Lûm 5:5 - Mundani

⁵ Mbɨ̀Ꞌɨ̀ baa ko ale la, baa ntsèa nchɨ̀Ꞌà àku, nkàà nê Fo Kèfə yu tà ŋa abua ya la è ghɨ̂ èkɔŋ tò e lu̧u̧ a mèntɨ̧ɨ̧ ma.

Lûm 5:5 Referans Kwoze

Gàlashìà 4:6

Ane èlɨ̀ wu bɨ̀ tsiꞋi bɔ̧ Mbɔ̧ɔ̧mà la, tà tsàà Fo waã vi a mèntɨ̧ɨ̧ ma, ŋȩ nê, “Abà! Tǎt wa!”

Filìpȩ 1:20

Maa nchɨ̀ɨ̀mâ nkɨ̀a, mè mbɔ ntɨ̀ nê, è nka bê lɔ̀Ꞌɔ ebɔ àtsəa kɔꞋɔ ane ànəa Yesò a. Ka maa lɔ̀kè èlen Yesò Klistò etsaa ègwet àfɨ̀Ꞌ yaa mbɨ̀Ꞌɨ̀ màa ndzìà ngɨ̀à la, kà bɔ̀a. E màà ngu bele wuê a sitsǎꞋ ŋàa, kò mpfə leꞋ, ko maa me lɔ̀kè wuê èlen tò.

2 Tɔ̀màtià 1:12

Eyaa wu lə yu e ndzèa ngoꞋ yaa la. Ka betsiꞋa è nka bɔ àtsəa kɔꞋɔ ane ànəa ko nkàà nê mâ ko wòt wu mâ zì ntɨ̀ yaã ane tò la. Mâ ko mɨ̧̂ nê, betsiꞋa tà baabe Ntu̧ Ntsɔ̧̀ yu tà ŋa abua am la tè ngà ngu ane àli yu tàa li e mě kɨꞋɨ la.

2 Kɔlìn 1:22

Tà zǐ àlȩê a zi ane ya, enɨ nyɨꞋte nê ba wu bòt bi, mè ndzì Fo Kèfə a mèntɨ̧ɨ̧ ma enɨ nyɨꞋte nê baa li ebɔ èghɨ tà nɔ̀ŋe abua ya la.

1 Jɔ̌n 4:19

Baa nkɔ̀ŋkà Mbɔ̧ɔ̧mà nè bɔnyɨ ba, nkàà nê Mbɔ̧ɔ̧mà li mbɨ̀ nkɔ̀ŋkè àwa.

Efesɔ̀s 1:13

Bɨ̀a mbɔŋ e li ntsìꞋi bòt Mbɔ̧ɔ̧mà mɨ̧̂ àfɨ̀Ꞌ yu bɨ li ndzəâ èngǎ̧ nkûŋ la. Èngǎ̧ mbɔŋ wu Ntu̧ Ntsɔ̧̀ yu è li ngɨ̀ bɨ pem la. Bɨ li ndzə mbɨ̧̀ɨ̧̀ne, Mbɔ̧ɔ̧mà zì àlȩê àzi ane yɨ̧. Àlȩê yaa wu Fo Kèfə yu tà li nkàꞋ bòt bi la.

ÀfaꞋa 2:33

Mbɔ̧ɔ̧mà yu̧u̧me atò ntsìà àbâ àbualu̧ azi, mè ndzì Fo Kèfə ane tò, mbɨ̀Ꞌɨ̀ Tǎt tò Mbɔ̧ɔ̧mà wu zìambɔŋ li nkàꞋ la. Èghɨ bàa bɨ ye àfɨ̀Ꞌ yaa mè ndzəèa la, wu èghɨ Yesò ghɨ̌ ane ya la.

Efesɔ̀s 4:30

Bɨ̀ ka ngɨ̀ àghɨa àa me saa Fo Kèfə Mbɔ̧ɔ̧mà la. Fo ya wu àlȩê yu Mbɔ̧ɔ̧mà li ndzi ane yɨ̧ nê bɨ wu bòt bi la. Fo mbɔŋ wua nyɨ̀Ꞌta nê àli yu aa li nkɨ̀Ꞌɨ̂ Mbɔ̧ɔ̧mà ghɨ̀ bɨ pem.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

ÀfaꞋa 2:17

‘Mbɔ̧ɔ̧mà laꞋnê, eyaa àghɨa màa li ghɨ̌ ane èli mèndìa la. Maa li zǐ Fo yaã adù̧ waa waa, bɔ̧ bɨ̧ aa me làꞋà mèngǎ̧ ane àtɔŋ Mbɔ̧ɔ̧mà, bɔngwàꞋ bɨ̧ e ye ètsə, ndente bòt tɨ̧ te mè ndzě ndzò̧tsə.

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

Lûm 8:28

Baà ko nê Mbɔ̧ɔ̧mà nàa ngɨ̀à àghɨa àgème wuê ane ntsɔ̧̀ bòt bu bɔ̀ɔ nkɔ̀ŋkà tò la, bòt bu tà tɔ awɔb mbɨ̀Ꞌɨ̀ tà li nɔ̀ŋè la.

1 Kɔlìn 8:3

Ka wòt nàa me kɔ̀ŋka Mbɔ̧ɔ̧mà, Mbɔ̧ɔ̧mà ko a ŋut.

2 Kɔlìn 3:18

Bàa gème aa anè bà ka tsi ngu mbɨ̀Ꞌɨ̀ bòt bɔ kaba mèsi mɔb la. Bɔɔ ndzea èkaꞋa mètàŋ Mbɔ̧ɔ̧mà ane ya àfɨ̀Ꞌ àgème. Wu Fo Yesò Klistò yaa ka nàa ngɨ̀à àyaa ane ya la. Nàà ngɨ̀à ba kubtà ntsìꞋa mbɨ̀Ꞌɨ̀ Yesò Klistò wu zìambɔŋ, nyɨ̀Ꞌta mètàŋ Mbɔ̧ɔ̧mà nɨa ngà nè mbì.

ÀfaꞋa 10:45

Bòt Yesò bu bɔ̀ wu Bèjuê, bɔ li ndzə a Jopà nkɨ̀Ꞌɨ̂ bɔ̂ Pità ba la, e ye ndɨ Mbɔ̧ɔ̧mà zi Fo Kèfə ane bòt kà wu Bèjuê la, a taꞋa tsè àwɔb.

Lûm 1:7

Tà shɨ abua bòt Mbɔ̧ɔ̧mà bu bàgème a Luêm, Mbɔ̧ɔ̧mà nàa nkɔ̀ŋkà àwɔb mè ntɔ awɔb ane bòt bi la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ nyɨꞋte a ntsɔ̧̀ wɔb abua yɨ̧, ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Lûm 9:33

Àyaa a wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Bɨ̀ ye, e ngua nɔ̀ŋa èti a Zayɔ̀n, èti àa ghɨ̌ bòt aa sèmne adù̧ la, èwu àa ghɨ̌ bòt aa kwene la. Wòt tà zi èntɨ̧ɨ̧ vi ane tò la ka bɔ àtsəa kɔꞋɔ.”

2 Kɔlìn 13:14

Maà ntsàꞋtà nê Lefɨ̀Ꞌ Yesò Klistò nyɨꞋte a ntsɔ̧̀ vi abua yɨ̧, bɨ̀ mě ndzè èkɔŋ Mbɔ̧ɔ̧mà, Fo Kèfə e ghɨa bɨ̀ wu ane ètsəê wemɔꞋ bɨ̀agème.

1 Tèsàlonikà 4:8

È wu ale, wòt tù̧a èngà̧ waa ba nyɨꞋtà la, tà ko nê ye tu̧a Mbɔ̧ɔ̧mà wu tà ŋa Fo Kèfə abua yɨ̧ la, tà kà ntu̧a wɔ̀bȩ̂.