Lûm 4:6 - Mundani

⁶ Mbɨ̀Ꞌɨ̀ Fɔ̧̀ Dàbid li ndàꞋ azi mɨ̧̂ la nê, ntsɔ̧̀ wu wòt wu Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li, kà è wû àfaꞋa ntsɔ̧̀ ŋut ghɨ̀ la:

Lûm 4:6 Referans Kwoze

2 Tɔ̀màtià 1:9

Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

Filìpȩ 3:9

e mě lâ etsiꞋi àghɨ yeamɔꞋ ba tò. Mmɔ̌ mbɔŋ e mbakà tsi ntɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà mbɨ̧te Bèjuê tu màa nkùŋà la. Mâ tsiꞋi tɨ̧ɨ̧ ndɨŋndɨ̀ŋ a mbì Mbɔ̧ɔ̧mà àfɨ̀Ꞌ yaa nkàà nê mâ zǐ èntɨ̧ɨ̧ am ane Yesò Klistò.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

Efesɔ̀s 1:3

Bà kɔ̀ŋka Mbɔ̧ɔ̧mà wu tà wu Tǎt Yesò Klistò Lefɨ̀Ꞌ wa la. Ndɨ̀ wu bà tsiꞋi àghɨ yeamɔꞋ nè Yesò Klistò la, Mbɔ̧ɔ̧mà lɔ̀ɔ̀lè àwa, nè èghɨ ntsɔ̧̀ ègème e dzə a ègwet, è wu èghɨ e bɔ ndɨ àa ghɨ̀ ne mèntsèke ma ane Mbɔ̧ɔ̧mà la.

Gàlashìà 3:14

Yesò Klistò li ngɨ̀ àyaa anè mbɨ̀Ꞌɨ̀ e ghɨ̌ èlɔ̂t wu Mbɔ̧ɔ̧mà li nkaꞋa Abàlàghâm la aa tsě ane tò e kɨꞋɨ abua bòt kà ko a Mbɔ̧ɔ̧mà. A li ngu ane mbɨ̀Ꞌɨ̀ e ghɨ̌ èntɨ̧ɨ̧ wu ba zi ane Yesò la aa ghɨ baa bɔ Fo yu tà li nkàꞋ la.

Lûm 4:11

Bɔ li ntsiꞋi nàŋe atò àfɨ̀Ꞌ à, mbɨ̀Ꞌɨ̀ àlȩê enɨ nyɨꞋte nê Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà nê tà li ndzì èntɨ̧ɨ̧ vi ane Mbɔ̧ɔ̧mà àfɨꞋa bɔ li bɔ̀ ka ziꞋì nàŋe atò la. A li ngu anè mbɨ̀Ꞌɨ̀ Abàlàghâm naa wu tǎt bòt bu bàgème bɔ zi mèntɨ̧ɨ̧ mɔb ane Mbɔ̧ɔ̧mà kà bɔ zìꞋì nàŋa awɔb, Mbɔ̧ɔ̧mà nɨ awɔb mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

Lûm 1:17

Ntu̧ Ntsɔ̧̀ Mbɔ̧ɔ̧mà nàà nyɨ̀Ꞌta ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è wu wòt wu tà zi èntɨ̧ɨ̧ vi ane waã tò Yesò Klistò tè èlu̧ tsa è ka tsi ngu la. Bɔ shɨ a èbem Àkata Mbɔ̧ɔ̧mà nê, “Wòt tà zi èntɨ̧ɨ̧ vi ane Mbɔ̧ɔ̧mà, tè Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, naa li wu ane àlia nè àlia.”

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

Gàlashìà 4:15

Bɨ li ngùꞋtè àwɨ̧ ale eghǎ tseke tè ngɨ̀ à? Mâ bê ndâ nko nê è lè ghɨ̂ ale nguê àghɨa betsiꞋa wɔ̀bȩ̂ koê ngɨ̀ la ko bɨ tsɔꞋte àghɨ ayɨ̧ ŋa abua am.

Lûm 4:24

Bɔ li ngua shɨa abua ya mɨ̧̂, bàa wu bàa li tsiꞋi bòt bɔ̀ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà ndɨ̀ wu bàa zì mèntɨ̧ɨ̧ ma ane tò wu tà yu̧u̧me a Tǎt wa Yesò wu

Lûm 4:9

Ntsɔ̧̀ waa nàa anè ngu wuê abua bòt bɔ naŋe awɔb la, kò abua bòt bu kà bɔ naŋe awɔb la mɨ̧̂ à? Ànəa ba shua la wu nê Mbɔ̧ɔ̧mà li nɨ Abàlàghâm mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà ndɨ̀ wu tà li ndzì èntɨ̧ɨ̧ vi ane Mbɔ̧ɔ̧mà la.

Lûm 3:27

A wu anè, ko wòt nàa mě me wu̧u̧ nkùꞋ zi shua nê ghàà? Àghɨ a te ntsě. Àghɨa àa kele wòt nê tà ka me wu̧u̧ nkùꞋ zi la wu ghàà? Wu mbɨ̧ wòt nàa me shu nê yea nɔ̀ŋà la? ÀwɔꞋ, wu màndzia èntɨ̧ɨ̧ ane Yesò Klistò, ka nàa kele wòt a màngu̧a nkùꞋ zi la.

Matìù 25:19

“Àfɨ̀Ꞌ a tseke tè me wu tǎt bɔfàꞋ bu kua nê bɔ̂ tò ba è tseke a si nkwàꞋtè èkab wu.

Lûm 4:5

Ka wòt bakà wua ngɨ̀à èfàꞋ nkɨà àbȩ̀, mbɔ̂ ndzì èntɨ̧ɨ̧ vi ane Mbɔ̧ɔ̧mà wu betsiꞋa tà nɨ wòt mènəè kàbɔ̀ŋ mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, ko tàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà èntɨ̧ɨ̧ wu ŋut zi ane tò la.

Lûm 4:7

“Ntsɔ̧̀ wu wòt wu Mbɔ̧ɔ̧mà waꞋa kàbɔ̀ŋ tò, mè nkàbte èbɨꞋte mènəè kàbɔ̀ŋ ègème tà ghɨ̀ la.

Jimsì 2:18

Wòt kǒ naa laꞋnê, “A zi èntɨ̧ɨ̧ wê ane Mbɔ̧ɔ̧mà, e me fàꞋa èfaꞋa ntsɔ̧̀.” À bɨ̀ɨ̀lè am wu nê “NyɨꞋte am èntɨ̧ɨ̧ wu à zi ane Mbɔ̧ɔ̧mà la, è nɨ èfaꞋa ntsɔ̧̀ bɔ̧ nyɨ̀Ꞌte awê èntɨ̧ɨ̧ wu mâ zi ane Mbɔ̧ɔ̧mà la.”