Lûm 5:12 - Mundani

¹² Kàbɔ̀ŋ lè kɨꞋɨ̀ a ngɔ̀ŋ nkàà wòt wemɔ̀Ꞌ, èvə e mè nkɨ̀Ꞌɨ̀ nkàà kàbɔ̀ŋ tò. Àyea a ghɨ̀ èvə e liꞋi waa waa nkàà ndɨ bòt bàgème e ghɨa kàbɔ̀ŋ la.

Lûm 5:12 Referans Kwoze

Lûm 5:19

Wòt wemɔ̀Ꞌ li ntu̧u̧ e ghɨ̀ àghɨa Mbɔ̧ɔ̧mà shu la, a ghɨ̀ bòt nyaŋ e tsiꞋi bòt kàbɔ̀ŋ, wu wuê ndɨ wòt wemɔ̀Ꞌ tà li ngua ndzəèa Mbɔ̧ɔ̧mà la, li ngɨ̀ Mbɔ̧ɔ̧mà nɨ bòt nyaŋ ane bòt bɔ̂ tɨ̧ɨ̧ ndɨŋndɨ̀ŋ a mbì li la.

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

Lûm 3:23

nkàà nê waa waa è ghɨa kàbɔ̀ŋ tè tà kà tsi mbɔ̀ ènɨ̧ wu Mbɔ̧ɔ̧mà li ngɨ̀ atò nê tà bɔŋ la.

Jimsì 1:15

Àghɨa ngaa a ghɨ̀ à lu̧u̧ a èntɨ̧ɨ̧ tò, è tsìꞋi dzəâ kàbɔ̀ŋ. ÀfɨꞋa kàbɔ̀ŋ ngaa ghe la, è nɨ̀ èvə nɨŋ nkɨ̀Ꞌɨ̂.

Lûm 5:21

Ale, mbɨ̀Ꞌɨ̀ kàbɔ̀ŋ èbɔ mètàŋ ngɨ̀ bòt e me pfəꞋte la, wu wuê ndɨ̀ ntsɔ̧̀ Mbɔ̧ɔ̧mà wu tà nyɨꞋtè abua bòt la, èbɔ mètàŋ mè ngu ghɨ̌ bòt aa tsiꞋi bòt bɔ tɨ̧ɨ̧ ndɨŋndɨ̀ŋ a mbì tò, mè mbɔ̀ mèmpème kàlìà, nkàà àghɨa Yesò Klistò Lefɨ̀Ꞌ wa ghɨ̀ la.

Jimsì 3:2

Bàa gème aà fà̧à̧tà mènəè. Ale, wòt me làꞋa mbakà wua fà̧à̧tà mènəè, tà ko nê, mènəè mi ègème lâ nkùꞋ, ye mè ngu ko ebaabe mbɨ̧̀ ènyit zi ègème.

Lûm 5:18

Mbɨ̀Ꞌɨ̀ kàbɔ̀ŋ wòt wemɔ̀Ꞌ li nɔ̀ŋè ndɔ̀ Mbɔ̧ɔ̧mà àtsəa bòt bàgème la, wu wuê èlɨ ntsɔ̧̀ wu wòt wemɔ̀Ꞌ è ghɨ̀ la, è ghɨ̂ bòt bàgème e bɔ lu̧ e ghǎ tsààbà, e mě bɔ mèmpème kàlìà la.

Lûm 6:21

Àbȩ̀ yu bɨ̀ le wua mbɔ a màngɨa èghɨ bu bɨ tsiꞋa mbɔ àtsəa kɔꞋɔ adù̧ àfɨ̀Ꞌ yaa la wu ghàà? Èghɨ mbɔŋ aa ŋa èvə.

1 Kɔlìn 15:56

Àghɨa èvə àa nɨa ntea bòt la wu kàbɔ̀ŋ, kàbɔ̀ŋ me nɨ mètàŋ mi ane mbɨ̧.

Efesɔ̀s 2:3

Bàa gème e li ngu mbɨ̀Ꞌɨ̀ bɔ̀ɔ̀ba wàa, me tseke mbɨꞋɨ̀ mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ba li ngua ngɨ̀à àghɨ àgème a kɔꞋɔ a ètsə ba la, nè àyea mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ale, ntsǒ Mbɔ̧ɔ̧mà li mbɔ̌ ndɨ nàa nɔ̀ŋke a ètsə ba wuê mbɨ̀Ꞌɨ̀ nàa nɔ̀ŋke àtsəa wɔ̀bȩ̂ ègème la.