨ̀ bɔtefȩ la. Baà tsiꞋa ngɨ̀à wuê àghɨa alu̧ fi wu Fo Mbɔ̧ɔ̧mà nàa nyɨ̀Ꞌta awa la nàa nkɨa la. Baà ka tsi ndzə ànəa alu̧ nyaꞋ wu bɔ li shɨ a èbem àkata mbɨ̧ la.

Kɔ̀losìà 2:20

Ndɨ̀ wu bɨ pfəꞋte ne Yesò Klistò, tè bɨ̀ ka tsi ngu a èten fo tu tèa mbǎ̧ ngɔ̀ŋ yaa la, è ghǎ ghɨ̂ ka bɨ mè me ghɨ̀ mènəè mɨ̧ mbɨ̀Ꞌɨ̀ bòt ngɔ̀ŋ ya à? Bɨ ghɨ̀ na ka mbèla nkùŋà mbɨ̧ tu tèa shua nê,

1 Pità 2:24

Yesò Klistò zìambɔŋ li ŋèꞋe a kàbɔ̀ŋ wa àtsəa zi nɨŋ nga a mbɨ̧̀ mbasa mbɨ̀Ꞌɨ̀ e ghɨ̌ kàbɔ̀ŋ naa bakà tsi mbɔ̀ mètàŋ a ègwet la, baa me tseke mbɨꞋɨ̀ Mbɔ̧ɔ̧mà nàa nkɨà la. Tèfɨŋ tu tà li mbɔŋ la te ghɨ̂ bɨ pem.